(Khmer) ពលរដ្ឋខេត្តកំពតដាក់ញត្តិរកអន្តរាគមន៍ពីក្រសួងរៀបចំដែនដី នគរូបនីយកម្ម និងសំណង់

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

នៅព្រឹកថ្ងៃទី២៤ ខែមេសានេះ ប្រជាពលរដ្ឋចំនួន​ ៨នាក់ តំណាងអោយ៧២គ្រួសារដែលរស់នៅខេត្តកំពត បានដាក់ញត្តិសុំអោយក្រសួងចេញប័ណ្ណកម្មសិទ្ធិឲ្យពួកគេ និងបន្តវាស់ដីដែលនៅសល់។

ប្រជាសហគមន៍អោយដឹងថា៖ ការលើកគ្នាមកដាក់ញត្តិនេះព្រោះលោក សុខ គង់ បានដាក់សន្តិសុខរារាំងពលរដ្ឋមិនឲ្យធ្វើរបង ឬ ដាំដុះលើដីរបស់ពួកគាត់។

ករណីជម្លោះដីធីនេះ ស្ថិតនៅ ភូមិរលួស គីឡូ១២ ភូមិព្រែកចេក ឃុំបឹងទូក និងឃុំកោះតូច ស្រុកទឹកឈូ ខេត្តកំពត។

ប្រជាសហគមន៍អោយដឹងទៀតថា៖ មកទល់ពេលនេះពួកគេមិនទាន់ទទួលបានប្លង់កម្មសិទ្ធិដែលចុះវាស់ដោយក្រុមនិស្សិតស្ម័គ្រចិត្តតាំងពីឆ្នាំ២០១២នៅឡើយ ហើយ ដីដែលនៅសល់អាជ្ញាធរខេត្តកំពតមិនបានវាស់បន្តទេ។

តំណាងក្រសួងដែនដីបានទទួលញត្តិរបស់ពួកគាត់ ហើយថានឹងទាក់ទងនៅអាជ្ញាធរខេត្ត ដើម្បីរកដំណោះស្រាយ៕