ព័ត៌មាន

សមត្ថកិច្ចឃាត់ខ្លួនយុវជន៣នាក់ និងរឹតត្បិតសិទ្ធិអ្នកចូលរួមធ្វើបុណ្យរំលឹកខួប៣ឆ្នាំបណ្ឌិត កែម ឡី

0 min read

នាព្រឹកថ្ងៃទី១០ កក្កដា ឆ្នាំ២០១៩ នេះ សមាជិកនៃក្រុមអង្គការសង្គមស៊ីវិល យុវជន និងសកម្មជនសិទ្ធិមនុស្សប្រមាណជិត ១០០នាក់ ត្រូវបានរារាំងពីអាជ្ញាធររាជធានីភ្នំពេញ នៅពេលដែលពួកគេព្យាយាមប្រមូលផ្តុំគ្នានៅ ស្តារ ម៉ាត (ហ្គារ៉ាសសាំងកាល់តិច) ដើម្បីប្រារព្ធខួប៣ឆ្នាំនៃការធ្វើឃាត អ្នកវិភាគសង្គម និងនយោបាយដ៏ល្បីល្បាញ លោកបណ្ឌិត កែម ឡី កាលពីថ្ងៃទី១០ ខែកក្កដា ឆ្នាំ២០១៦។ ជាមួយគ្នាផងដែរបានឃាត់ខ្លួនយុវជនបីនាក់ ខណៈពួកគេព្យាយាមចូលរួមសកម្មភាពនោះ។ ការព្យាយាមមិនឱ្យអ្នកគ្រាំទ្រ លោក បណ្ឌិត កែម ឡី នេះ ជួបជុំគ្នានេះ គឺជាការរឹតត្បិតសិទ្ធិក្នុងការជួបប្រជុំដោយសន្តិវិធី ដែលធានាដោយរដ្ឋធម្មនុញ្ញកម្ពជា ក៏ដូចជាច្បាប់ស្តីពីបាតុកម្មដោយសន្តិវិធី បើទោះបីជា តំណាងអ្នករៀបចំកម្មវិធី បានដាក់លិខិតជូនដំណឹងត្រឹមត្រូវតាមនីតិវិធីក៏ដោយ។

Photos provided to STT by community members

ការប្រារព្ធទិវាលំនៅឋានពិភពលោកនៅសហគមន៍ព្រែកតាគង់ ៦០ ម៉ែត្រ ត្រូវបានរំខានដោយអាជ្ញាធរ

1 min read

នៅម៉ោងប្រហែល ៨ និង ៣០ នាទីព្រឹក ប៉ូលីសនិងអាជ្ញាធរនៃសង្កាត់ចាក់អង្រែលើបានមកដល់សហគមន៍ ព្រែក តាគង់ ផ្លូវ៦០ ម៉ែត្រហើយបានហាមឃាត់ការប្រារព្ធទិវាលំនៅឋានពិភពលោកដែលសហគមន៍កំពុងតែរៀបចំ។ ប៉ូលីសបានប្រាប់សហគមន៍ថាព្រឹត្តិការណ៍នេះគឺខុសច្បាប់ហើយអ្នកតំណាងសហគមន៍ម្នាក់ត្រូវបាននាំខ្លួនទៅ កាន់សាលាសង្កាត់ចាក់អង្រែលើ។ អាជ្ញាធរបានបង្ហាញលិខិតមួយសន្លឹកទៅអ្នកតំណាងសហគមន៍ហើយបានស្នើសុំដាក់ឲ្យផ្តិតមេដៃ។ លិខិតនេះបានបញ្ជាក់ថាអ្នកតំណាងសហគមន៍នឹងមិនប្រារព្ធពិធីណាមួយនៅថ្ងៃអនាគតដោយមិនបានសុំការអនុញ្ញាតជាមុនពីសាលារាជធានីភ្នំពេញនិងក្រសួងមហាផ្ទៃឡើយ។
ប៉ូលីសបានសួរជាពិសេសថា តើអ្នកណាបានជួយគាំទ្រព្រឹត្តិការណ៍នេះហើយបញ្ជាក់ថាពួកគេដឹងថាអង្គការក្រៅរដ្ឋាភិបាលជាអ្នកនៅពីក្រោយរឿងនេះ។

មកអ្នកតំណាងសហគមន៍ត្រូវបានដោះលែងពីការិយាល័យសង្កាត់នៅម៉ោងប្រហែល១០ ព្រឹកបន្ទាប់ពីផ្តិតមេដៃរួច។ គេប្រាប់តំណាងសហគមន៍នោះថាបើមិនផ្តិតមេដៃទេគេមិនអនុញ្ញាតឱ្យចាកចេញទេ។
កាលពីសប្តាហ៍មុនសហគមន៍បានជូនដំណឹងដល់អាជ្ញាធរមូលដ្ឋានអំពីបំណងរបស់ពួកគេក្នុងការរៀបចំទិវាលំនៅឋានពិភពលោក។ អាជ្ញាធរបាននិយាយថាវាជារឿងខុសច្បាប់ក្នុងការធ្វើដូច្នេះ។ នៅក្រោមច្បាប់ស្តីពីការធ្វើបាតុកម្មដោយសន្តិវិធី (ឆ្នាំ ២០០៩) មិនមានការតម្រូវឱ្យទទួលការឆ្លើយតបពីអាជ្ញាធរឡើយតែត្រូវជូនដំណឹងដល់ពួកគេ ៥ ថ្ងៃមុន។

សហគមន៍ព្រែកតាគង់ផ្លូវ៦០ម៉ែត្រមានទីតាំងស្ថិតនៅតំបន់បឹងទំពុនដែលដែលជាតំបន់មានទំនាស់ដីធ្លីក្តៅគគុកខណៈដែលកន្លែងភាគច្រើននៅតំបន់នេះត្រូវបានអភិវឌ្ឍដោយក្រុមហ៊ុន អ៊ីង ហូលឌីងគ្រុប៕

តើអ្វីជាឯកសារដំបូន្មានស្តីពីព័ត៌មានសុវត្ថិភាពដីធ្លី?

0 min read

ថ្ងៃទី២០ ខែកុម្ភៈ ឆ្នំា២០១៧ នេះ ក្រុមការងារនៃគម្រោងរៀបចំដីធ្លី និងសិទ្ធិមនុស្សជំហានទី២ ចាប់ផ្តើមយុទ្ធនាការចែកនូវឯកសារដំបូន្មានផ្នែកច្បាប់សម្រាប់សហមន៍នៅក្នងភូមិក សង្កាត់ច្រាំងចំរេះ២។

ប្រជាសហគមន៍ប្រមាណ ៤៤នាក់ ក្នុងចំណោម៣២គ្រួសារ ដែលរសនៅក្នុង ក្រុម៤ ភូមិក បានចូលរួមស្ដាប់ការពន្យល់និងទទួលយកឯកសារដំបូន្មានផ្នែកច្បាប់នេះផងដែរ។

តើអ្វីជាឯកសារដំបូន្មានស្តីពីព័ត៌មានសុវត្ថិភាពដីធ្លី?

