Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.
នាព្រឹកនេះ ប្រធានក្រុមប្រឹក្សាឃុំមកពីគណបក្សជំទាស់លោក ស៊ាង ចែត ត្រូវបានដោះលែងពីពន្ធនាគារហើយ បន្ទាប់ពីបានទទួលការលើកលែងទោសពីព្រះមហាក្សត្រព្រះបាទនរោត្តម សីហមុនី។ លោកត្រូវបានឃុំខ្លួនក្នុងពន្ធនាគារអស់រយៈពេល ២២៨ថ្ងៃ រួចមកហើយ។
ការលើកលែងទោសនេះត្រូវបានធ្វើឡើងរយៈពេល ៤៨ម៉ោង បន្ទាប់ពីលោកត្រូវបានផ្តន្ទាទោសដោយសាលាដំបូងរាជធានីភ្នំពេញ ហើយនេះមានន័យថា លោកនឹងមិនត្រូវបានឲ្យអនុវត្តទោសជាប់ពន្ធនាគាររយៈពេល ៥ឆ្នាំ ពីបទ “សូកប៉ាន់សាក្សី” (សំណុំរឿងដែលត្រូវបានគេយល់ឃើញថាជារឿងនយោបាយ) ដែលបានស៊ើបអង្កេតដោយអង្គភាពប្រឆាំងអំពើពុករលួយ (ACU) នោះទេ។
ការដោះលែងនេះធ្វើឡើងស្របពេលដែលស្ថានភាពនយោបាយហាក់បីដូចជាមានភាពធូរស្រាលរវាងថ្នាក់ដឹកនាំគណបក្សកាន់អំណាច និងគណបក្សជំទាស់ បន្ទាប់ពីមានការលើកលែងទោសស្រដៀងគ្នានេះដែរចំពោះអនុប្រធានគណបក្សជំទាស់ ឯកឧត្តម កឹម សុខា កាលពីថ្ងៃទី២ ខែធ្នូ។ ឯកឧត្តម កឹម សុខា បានចំណាយពេលជាង៦ខែ សម្រាប់ការឃុំខ្លួនឯងក្នុងទីស្នាក់ការកណ្តាលរបស់គណបក្សសង្រ្គោះជាតិ។
ប្រភព៖ licadho-cambodia.org
