(Khmer) កងសន្តិសុខខណ្ឌដូនពេញរារាំងអតីតស្រ្តីបឹងកក់មិនឲ្យដាក់ញ្ញត្តិនៅ ធនាគារពិភពលោក

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

អតីតស្ត្រីរងគ្រោះដីធ្លីនៅតំបន់បឹងកក់ប្រមាណ ៣០នាក់ បានប្រមូលផ្ដុំគ្នានៅមុខធនាគារពិភពលោក ក្នុងរាជធានីភ្នំពេញ ដើម្បីដាក់ញត្តិស្នើសុំឲ្យផ្អាកការផ្ដល់ជំនួយគ្រប់ប្រភេទ មករដ្ឋាភិបាលកម្ពុជា ដែលកំពុងដឹកនាំដោយលោក ហ៊ុន សែន នៅព្រឹកថ្ងៃទី២៦ ខែមេសានេះ។

បណ្ដាញអតីតស្រ្តីបឹងកក់យល់ឃើញថា៖ ការផ្ដល់ជំនួយជាថ្មីរបស់ធនាគារពិភពលោកមកអោយកម្ពុជាមិនបានជំរុញឲ្យរាជរដ្ឋាភិបាលគោរពសិទ្ធិមនុស្សទេ និងបានរារាំងការតស៊ូមតិ ដើម្បីទាមទារដីធ្លីរបស់ពួកគេទៀតផង។

«ការសម្រេចមិនផ្ដល់ ឬ ផ្អាកការផ្ដល់ជំនួយឲ្យរាជរដ្ឋាភិបាលកន្លងមក បានជួយយ៉ាងច្រើនដល់ ការតស៊ូមតិរបស់យើងខ្ញុំទាំងអស់គ្នា ដើម្បីទាមទារដីធ្លីរបស់ពួកយើងមកវិញ»

ការដាក់ញ្ញត្តិមិនទទួលបានជោគជ័យទេ ខណៈពួកគាត់កំពុងជួបជុំគ្នាត្រូវបានកងសន្តិសុខខណ្ឌរារាំង និងចាប់អ្នកតំណាងចំនួន ០៨នាក់ និងម៉ូតូពីរគ្រឿងលើកដាក់ឡាន រួចដឹកយកនៅដាក់នៅក្បែរវត្តភ្នំ។ ក្រុមសន្តិសុខមិនបានអនុញ្ញាតិអោយស្ត្រីទាំងនោះចាកចេញពីទីនោះទេ រហូតដល់ម៉ោង ១១និង៣០ នាទី ថ្ងៃត្រង់ទើបអនុញ្ញាតិ។

គួរបញ្ជាក់ថា  ធនាគារពិភពលោក បាន​សម្រេច​ផ្តល់​កម្ចី​ឥត​ការ​ប្រាក់​ទំហំ​ ១០០​លាន​ដុល្លារ​អា​មេ​រិ​ក​ដល់​កម្ពុជា​សម្រាប់ គម្រោង​លើកកម្ពស់​គុណភាព​អប់រំ​ ​ស្ថាបនា​ផ្លូវលំ​តាមជនបទ​ឲ្យ​កាន់តែ​ប្រសើរ និង ​ការ​ប្រែប្រួល​អាកាសធាតុ ដែលបានចេញផ្សាយកាលពី​ថ្ងៃ​ទី​១៧ ខែមេ​សា ឆ្នាំ២០១៧។

គួររំលឹកឡើងថា ក្នុងកំឡុងឆ្នាំ២០០៧ រាជរដ្ឋាភិបាលកម្ពុជាបានផ្ដល់សិទ្ធឲ្យក្រុមហ៊ុនឯកជន ស៊ូកាគូអ៊ីន ធ្វើការអភិវឌ្ឍន៍នៅតំបន់បឹងកក់ ដែលធ្វើឲ្យប៉ះពាល់ជាង ៣០០០គ្រួសារក្នុងតំបន់នោះ៕

Picture by Vantha

Picture by Vantha

Picture by Vantha