ឯកសារដំបូន្មានផ្នែកច្បាប់គឺជាឯកសារពន្យល់ដល់គ្រួសារនីមួយអំពីស្ថានភាពនៃការកាន់កាប់ដី របស់ខ្លួនទៅតាមច្បាប់ នៃព្រះរាជណាចក្រកម្ពុជា។ គម្រោងនេះជាផ្នែកមួយនៃគម្រោងរៀបចំដីធ្លី និងសិទ្ធិមនុស្សជំហានទី២ ដែលផ្តល់មូនិធិពីសហគមន៍អឺរ៉ុប និងទីភ្នាក់ងារសហប្រតិបត្តិការឆេក និងអនុវត្តដោយ អង្គការ ភីព ផល អ៊ីន នីត សមាគមធាងត្នោត អង្គការអភិវឌ្ឍន៍ស្រីក្រីក្រក្នុងទីក្រុង និងវិទ្យាស្ថានបើកទូលាយ ដោយប្រើប្រាស់នូវវិធីសាស្រ្ត និងបច្ចេកទេសទំនើបដូចជាការប្រើប្រាស់កម្មវិធី iTenure App ដើម្បីប្រមូលព័ត៌មានដីធ្លី iTenure System ដើម្បីផលិតរបាយការណ៍ជាដើម។
ក្នុងនោះយើងក៏មានប្រព័ន្ធសារជាសម្លេងដែលពលរដ្ឋអាចហៅទៅកាន់លេខ ០៧០២២១១៣៨ ដោយឥតគិតថ្លៃរចំពោះប្រព័ន្ធទូរស័ព្ទដូចគ្នាដើម្បីស្តាប់ពីការណែនាំអំពីព័ត៌មានដីធ្លីរបស់ខ្លួនជាពិសេសចំពោះ អ្នកមិនចេះអក្សរ។

ពលរដ្ឋខេត្តស្វាយរៀង លើកគ្នាទៅទប់ស្កាត់គ្រឿងចក្រក្រុមហ៊ុនឈូសឆាយ

0 min read

ប្រជាពលរដ្ឋជិត១៥០នាក់ តំណាងឲ្យ ៤៤០គ្រួសារ នៅឃុំអំពិល ស្រុករមាសហែក ខេត្តស្វាយរៀង កាលពីថ្ងៃម្សិលមិញ បានលើកគ្នាទៅទប់ស្កាត់គ្រឿងចក្ររបស់ក្រុមហ៊ុនអុិនខេ វេនឆ័រ ដែលពួកគាត់អះអាងថា បានទៅឈូសឆាយរំលោភដីរបស់ពួកគាត់។
Read More

គជប ថា NGO និង បក្សអាចផ្សព្វផ្សាយឲ្យពលរដ្ឋ មកពិនិត្យបញ្ជីបាន

0 min read

គណៈកម្មាធិការជាតិរៀបចំការបោះឆ្នោត (គជប) ថាគណបក្សនយោបាយ និងអង្គការសង្គមស៊ីវិលអាចផ្សព្វផ្សាយដល់ពលរដ្ឋឲ្យពិនិត្យបញ្ជីបោះឆ្នោតដំបូងនៅតាមទីសាធារណៈបានតែត្រូវសុំការអនុញ្ញាតពីអាជ្ញាធរជាមុនខណៈដែលបញ្ជីបោះឆ្នោតដំបូងនេះនឹងត្រូវបិទផ្សាយនៅទីតាំងយ៉ាងតិចពីរផ្សេងគ្នានៅក្នុងឃុំសង្កាត់នីមួយៗ។
Read More

មន្ត្រីឆ្លើយតបថា ‘កុំសួរ’ ពាក់ព័ន្ធការដំឡើងឋានន្តរស័ក្តិអង្គរក្សដែលវាយតំណាងរាស្ត្របក្សប្រឆាំង

0 min read

អ្នកនាំពាក្យក្រសួងការពារជាតិមួយរូបបាននិយាយកាលពីម្សិលមិញថា អ្នកយកព័ត៌មានគ្មានសិទ្ធិសួរពីមូលហេតុអង្គរក្សរបស់លោក ហ៊ុន សែន ពីរនាក់ ដែលត្រូវបានកាត់ឱ្យជាប់ទោសពីបទវាយដំតំណាងរាស្ត្រគណបក្សប្រឆាំងពីររូបយ៉ាងធ្ងន់ធ្ងរកាលពីខែតុលា ឆ្នាំមុន ត្រូវបានដំឡើងឋានន្តរស័ក្ដិជាវរសេនីយ៍ឯកកាលពីខែមុនឡើយ។
Read More

ពិធីជប់លៀងឆ្លងឆ្នាំនៅតំបន់បឹងកក់បង្កឱ្យអតីតអ្នកភូមិមានកំហឹង

0 min read

ក្រុមអ្នករៀបចំពិធីជប់លៀងឆ្លងឆ្នាំដែលផ្សាយតាមកញ្ចក់ទូរទស្សន៍ទូទាំងប្រទេសនៅកន្លែងអតីតតំបន់បឹងកក់ ដោយម្នាក់ៗត្រូវចំណាយប្រាក់៨០ដុល្លារដើម្បីចូលរួមនោះ”កំពុងរាំសប្បាយលើទឹកភ្នែកពលរដ្ឋតំបន់បឹងកក់” នេះបើតាមអ្នករងការបណ្តេញម្នាក់មកពីតំបន់នេះបាននិយាយកាលពីម្សិលមិញ។
Read More

កូនៗរបស់ពលរដ្ឋតវ៉ាដីធ្លី មកពីខេត្តកោះកុង ធ្លាក់ខ្លួនមានជំងឺគ្រុនឈាម

0 min read

កូនៗរបស់ពលរដ្ឋរងគ្រោះដីធ្លីខេត្តកោះកុងដែលឡើងមកតវ៉ានៅភ្នំពេញដោយសារក្រុមហ៊ុនរំលោភយកដីនោះ បានធ្លាក់ខ្លូនកើតជំងឺគ្រុនឈាម រលាកបំពង់ក រលាកពោះវៀនជាដើម បណ្តាមកពីការស្នាក់នៅ ការបរិភោគអាហារមិនស្អាតខ្វះអនាម័យ និងបរិយាកាសនៃការរស់នៅមិនបានសមរម្យ។
Read More

សកម្មជនដីធ្លីផ្អាកធ្វើយុទ្ធនាការអាវខ្មៅនៅថ្ងៃចន្ទនេះ ខណៈរដ្ឋាភិបាលថាដោះលែងអ្នកជាប់ឃុំចុងខែនេះ

