គម្រោងអាយស៊ីធី និងប្រព័ន្ធផ្សព្វផ្សាយដើម្បីសហគមន៍

គម្រោងមានគោលដៅបង្កើនការយល់ដឹងពីបញ្ហារបស់សហគមន៍ក្រីក្រ និងបញ្ហានានាក្នុងទីក្រុង ដូចជា សិទ្ធិដីធ្លី និងសិទ្ធិមានលំនៅឋានសមរម្យ សិទ្ធិមនុស្សជាទូទៅ និងជួយគាំទ្រសហគមន៍ក្រីក្រដែលប្រឈមនឹងការបណ្តេញចេញជាពិសេសនៅក្នុងរាជធានីភ្នំពេញ។ គម្រោងក៏មានតួនាទីជួយបង្កើនសមត្ថភាពរបស់សហគមន៍ទាក់ទងនឹងការប្រើប្រាស់បណ្តាញសង្គមផ្សេង តាមរយៈការបណ្តុះបណ្តាលដល់សមាជិកសហគមន៍  និងលើកកម្ពស់តម្លាភាព និងគណនេយ្យភាពសង្គមតាមរយៈការផលិតព័ត៌មាន និងចែករំលែកព័ត៌មាន​ជាសាធារណៈដល់ភាគីពាក់ព័ន្ធ។  លើសពីនេះទៅទៀត គម្រោងក៏មានសម្របសម្រួលការផ្សាយផ្ទាល់កិច្ចពិភាក្សាតុមូលនៃកម្មវិធី “សំឡេងសហគមន៍ក្រីក្រ របស់អង្គការសមាគមធាងត្នោត លើបណ្តាញសង្គមហ្វេសប៊ុក ដែលមានផ្សាយ ២ដង ក្នុងមួយខែ។

បុគ្គលិកអង្គការសមាគមធាងត្នោតកំពុងបង្រៀនសមាជិកសហគមន៍អំពីការប្រើប្រាស់បណ្តាញសង្គម
បុគ្គលិកអង្គការសមាគមធាងត្នោតកំពុងបង្រៀនសមាជិកសហគមន៍អំពីការប្រើប្រាស់បណ្តាញសង្គម

សំឡេងទីក្រុង (UVC)

សំឡេងទីក្រុង (UVC) ត្រូវបានបង្កើតឡើងតាំងពីឆ្នាំ២០១២ ហើយវាជាផ្នែកមួយនៃអង្គការសមាគមធាងត្នោតដោយផ្តោតសំខាន់លើការផ្សព្វផ្សាយបញ្ហាការអភិវឌ្ឍទីក្រុង។ លើសពីនេះ សំឡេងទីក្រុងជាទម្រង់សំខាន់មួយសម្រាប់ប្រជាជន ជាពិសេសអ្នករស់នៅក្នុងរាជធានីភ្នំពេញ អាចចែករំលែកព័ត៌មាន ឬបញ្ហានៅតាមមូលដ្ឋានរបស់ពួកគេ តាមរយៈការដាក់របាយការណ៍ ដើម្បីចែករំលែកព្រឹត្តិការណ៍ទាំងនោះជាសាធារណៈ និងស្វែងរកដំណោះស្រាយពីភាគីពាក់ព័ន្ធ តាមរយៈគេហទំព័រអេហ្វ របស់សំឡេងទីក្រុង។