Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.
ពលរដ្ឋប្រមាណ ១៣០នាក់ មកពីស្រុកឈូក ខេត្តកំពត នាំគ្នាមករកកិច្ចអន្តរាគមន៍ពីក្រសួងរៀបចំដែណដីនគរូបនិយកម្ម និងសំណង់ នាព្រឹកថ្ងៃទី ២៣ ខែសីហា ឆ្នាំ២០១៧នេះ ដើម្បីរកដំណោះស្រាយបញ្ហាដីធ្លីជាមួយក្រុមហ៊ុនឯកជនមួយដែលបានឈួសឆាយរំលោភយកដីរបស់ពួកគេ។
ពលរដ្ឋដែលរងគ្រោះដីធ្លីមានចំនួន ៣០៨ គ្រួសារ លើផ្ទៃដី ១.២៣១ហិកតារ រស់នៅក្នុងភូមិតេជោអង្កាញ់ និង ភូមិតេជោជ្រៃបាក់ ឃុំតេជោអភិវឌ្ឍន៍ ស្រុកឈូក ខេត្តកំពត។ ពួកគេបានរត់ភៀសខ្លួនមកស្នាក់នៅវត្តចាស់ ក្នុងក្រុងភ្នំពេញ បន្ទាប់ពីក្រុមហ៊ុន ប្រើកម្លាំងចម្រុះចុះព័ទ្ធយកដីស្រែចម្ការរបស់ពួកគាត់ កាលពីថ្ងៃទី១១ និងទី១២ ខែសីហា។
ពលរដ្ឋឲ្យដឹងថា ក្រុមហ៊ុន First Bio-Tech Agricural (Cambodia) Co., Ltd. របស់លោកស្រី ចាន់ សុធា បានប្រើប្រាស់កម្លាំងយោធា ធ្វើការគំរាមកំហែង ប្រើប្រាស់គ្រឿងចក្រឈូសឆាយដុតបំផ្លាញផ្ទះសម្បែងនិងដំណាំរបស់ពលរដ្ឋ និងចាប់ខ្លួនពលរដ្ឋ៣នាក់ ក្នុងនោះមានអ្នកសារព័ត៌មានម្នាក់ផងដែរ។ រហូតមកទល់ពេលនេះក្រុមហ៊ុនខាងលើមិនបានធ្វើការអភិវឌ្ឍអ្វីលើដីនោះទេជួលដីបន្តទៅឱ្យក្រុមហ៊ុនចិនទៅវិញ។
ក្រុមប្រជាពលរដ្ឋបានមករកកិច្ចអន្តរាគមន៍ពីខុទ្ទកាល័យលោកនាយករដ្ឋមន្ត្រី ហ៊ុន សែន កាលពីព្រឹកថ្ងៃទី២២ ខែសីហា ម្សិលមិញ។
ប្រជាពលរដ្ឋបានស្នើរដល់លោកឯកឧត្តម ជាសុផារ៉ា រដ្ឋមន្ត្រីក្រសួងរៀបចំដែណដីនគរូបនិយកម្ម និងសំណង់ ជួយរកយុត្តិធម៌ និងចេញប័ណ្ណកម្មសិទ្ធិដល់ពួកគាត។
តំណាងខាងក្រសួងបានសន្យាថានឹងដោះស្រាយជូនពួកគាត ប៉ុន្តែមិនបញ្ជាក់កាលបរិច្ឆេទច្បាស់លាស់នោះទេ។ ពួកគាតក៏ធ្លាប់បានដាក់នៅស្រសួងដែនដី ម្ដងរួចទៅហើយ។
ពួកគាតឲ្យដឹងថា នឹងបន្តស្នាក់នៅក្នុងរាជធានីភ្នំពេញ រហូតរកបានដំណោះស្រាយណាមួយ៕