0 min read

សកម្មជនមានជម្លោះដីធ្លីដែលសកម្មក្នុងការធ្វើយុទ្ធនាការអាវខ្មៅសុំដោះលែងអ្នកជាប់ឃុំនោះ បានផ្អាកធ្វើយុទ្ធនាការនៅថ្ងៃចន្ទ ទី២៦ ខែធ្នូនេះ ខណៈពួកគេរង់ចាំមើលចំណាត់ការរបស់រដ្ឋាភិបាល ដែលថានឹងដោះលែងមន្ត្រីសិទ្ធិមនុស្សអាដហុកនិងលោក នី ចរិយា នៅចុងខែនេះ។
Read More

ក្រសួងរៀបចំដែនដី ផ្ទៀងផ្ទាត់ព័ត៌មានពលរដ្ឋ រស់នៅអាគារប៊ូឌិញ«ស»

0 min read

ភ្នំពេញ៖ ក្រុមការងារក្រសួងរៀបចំដែនដីនគរូបនីយកម្មនិងសំណង់កាលពីថ្ងៃម្សិលមិញបានប្រគល់ឯកសារសម្រង់ព័ត៌មាននិងពង្រាងប្លង់បន្ទប់របស់ម្ចាស់សហកម្មសិទ្ធិជូនប្រជាពលរដ្ឋជាង៥០០គ្រួសារដែលរស់នៅអាគារប៊ូឌិញ«ស»ដើម្បីផ្ទៀងផ្ទាត់ព័ត៌មាន និងសម្រាប់ជាគោលដៅផ្តល់វិញ្ញាបនបត្រសម្គាល់ម្ចាស់ចំណែកឯកជន នាពេលខាងមុខ។
Read More

តំណាងពិសេសក្រសួងការបរទេសអាមេរិកសង្កត់ធ្ងន់លើការលើកកម្ពស់សិទ្ធិសហជីព

0 min read

ប្រភព៖ rfa.org

តំណាងពិសេសរបស់ក្រសួងការបរទេសសហរដ្ឋអាមេរិក ទទួលបន្ទុកផ្នែកកិច្ចការពលកម្មអន្តរជាតិ អ្នកស្រី សារ៉ា ហ្វក (Sarah Fox) នៅថ្ងៃអង្គារ ទី៤ តុលា ជួបសំណេះសំណាលជាមួយអ្នកសារព័ត៌មានក្នុងស្រុក ១០នាក់នៅស្ថានទូតអាមេរិក ទីក្រុងភ្នំពេញ ជុំវិញរឿងច្បាប់ការងារនៅកម្ពុជា។
Read More

អង្កការលើកលែងទោសអន្តរជាតិមានការព្រួយបារម្ភ លើតុលាការកម្ពុជា

0 min read

អង្កការលើកលែងទោសអន្តរជាតិមានការព្រួយបារម្ភ ក្រោពីតុលាការផ្តន្ទាទោសស្ត្រីសកម្មជនបឹងកក់ ៤រូប កាលពីថ្ងៃទី១៩ ខែកញ្ញា។

សេចក្ដីថ្លែងការណ៍ ផ្សាយកាលពីថ្ងៃអង្គារ ទី២០ ខែកញ្ញា ចាត់ទុកថា ការផ្ដន្ទាទោសនេះកាន់តែបង្កើតឲ្យមានបញ្ហាច្រើនឡើង បន្ថែមលើបញ្ហាដែលមានស្រាប់ពាក់ព័ន្ធនឹងភាពគ្មានឯករាជ្យ និងភាពខ្វះសុចរិតភាពរបស់ប្រព័ន្ធតុលាការកម្ពុជា។ អ្នកស្រី ហេង មុំ ទេព វន្នី គង់ ចន្ថា និង បូ ឆវី ត្រូវបានតុលាការកាត់ទោសឲ្យជាប់ពន្ធនាគារម្នាក់ ៦ខែ ពាក់ព័ន្ធនឹងរឿងក្តីដែលកប់បាត់តាំងពី ៥ឆ្នាំមុន។

ស្ត្រីសកម្មជនបឹងកក់៤នាក់ជាប់ពន្ធនាគារ៦ខែពីបទប្រមាថមន្ត្រីរាជការ

0 min read

ភ្នំពេញ៖ ចៅក្រមជំនុំជម្រះសាលាដំបូងរាជធានីភ្នំពេញសម្រេចផ្ដន្ទាទោសស្ត្រីបឹងកក់៤នាក់ ដាក់ពន្ធនាគារក្នុងម្នាក់ៗ៦ខែ ពីបទ ប្រមាថអ្នករាជការសាធារណៈ និងបទប្រឆាំងនឹងអ្នករាជការសាធារណៈ មានស្ថានទម្ងន់ទោស នៅព្រឹកថ្ងៃទី១៩ ខែកញ្ញា នេះ។
Read More

សហគមន៍បឹងកក់ដាក់ញាត្តិសុំអន្តរាគមន៍ពីធនាគារពិភពលោក និងសហភាពអឺរ៉ុប

0 min read

ភ្នំពេញ៖ សហសហគមន៍បឹងកក់៣០នាក់បានមកដាក់ញត្តិនៅ ធនាគារពិភពលោក និងសហភាពអឺរ៉ុបជួយអន្តរាគមន៍ អោយដោះលែង អ្នកស្រី ទេព វន្នី រួមទាំងសកម្មជនដទៃទៀត និងជួយដោះស្រាយបញ្ហាដីធ្លី ដល់ប្រជាពលរដ្ឋ១៩ គ្រួសារមិនទាន់ទទួលបានប្លង់កម្មសិទ្ធិ នៅថ្ងៃទី១៤ ខែកញ្ញាឆ្នាំ២០១៦នេះ។
Read More

សហគមន៍ស្នើដោះស្រាយវិវាទដីធ្លីដោយតម្លាភាព

0 min read

ក្នុងការប្រារព្ធទិវាសហគមន៍ក្រីក្រក្នុងទីក្រុងអង្គការសង្គមស៊ីវិលដែលធ្វើការពាក់ព័ន្ធនឹងដីធ្លីនិងប្រជាសហគមន៍ដីធ្លីក្នុងរាជធានីភ្នំពេញបានស្នើជាថ្មីឲ្យអាជ្ញាធរ និងស្ថាប័នពាក់ព័ន្ធដោះស្រាយវិវាទដីធ្លីដោយសន្តិវិធីតម្លាភាពនិងឈរលើគោលការណ៍ច្បាប់ ចៀសវាងការបណ្តេញចេញដោយបង្ខំ ការប្រើអំពើហិង្សា និងការប្រើប្រាស់ប្រព័ន្ធតុលាការគាបសង្កត់ទៅលើប្រជាពលរដ្ឋ។

