(Khmer) សាលាឧទ្ធរណ៍បន្តឃុំខ្លួនអ្នកស្រី ទេព វន្នី

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

នៅ​ព្រឹក​ថ្ងៃ​ទី​០៨​ ខែ​សីហា​ ឆ្នាំ ២០១៧ នេះ​ សាលាឧទ្ធរណ៍​សម្រេច​តម្កល់​សាលក្រម​សាលា​ដំបូង​រាជធានី​ភ្នំពេញ​ទុកជាបានការ ​ដោយបន្ត​ឃុំ​ខ្លួន​តំណាង​សហគមន៍​បឹងកក់ អ្នកស្រី ទេព វន្នី ក្នុងពន្ធនាគារ​រយៈពេល​២ឆ្នាំ​៦ខែ​។

អ្នកស្រី ទេព វន្នី ត្រូវ​បាន​សាលា​ដំបូង​រាជធានី​ភ្នំពេញ​ចោទ​ថា បាន​បង្ក​ហិង្សា​ ក្រោម​បទ​ចោទ «​ប្រព្រឹត្ត​អំពើហិង្សា​ដោយ​ចេតនា មាន​ស្ថាន​ទម្ងន់ទោស​»​ នៅ​ក្បែរ​ផ្ទះ​លោក​នាយក​រដ្ឋមន្ត្រី ហ៊ុន សែន កាល​ពី​ថ្ងៃ​ទី​៣ ខែ​មីនា ឆ្នាំ​២០១៣។

អ្នកស្រី ​ទេព វន្នី​​ ត្រូវបានចាប់ខ្លួនដោយអាជ្ញាធក្រុងភ្នំពេញនៅថ្ងៃទី១៥ ខែ សីហា ឆ្នាំ២០១៦ ខណះពេលដែលអ្នកស្រី និងសមាជិកសហគមន៍ផ្សេងទៀត កំពុងធ្វើយុទ្ធនាការថ្ងៃចន្ទពណ៌ខ្មៅ។ អ្នកស្រីត្រូវបាន​ឃុំខ្លួនក្នុង​ពន្ធនាគារ​អស់​​រយៈពេល​៣៥៨​ថ្ងៃ​មក​ហើយ។

នៅ​​ឯ​ខាង​ក្រៅ​របង​សាលាឧទ្ធរណ៍ សកម្មជន​ដីធ្លី​ប្រមាណ​៧០​នាក់ បាន​មក​ប្រមូល​ផ្ដុំ​គ្នា​ស្រែក​តវ៉ា និង​លើក​បដា​ទាមទារ​ឲ្យ​ដោះលែង អ្នកស្រី ទេព វន្នី។