(Khmer) តុលាការកំពូលពន្យាពេលប្រកាសសាលដីការលើបណ្តឹងសកម្មជនបឹងកក់​

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

នៅព្រឹកថ្ងៃទី ១៨ ខែមករានេះ តុលាការកំពូល បានលើកពេលប្រកាសសាលដីការលើបណ្តឹងសុំនៅក្រៅឃុំរបស់ លោកស្រី ទេព វន្នី តំណាងប្រជាសហគមន៍បឹងកក់ទៅថ្ងៃទី ២៥ មករា ២០១៧ ខាងមុខវិញ ដែលពាក់ព័ន្ធទៅនឹងសំណុំរឿងប្រើអំពើហិង្សានៅក្បែរផ្ទះលោកនាយករដ្ឋមន្ត្រី ហ៊ុន សែន កាលពីថ្ងៃទី ១៣ មីនា ឆ្នាំ ២០១៣ ។

ប្រជាសហគមន៍បឹងកក់ប្រមាណ៤០នាក់ បានមកជួបជុំគ្នានៅខាងក្រៅតុលាការកំពូល ស្រែកទាមទារអោយតុលាដោះលែង រួមទាំងលើកបដា រូបលោកស្រីព្រោងព្រាត។

ប្រជាសហគមន៍ បាននិយាយថា៖ ករណីកាលពីថ្ងៃទី ១៣ មីនា ឆ្នាំ ២០១៣ អាជ្ញាធរជាអ្នកប្រើហិង្សាលើពួកគាត់។ ពួកគាត់សង្ឈឹមតុលាការកំពូលជួយលាងជម្រះកំអែលពុករលួយ និងភាពអយុត្តិធម៌របស់តុលាការដំបូង។

លោកស្រី ទេព វន្នី ត្រូវបានជាប់ពន្ធធនាគារជាច្រើនសារមកហើយទាក់ទង់នឹងជម្លោះដីធ្លីនៅតំបន់បឹងកក់។

«ការធ្វើទារុណកម្មញាំញីមកលើពួកខ្ញុំនេះ វាច្រើនលើច្រើនសារមកហើយជាពិសេសនាងខ្ញុំជាប់គុក៣ដងមកហើយ នាងខ្ញុំមិនដែលស្គាល់អ្វីទៅដែលហៅថាជាយុត្តិធម៌នៅឡើយទេ ចឹងសូមមេត្តាកុំយករូបនាងខ្ញុំដែលជាស្ត្រីទន់ខ្សោយម្នាក់ យកទៅធ្វើជាទាសកររបស់អស់លោកអោយសោះ»។

អ្នកស្រី ប៉ូវ សោភា ថ្លែងថា៖ «លោកស្រី ទេព វន្នីគឺជាជនរងគ្រោះពីប្រព័ន្ធតុលាការ នឹងពីការអភិវឌ្ឍន៍ ចឹងនៅថ្ងៃទី២៥ តុលាការកំពូលគួរតែអោយគាត់នៅក្រៅឃុំ ជួបជុំក្រុមគ្រួសារគាត់វិញ» ។

អ្នកស្រីត្រូវបានដឹកបញ្ជូនតាមរថយន្តទៅកាន់ពន្ធធនាគារព្រៃសវិញបន្ទាប់ពីជំនុំជម្រះរួច៕