ការស្នើនេះ បានធ្វើឡើងនៅក្នុងវេទិកាស្ដីពីសេរីភាពបញ្ចេញមតិ និងការអភិវឌ្ឍទីក្រុងដោយមានការចូលរួមពីសហគមន៍ក្រីក្រតំណាងសហគមន៍ជាង៤០ និងអង្គការសង្គមស៊ីវិលសរុបប្រមាណ ២០០នាក់ កាលពីថ្ងៃម្សិលមិញ នៅសាលារៀនអន្តរទ្វីបអាមេរិកាំង។

ប្រធានកម្មវិធីបច្ចេកទេសនៃសមាគមធាងត្នោត លោក សៅ កុសល បានថ្លែងថា បញ្ហាទំនាស់ដីធ្លីនៅកម្ពុជា នៅតែមានស្ថានភាពធ្ងន់ធ្ងរ ដែលកន្លងមក បញ្ហាដីធ្លីបានធ្វើឲ្យប្រជាពលរដ្ឋជិត ៣០ម៉ឺននាក់ ត្រូវរងនូវការបណ្តេញចេញដោយបង្ខំ។

លោកថា៖«បញ្ហាដីធ្លីភាគច្រើនគឺនៅលើការអនុវត្តច្បាប់ហ្នឹងមិនត្រឹមត្រូវជាពិសេសច្បាប់ភូមិបាលដែលចែងច្បាស់លាស់ហើយថាប្រជាពលរដ្ឋមានសិទ្ធិគ្រប់គ្រងដីរបៀបម៉េច ផ្ទះរបៀបម៉េច តែផ្ទុយទៅវិញវាអត់មានប្រសិទ្ធភាពការអនុវត្តច្បាប់នៅមានចន្លោះខ្វះខាត ទន្ទឹមនឹងនោះ ក៏យើងឃើញថា ការដោះស្រាយមានបញ្ហាពុករលួយអីផ្សេងៗទៅ ធ្វើឲ្យការដោះស្រាយជម្លោះដីធ្លីនៅតែមនបញ្ហា»។

អ្នកគ្រប់គ្រងបច្ចេកទេសការិយាល័យសិទ្ធិមនុស្សនៃអង្គការលីកាដូ លោក អំ សំអាត បានកត់សម្គាល់ថា នៅពេលដែលប្រជាពលរដ្ឋរងគ្រោះដោយសារបញ្ហាដីធ្លី បាននាំគ្នាតវ៉ា ដោយសារតែអាជ្ញាធរ និងរដ្ឋាភិបាល ពុំបានបំពេញកាតព្វកិច្ចក្នុងការដោះស្រាយនោះ បែរជាពួកគាត់រងនូវការបង្ក្រាប ការប្រើហិង្សា និងការប្រើប្រាស់ប្រព័ន្ធតុលាការចាប់ឃុំខ្លួនក្នុងពន្ធនាគារទៅវិញ ដែលនេះជាការរំលោភទៅលើសិទ្ធិសេរីភាពក្នុងការជួបជុំ ការបញ្ចេញមតិក្នុងការស្វែងរកដំណោះស្រាយរបស់ប្រជាពលរដ្ឋថែមទៀត។

លោកថា៖ «ការអភិវឌ្ឍរបស់រាជរដ្ឋាភិបាល ទាមទារឲ្យមានការដោះស្រាយដោយសមរម្យ យុត្តិធម៌ ដែលពលរដ្ឋអាចទទួលយកបាន»។

ចំណែក លោក ថេង សាវឿន អគ្គលេខាធិការសម្ព័ន្ធសហគមន៍កសិករកម្ពុជា បានបន្ថែមថា បើទោះជាមានការដោះដូររដ្ឋមន្ត្រីក្រសួងរៀបចំដែនដីថ្មី និងការបង្កើតគណៈកម្មការដោះស្រាយវិវាទដីធ្លីជាង៣០ក្រុមប៉ុន្តែយន្តការដោះស្រាយនៅមានភាពយឺតយ៉ាវនិងតំបន់ខ្លះមានភ្ជាប់នឹងរឿងនយោបាយ។លោកបានស្នើឲ្យរាជរដ្ឋាភិបាលស្ថាប័នពាក់ព័ន្ធ និងអាជ្ញាធរដែនដី ត្រូវដោះស្រាយបញ្ហាដីធ្លីទៅតាមគោលការណ៍ច្បាប់ មានតម្លាភាព និងត្រូវមានការចូលរួមពីប្រជាពលរដ្ឋ។

អតីតប្រជាសហគមន៍បុរីកីឡា ដែលរងនូវការបណ្តេញចេញដោយបង្ខំឲ្យទៅរស់នៅតំបន់ភ្នំបាត អ្នកស្រី ខៀវ ឡៃ បានរៀបរាប់ថាពួកគាត់បានបាត់បង់ដីធ្លីផ្ទះសម្បែង និងរងទុក្ខវេទនាក្នុងជីវភាពរស់នៅ ដោយសារតែការអភិវឌ្ឍរបស់រាជរដ្ឋាភិបាល យកដីពួកគាត់ទៅក្រុមឈ្មួញ ឬក្រុមហ៊ុន ដោយពុំមានសំណងសមរម្យសម្រាប់ប្រជាពលរដ្ឋ។

អ្នកស្រីបានស្នើឲ្យរាជរដ្ឋាភិបាល មុននឹងធ្វើការអភិវឌ្ឍ ត្រូវតែមានការពិគ្រោះយោបល់ជាមួយប្រជាពលរដ្ឋ មានសំណងសមរម្យ ឬដោះដូរទីតាំងដែលមានហេដ្ឋារចនាសម្ព័ន្ធឲ្យបានត្រឹមត្រូវជាមុន។

អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ លោក ជៀម សុផលមករា បានថ្លែងថា រាជរដ្ឋាភិបាល និងក្រសួង បានខិតខំដោះស្រាយបញ្ហាវិវាទដីធ្លីជូនប្រជាពលរដ្ឋ ដោយឈរគោលការណ៍បម្រើប្រជាពលរដ្ឋ មានតម្លាភាព និងឈរលើគោលការណ៍ច្បាប់ ពុំមានផ្សារភ្ជាប់នឹងរឿងនយោបាយឡើយ។

លោកថា៖ «ការលើកឡើងរបស់ពួកគាត់ ដោយសារគាត់មិនបានឃើញសកម្មភាពផ្ទាល់ ឬអ្វីដែលជាការដោះស្រាយថ្មីៗទេ ខ្ញុំគិតថា ការលើកឡើងរបស់ពួកគាត់ គ្រាន់តែជាការព្រួយបារម្ភទេ តែបើគាត់ឃើញសកម្មភាពនៃការដោះស្រាយរបស់ក្រុមការងារយើង នោះគាត់នឹងលែងមានអារម្មណ៍ដូច្នេះហើយ ហើយក្រសួងដែនដី ស្វាគមន៍រាល់បញ្ហារបស់ប្រជាពលរដ្ឋ និងដោះស្រាយឲ្យទាល់តែអស់បញ្ហាទំនាស់ដីធ្លីជូនប្រជាពលរដ្ឋ»។

បើតាមការលើកឡើងរបស់រដ្ឋមន្ត្រីក្រសួងរៀបចំដែនដី លោកទេសរដ្ឋមន្ត្រី ជា សុផារ៉ា កាលពីខែចុងខែសីហា ការដោះស្រាយវិវាទដីធ្លីនៅតាមបណ្តារាជធានី-ខេត្ត មកដល់ពេលនេះ នៅសល់តែប្រមាណ ៨០០ករណីប៉ុណ្ណោះ ក្នុងចំណោមវិវាទជាង ៧០០០ករណី កាលពី៤ខែមុន៕

ប្រភព៖ ខ្មែរថាមស៍

អាជ្ញាធរបំផ្លាញទ្រព្យសម្បត្តិប្រជាពលរដ្ឋក្នុងភូមិអូរបាក់ទូក

2 min read

ថ្ងៃទី ១៩ ខែ មករា ឆ្នាំ២០១៦

កងកម្លាំងប្រមាណ ១០០នាក់ រួមទាំង អាជ្ញាធរខណ្ឌ និងសង្កាត់ឬស្សីកែវ ដែលមាន ញញួរ កាំបិតពូថៅ និង រណា និងការដាក់ពង្រាយនៅប្រដាប់ជីកដី ដើម្បីបំផ្លាញ ទ្រព្យសម្បត្តិ របស់ប្រជាពលរដ្ឋ ដែលរស់នៅក្នុង ភូមិអូរបាក់ទូក សង្កាត់បឹងសាឡាង ខណ្ឌឬស្សីកែវ នៅប្រហែលម៉ោង ៨ និង៣០នាទីព្រឹក នៅថ្ងៃទី ១៨ ខែមករា ឆ្នាំ ២០១៦។ អ្នករស់នៅតាមបណ្តោយប្រឡាយអូរបាក់ទូក ត្រូវរើនៅរបស់មួយចំនួនដែលដាំដុះ ឬសាងសង់ដោយខុសច្បាប់នៅតាមគែមនៃប្រឡាយ នេះបើយោងតាមសេចក្តីជូនដំណឹងសាលាខណ្ឌឬស្សីកែវ ដែលចេញនៅថ្ងៃទី១២ ខែមករា ឆ្នាំ ២០១៦។

វិធានការរដ្ឋបាល ដើម្បីធ្វើការផ្លាស់ទី បង្គន់ ផ្ទះបាយ និងទ្រុងមាន់ របស់គ្រួសារ ដែលរស់នៅលើគែមនៃប្រឡាយបាក់ទូក ដែលត្រូវបានចោទប្រកាន់ថា ជាកន្លែងខុសច្បាប់។ សកម្មភាពរបស់អាជ្ញាធរ បានធ្វើសកម្មភាពបានរុះរើប៉ះពាល់ដល់ប្រជាពលរដ្ឋ៣គ្រួសារ។

លោក ធន សុខន អភិបាលខណ្ឌឬស្សីកែវ បានធ្វើសន្និសីទកាសែតមួយ ក្នុងគោលបំណងដើម្បីបញ្ជាក់ជាមួយនឹងប្រព័ន្ធផ្សព្វផ្សាយ និងសាធារណជនថា ហេតុអ្វីបានជាអាជ្ញាធរ បានធ្វើនូវសកម្មភាពនេះ។ លោកបានថ្លែងក្នុងសន្និសីទថា៖ “គម្រោងនេះគឺស្ថិតនៅក្នុងផែនការមេ របស់ សាលារាជធានីភ្នំពេញ ហើយយើងធ្វើនេះសម្រាប់តែប្រយោជន៍សាធារណៈតែប៉ុណ្ណោះ…..ដំបូង អាជ្ញាធរ យកតែប្រវែង ១០ ម៉ែត្រ ប៉ុណ្ណោះពីគែមនៃប្រឡាយ ប៉ុន្តែបើយោងតាមច្បាប់ គឺត្រូវយកប្រវែង ២០ ម៉ែត្រ”។ លើសពីនេះទៅទៀត អាជ្ញាធរនឹងធ្វើការលើតំបន់សងខាងនៃប្រឡាយទឹក ដែលមានគ្រួសារ ប្រមាណ ៣០០ គ្រួសារ អាចនឹងត្រូវបានប៉ះពាល់ដោយសារគម្រោងនេះ ប៉ុន្តែទោះជាយ៉ាងណាលោកបានអះអាងថា នឹងមិនមានសំណងប្រជាពលរដ្ឋដែលប៉ះពាល់នោះទេ។ តាមការកត់សម្គាល់ ប្រឡាយនេះ មានប្រវែង ៤ គីឡូម៉ែត្រ ចាប់ពីចំណុចផ្លូវ ២៧៣ (ទួលសង្កែ) រហូតដល់បុរី គង់ ប៊ុនហូវ ហើយរហូតមកដល់ពេលនេះ បានសម្រេចប្រវែង ១៨០០ ម៉ែត្រហើយ។

យោងតាមលោកសេក សុខា ដែលជាប្រជាពលរដ្ឋរស់នៅក្នុងតំបន់នោះ បានប្រាប់យើងថាជំហានបន្ទាប់គឺយើងនឹង ស្វែងរកជំនួយផ្នែកច្បាប់ ពីអង្គការក្រៅរដ្ឋាភិបាលដែលធ្វើការលើដីធ្លី ដូចជា មជ្ឈមណ្ឌលអប់រំច្បាប់សម្រាប់សហគមន៍ ទៅលើករណីនេះ។

ប្រជាពលរដ្ឋក្នុងសង្កាត់ច្រាំងចំរេះ១ និងច្រាំងចំរេះ២ បានទទួលស័ង្កសីក្រោមគម្រោងរៀបចំដីធ្លី និងសិទ្ធិមនុស្ស ពីសមាគមធាងត្នោត

1 min read

០៩ ធ្នូ ២០១៥ / 09 Dec 2015 នៅថ្ងៃទី០៩ ខែធ្នូ ឆ្នាំ២០១៥

ក្រុមការងារសមាគមធាងត្នោត បានចុះទៅសហគមន៍ច្រាំងចំរេះ ដែលមានចំនួន៤ភូមិ ដែលសរុបមានចំនួន៣៤គ្រួសារ Read More

ការផ្តល់ប័ណ្ណកម្មសិទ្ធិដីធ្លីទាំងដីរដ្ឋ និងឯកជន និងដីសហគមន៍ជនជាតិដើមភាគតិច

0 min read

២១ តុលា ២០១៥/ 21 October 2015 – ព័ត៌មានល្អៗ

ភ្នំពេញៈ រដ្ឋមន្រ្តីក្រសួងរៀបចំដែនដី និងនគរូបនីយកម្ម និងសំណង់បានថ្លែងថាក្រសួងនឹងផ្តល់ប័ណ្ណកម្មសិទ្ធិដីធ្លីទាំងដីរដ្ឋ ឯកជន និងដីសហគមន៍ជនជាតិដើមភាគតិចឲ្យបានពី ៥៧ ភាគរយទៅ ៦៥ ភាគរយនៅឆ្នាំ ២០១៥ ខណៈដែលស្ថានភាពជម្លោះដីធ្លីនៅតែបន្តមាន។

លោក អ៊ឹម ឈុនលឹម ទេសរដ្ឋមន្រ្តី និងជារដ្ឋមន្រ្តីក្រសួងរៀបចំដែនដីបានថ្លែងដូច្នេះក្នុងឱកាសបើកវគ្គបណ្តុះបណ្តាលច្បាប់ និងគោលនយោបាយពាក់ព័ន្ធនឹងវិស័យដីធ្លីដល់ក្រុមប្រឹក្សារាជធានី និងក្រុមប្រឹក្សាខណ្ឌកាលពីម្សិលមិញដោយបានលើកឡើងថា ក្រសួងនឹងជំរុញល្បឿនចុះបញ្ជីដីធ្លី និងការផ្តល់ប័ណ្ណកម្មសិទ្ធិដីធ្លីទាំងដីរដ្ឋ ទាំងដីឯកជន និងដីជនជាតិភាគតិចប្រកបដោយតម្លាភាព និងប្រសិទ្ធភាពឲ្យបានពី ៥៧ ទៅ ៦៥ ភាគរយនៅឆ្នាំនេះ ៧០ ភាគរយនៅឆ្នាំ ២០១៨ និង ១០០ ភាគរយនៅឆ្នាំ ២០២២។

លោកថ្លែងថា៖ «រាជរដ្ឋាភិបាលនីតិកាលទី ៥ ប្តេជ្ញាបន្តអនុវត្តកាន់តែស៊ីជម្រៅលើការកែទម្រង់ដីធ្លីដើម្បីរួមចំណែកកាត់បន្ថយភាពក្រីក្រ ការធានាសន្តិសុខស្បៀង ការការពារបរិស្ថាន និងធនធានធម្មជាតិ និងការអភិវឌ្ឍសង្គមសេដ្ឋកិច្ច»។

លោកបញ្ជាក់ថាមកទល់ពេលនេះលិខិតបទដ្ឋានជាសារវន្តក្រោមច្បាប់សម្រាប់ការងារដីធ្លីត្រូវរាជរដ្ឋាភិបាលសម្រេច និងដាក់ឲ្យអនុវត្តជាបន្តបន្ទាប់ដូចជាការចុះបញ្ជីដីធ្លីមានលក្ខណៈជាប្រព័ន្ធការចុះបញ្ជីដីធ្លីមានលក្ខណៈដាច់ដោយដុំការដោះស្រាយវិវាទដីធ្លីក្រៅប្រព័ន្ធតុលាការ ការគ្រប់គ្រង់ដីរដ្ឋ ការផ្តល់សម្បទានដីសង្គមកិច្ច ការផ្តល់សម្បទានដីសេដ្ឋកិច្ច និងការចុះបញ្ជីដីសហគមន៍ជនជាតិភាគតិចជាដើមខណៈដែលបច្ចុប្បន្នក្រសួងបានផ្តល់ប័ណ្ណកម្មសិទ្ធិនៅទូទាំងប្រទេសបានជាង ៤ លានប័ណ្ណ។

ក្នុងរបាយការណ៍ស្ថានភាពដីធ្លីនៅកម្ពុជាឆ្នាំ ២០១៤ និង ៦ ខែដើមឆ្នាំ ២០១៥ នេះស្តីពី «ដីរបស់នរណា?» របស់សមាគមអាដហុកលើកឡើងថាអំឡុងពេល ៦ ខែដើមឆ្នាំនេះអាដហុកបានទទួល ៦៦ ពាក្យបណ្តឹងពាក់ព័ន្ធនឹងពលរដ្ឋ ៣៥៦៤ គ្រួសារលើផ្ទៃដីទំហំ ៨៦៦៨៧ ហិកតាដែលក្នុងនោះភាគច្រើនពាក់ព័ន្ធនឹងការដណ្តើមដីធ្លីការបណ្តេញចេញដោយបង្ខំ ដីសម្បទានសេដ្ឋកិច្ច ដីសម្បទានសង្គមកិច្ច និងធនធានធម្មជាតិជាដើម។ ចំណែកឯការចោទប្រកាន់ និងចាប់ខ្លួនលើសកម្មជនដីធ្លីវិញគឺមានចំនួន ១៨ នាក់៕

ដកស្រង់ចេញពីការសែត ភ្នំពេញប៉ុស្តិ៍

អានបន្តដោយ៖ រក្សា

ប្រជាពលរដ្ឋ⁣ចំនួន៤៨នាក់⁣ ចូលរួមកិច្ចប្រជុំនៅសង្កាត់ច្រាំងចំរេះ១

0 min read

នៅព្រឹកថ្ងៃទី៣០ ខែកញ្ញា⁣⁣ ឆ្នាំ២០១៥ ប្រជាពលរដ្ឋ⁣ស្ថិតនៅក្នុងភូមិ១⁣ សង្កាត់ច្រាំងចំរេះ១ ខ័ណ្ឌឫស្សីកែវ⁣ រាជធានីភ្នំពេញ ចន្លោះគីឡូម៉ែតលេខ៨ និងលេខ៩ បានធ្វើការប្រជំុនិងពិភាក្សារគ្នាអំពីផែនការមេ ។

ប្រជាពលរដ្ឋ⁣ ចំនួន៤៨នាក់⁣ តំណាងមកពី⁣៣៥គ្រួសារបាន ចូលរួមកិច្ចប្រជុំនេះ។

វគ្គបណ្តុះបណ្តាល អូឌីខេ សំរាប់អគារប៊ូលឌីញ

1 min read

កម្មវិធីបច្ចេកទេសនៅសមាគមធាងត្នោត ថ្មីៗនេះ គឺកំពុងរៀបចំផែនការដើម្បីដឹកនាំធ្វើការស្រាវជ្រាវនៅលើអគារប៊ូលឌីញ ដែលមានទីតាំងនៅភូមិ ១ និង ភូមិ ២ ក្នុងសង្កាត់ទន្លេបាសាក់ខណ្ឌចំការមន រាជធានីភ្នំពេញ។ នៅថ្ងៃនេះ វគ្គបណ្តុះបណ្តាលមួយ ត្រូវបានប្រារព្ធឡើង នៅអង្គការសមាគមធាងត្នោត ដែលមានបុគ្គលិក ៣នាក់ រួមជាមួយអ្នកហាត់ការ ៣នាក់ មកពីគម្រោងគម្រោងរៀបចំផែនការកែលម្អដីធ្លី និងសិទ្ធិមនុស្ស (HRBSP) ត្រូវបានបង្រៀនពីរបៀបប្រើប្រាស់ប្រព័ន្ធទិន្នន័យចំហ (ODK) ក្នុងគោលបំណងដើម្បីប្រមូលទិន្នន័យពីអគារប៊ូលលឌីញ ដោយការប្រើប្រាស់ បច្ចេកវិទ្យាទូរស័ព្ទចល័ត ។ ដោយការប្រើប្រព័ន្ធ ODK សមាជិកនៃវគ្គបណ្ដុះបណ្ដាល នឹងអាចកសាងការស្ទង់មតិការមួយ, ប្រមូលទិន្នន័យនៅលើឧបករណ៍ចល័តមួយ និងផ្ញើវាទៅម៉ាស៊ីនផ្ទុកទិន្នន័យ ក៏ដូចជាប្រមូលផ្តុំទិន្នន័យដែលទទួលបាន ។

ទិន្នន័យនៅលើអគារប៊ូលឌីញ គឺកំពុងត្រូវបានប្រមូលនៅក្នុងគោលបំណងដើម្បីអាចធ្វើការសិក្សាតាមលទ្ធភាពដែលអាចធ្វើទៅបាន និងធ្វើឱ្យប្រសើរឡើងហេដ្ឋារចនាសម្ព័ន្ធ។ បច្ចុប្បន្ននេះអគារនេះមានស្នាមប្រេះជាច្រើនកន្លែង ធ្លុះធ្លាយដំបូល និងការស្ទះក្នុងប្រព័ន្ធបង្ហូរទឹកដែលមានស្រាប់។ ប្រជាពលរដ្ឋនៃសហគមន៍នេះ ក៏មានបំណងចង់ឱ្យរូបរាងខាងក្រៅនៃអគារ មានភាពប្រសើរឡើងវិញផងដែរ ។

Using the ODK system on a mobile phone — ការប្រើប្រាស់ អូដីខេ(ODK) នៅលើទូរស័ព្ទ

វគ្គសិក្សាការរៀបចំផែនការដីធ្លី៖ ការដាក់បញ្ចូលប្រជាជនទៅក្នុងចំណុចស្នូលនៃការរៀបចំផែនការដីធ្លី

2 min read

អង្គការភីពផលអ៊ីននីត (PIN) អង្គការសមាគមធាងត្នោត (STT) និង អង្គការទិន្នន័យអំពីការអភិវឌ្ឍ (ODC) បានសហការគ្នា រៀបចំបើកវគ្គសិក្សាអំពីការរៀបចំផែនការដីធ្លី (Spatial Planning Lab)៖ ការដាក់បញ្ចូលប្រជាជនទៅក្នុងចំណុចស្នូល នៃការរៀបចំផែនការដីធ្លី។ វគ្គសិក្សានេះត្រូវបានរៀបចំឡើងដើម្បីផ្តល់បទពិសោធន៍គ្រប់ជ្រុងជ្រោយដល់និស្សិត ក្នុងការរៀបចំផែនការប្រើប្រាស់ដីនាពេលអនាគត និងដើម្បីលើកទឹកចិត្តនិស្សិតឲ្យចេះប្រើប្រាស់ផ្នែកទ្រឹស្តី និងការអនុវត្តរួមគ្នាជាក់ស្តែង។ វគ្គនេះនឹងរួមចំណែកពង្រឹងនិងពង្រីកចំណេះដឹងដល់និស្សិត ជាពិសេសលើការធ្វើផែនការរៀបចំដីធ្លី ដោយដាក់បញ្ចូលប្រជាជន និងសិទ្ធិរបស់ពួកគាត់ទៅក្នុងចំណុចស្នូលនៃដំណើរការរៀបចំផែនការដីធ្លី។ វគ្គសិក្សាការរៀបចំផែនការដីធ្លីមានរយៈពេល១៥សប្តាហ៍ (ចាប់ផ្តើមពីខែមេសា ឆ្នាំ២០១៥) នៅរាល់ថ្ងៃសៅរ៍ ចាប់ពីម៉ោង៨ ដល់ ១១ព្រឹក (សូមពិនិត្រកាលវិភាគ) នៅ Development Innovations។

វគ្គសិក្សានេះចែកចេញជា៣ផ្នែក ក្នុងនោះមាន៖

១. វគ្គសិក្សាប្រព័ន្ធព័ត៌មានភូមិសាស្រ្ត (GIS)*: ការអនុវត្តក្នុងការធ្វើផែនទី ដោយផ្អែកលើទិន្នន័យ បើកទូលាយ ព័ត៌មានពីអ៊ិនធើណែត និងប្រព័ន្ធព័ត៌មានភូមិសាស្រ្ត ចំនួន៧ ផ្នែក

២. វគ្គសិក្ខាសាលាស្តីពីការរៀបចំផែនការដីធ្លី** ចំនួន ៨ ផ្នែក

៣. ផ្នែកផ្តល់ការប្រឹក្សាលើបច្ចេកទេសនៃប្រព័ន្ធព័ត៌មានភូមិសាស្រ្តនិងការសិក្សាស្រាវជ្រាវ

និស្សិតដែលបានចូលរួមយ៉ាងសកម្មនៅក្នុងផ្នែកទី១ និងទី២ នឹងទទួលបានវិញ្ញាបនប័ត្របញ្ជាក់ការបញ្ចប់វគ្គបណ្តុះបណ្តាលការរៀបចំផែនការដីធ្លី។

ការដាក់ពាក្យចូលរៀន

វគ្គការរៀបចំផែនការដីធ្លី នឹងទទួលនិស្សិតអោយចូលរៀនចំនួន ៣០នាក់។ និស្សិតដែលមានចំណាប់អារម្មណ៍ សូមបំពេញសំណុំបែបបទចុះឈ្មោះសិក្សា ដោយភ្ជាប់ជាមួយនូវប្រវត្តិរូប (CV) ហើយផ្ញើទៅកាន់ contact.spatialplanninglab@gmail.com អោយបានមុនថ្ងៃទី០៥ ខែមេសា ឆ្នាំ២០១៥។ និស្សិតនារី ត្រូវបានលើកទឹកចិត្តឱ្យដាក់ពាក្យ។ ប្រសិនបើអ្នកមានសំណួរបន្ថែមទៀត សូមទាក់ទងមក ក្រុមការងារ វគ្គការរៀបចំផែនការដីធ្លី តាមរយៈ អាសយដ្ឋានអ៊ីមែលខាងលើ ឬលេខទូរស័ព្ទ ០១២ ៣៣៣ ២៦០។

កាលវិភាគ

រាល់ថ្ងៃសៅរ៍ ចាប់ពីម៉ោង ៨ ដល់ ១១ ព្រឹក នៅ Development Innovations

កាលបរិច្ឆេទ	ផ្នែក	វគ្គសិក្សា	គ្រូបង្រៀន
សប្តាហ៍ទី ១	Lecture	វគ្គរៀបចំផែនការប្រើប្រាស់ដីដើម្បីឆ្លើយតបទៅនឹងហានិភ័យគ្រោះមហន្តរាយ	PIN
សប្តាហ៍ទី ២	GIS Lab	កម្មវិធីគូសផែនទីតាមរយៈកម្មវិធីប្រភពបើកចំហនិងឥតគិតថ្លៃ	ODC
សប្តាហ៍ទី ៣	Lecture	ការវាយតម្លៃគ្រោះថ្នាក់ ភាពងាយរងគ្រោះ និងសមត្ថភាពតាមបែបចូលរួម	PIN
សប្តាហ៍ទី ៤	GIS Lab	កម្មវិធីគូសផែនទី ODC Mapping Kit និងលំហាត់	ODC
សប្តាហ៍ទី ៥	Lecture	ការរៀបចំផែនការដីធ្លី និងបម្រែបម្រួលអាកាសធាតុ	PIN
សប្តាហ៍ទី ៦	GIS Lab	លំហាត់អំពីការរៀបចំផែនការប្រើប្រាស់ដីដើម្បីឆ្លើយតបទៅនឹងហានិភ័យ និងគ្រោះមហន្តរាយ	ODC
សប្តាហ៍ទី ៧	Lecture	យេនឌ័រ និងការរៀបចំផែនការដីធ្លី	PIN
សប្តាហ៍ទី ៨	GIS Lab	លំហាត់អំពីយេនឌ័រ និងការរៀបចំផែនការដីធ្លី	ODC
សប្តាហ៍ទី ៩	Lecture	សំឡេងទីក្រុងកម្ពុជា៖ ការរៀបចំផែនទីទីក្រុងភ្នំពេញបែបចូលរួម	STT
សប្តាហ៍ទី ១០	GIS Lab	ការធ្វើផែនទីដែលដាក់ឱ្យមានការចូលរួមដោយប្រើ FieldPaper និង Jane Goodall‘s Roots & Shoots	ODC
សប្តាហ៍ទី ១១	Lecture	ការរៀបចំផែនការដីធ្លីរួមបញ្ចូល ខុសពីការតាំងទីលំនៅជាថ្មី	STT
សប្តាហ៍ទី ១២	GIS Lab	ការធ្វើផែនទីកាលប្បវត្តិដោយប្រើកម្មវិធីបង្កើតផែនទីនៅលើបណ្ដាញអ៊ិនធើណែត	ODC
សប្តាហ៍ទី ១៣	Lecture	លំហាត់៖ កិច្ចការវាលនៅក្នុងសហគមន៏ក្រីក្រក្នុងរាជធានីភ្នំពេញ	PIN, STT, ODC
សប្តាហ៍ទី ១៤	GIS Lab	វិភាគទិន្នន័យដែលបានពីការងារចុះវាលក្នុងសហគមន៍ក្រីក្រក្នុងរាជធានីភ្នំពេញ	ODC
សប្តាហ៍ទី ១៥	Lecture	បទបង្ហាញរបស់និស្សិត និងកម្មវិធីចែកវិញ្ញាបនប័ត្រ	PIN, STT, ODC

* វគ្គសិក្សាប្រព័ន្ធព័ត៌មានភូមិសាស្រ្ត (GIS) ដែលអនុវត្តកម្មវិធីដោយ អូឌីស៊ី (ODC) ទទួលបានការឧបត្ថម្ភពី គម្រោងគាំទ្រព្រៃឈើ និងជីវៈចម្រុះ របស់ Winrock និងទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្តរជាតិ (USAID) ។

** សិក្ខាសាលាផែនការរៀបចំដីធ្លី គឺជាផ្នែកមួយនៃគម្រោងរៀបចំដីធ្លី និងសិទ្ធិមនុស្ស របស់អង្គការភីន (PIN) និងអង្គការសមាគមធាងត្នោត (STT) ដែលបានទទួលមូលនិធិពី សហគមន៏អឺរ៉ុប (EU) និងទីភ្នាក់ងារអភិវឌ្ឍប្រទេសឆែក (CDZ) ។

Monks, Land activists, youth and CSOs garthered in front of the National Assembly

2 min read

In the morning of the 18^th of December 2014 at 8 AM, monks, community, land activists, youth and civil society organizations gathered in front of the National Assembly to called for the release of 18 activists currently in jail.

First, the group gathered in front of the National Assembly to request a response on the petition filed on the 14^th of November 2014. This initial petition was presented to the National Assembly for Ministry officials and the president of the Municipal Court to release the 18 activists who include men, women and monks.

Second, the group gathered in front of the Ministry of Justice to deliver a new petition to push the Supreme Court to retrial the 18 activists by taking into consideration the human rights of the activists, ensuring that the proceedings are just.

Finally, the group arrived in front of the Royal Palace to provide another petition to the King to intervene in the release of 8 female land and human rights activists, who part of the 18 activists. These women have been on hunger strike for the past 8 days, and they may face death without intervention as their health is extremely poor.

JICA Present Railway Project for Phnom Penh City

1 min read

During a conference on Wednesday, the Japan International Cooperation Agency (JICA) presented their modern railway system project for Phnom Penh City, which is set to be completed in 2023. It is part of a multi-million dollar master plan to improve transportation in the capital city.

The railway will play a crucial role in reducing traffic congestion in the Phnom Penh. Currently, there is a distinct lack of public transportation—the city bus only has one line along Preach Monivong Blvd.

The planned railway is expected to accommodate approximately 72,500 to 81,600 travellers a day and will help Phnom Penh City adapt to the demands of globalization.

According to Mr. Trak Thaiseang, the Deputy of the Phnom Penh Council, if the project takes place, some residents (such as sugarcane juice sellers along the railway) will be forced to relocate. However, there are plans for new infrastructure such as a school, a health center, and new housing for evictees in order to ease the transition.

Get link from the Phnom Penh Post http://bit.ly/1pODacH

Design Intervention for Urban poor community Workshop

0 min read

From the 22nd August, STT will be conducting a 3 day Urban Poor Community Design Intervention Workshop at Niroth Boeung Chhouk Community. Approximately 30 students of architecture, urban planning, engineering and other young people will take part. They will gain knowledge and skills in poor urban planning design and relocation sites, and the effects of forced eviction.

← Previous