អបអរសាទរទិវាសិទ្ធិមនុស្សអន្តរជាតិខួបលើកទី៧៥ ឆ្នាំ២០២៣ ក្រោមប្រធានបទ “សេចក្តីថ្លៃថ្នូរ សេរីភាព និងយុត្តិធម៍សម្រាប់ពលរដ្ឋគ្រប់រូប”

រាប់ចាប់ពីថ្ងៃទី៩ ដល់ថ្ងៃទី១០ ខៃ ធ្នូ ឆ្នាំ២០២៣មក ប្រជាសហគមន៍គោលដៅរបស់អង្គការសមាគមធាងត្នោតក្នុងទីក្រុង និងតាមបណ្តាលខេត្តផ្សេងៗទៀត ប្រមាណជា ៤០០ នាក់ ក៏បានប្រារព្ធ ទិវាសិទ្ធិមនុស្សអន្តរជាតិនេះផង មានដូចជា សហគមន៍ផ្លូវរថភ្លើង(ភ្នំពេញ) សហគមន៍ស្ទឹងកំបុត្រ(ភ្នំពេញ សហគមន៍ស្មសាន(ភ្នំពេញ) សហគមន៍វាលស្បូវ(ភ្នំពេញ) សហគមន៍វាលឥន្រ្ទី(ខេត្តកំពត) សហគមន៍មានជ័យ(ខេត្តស្វាយរៀង) និងសហគមន៍ឡពាង (ខេត្តកំពង់ឆ្នាំង)។ ដោយសកម្មភាពសំខាន់ៗមួយចំនួនដូចជា ការបោសសំអាតបរិស្ថានជុំវិញសហគមន៍របស់ខ្លួន និងការថ្លែងសារពាក់ព័ន្ធនឹងសិទ្ធិមនុស្ស និងសិទ្ធិលំនៅឋានផងដែរ។

លើសពីនេះទៅទៀត សមាជិកសហគមន៍ដីធ្លី និងជនជាតិដើមភាគតិច សហជីព ក្រុមយុវជន អង្គការសង្គមស៊ីវិល និងសកម្មជនសិទ្ធិមនុស្ស ប្រមាណជា ៣០០០នាក់ បានប្រារព្ធកម្មវិធីអបអរសាទរ ទិវាសិទ្ធិមនុស្សអន្តរជាតិខួបលើកទី៧៥ ឆ្នាំ២០២៣ នៅទីលានប្រជាធិបតេយ្យ ក្នុងខណ្ឌឬស្សីកែវ រាជធានីភ្នំពេញ។ ក្នុងគោលបំណង៖
១.ដើម្បីពង្រឹងការយល់ដឹងជាសាធារណៈអំពីសេចក្តីប្រកាសជាសកលស្តីពីសិទ្ធិមនុស្ស និងសិទ្ធិពលរដ្ឋក្នុងរដ្ឋធម្មនុញ្ញនៃព្រះរាជាណាចក្រកម្ពុជា។
២. ជំរុញឱ្យមានកំណែទម្រង់ ប្រព័ន្ធយុត្តិធម៌
៣. បង្កើនការយល់ដឹងអំពីភាពយុត្តិធម៌ ដែលមានការជះឥទ្ធិពលដល់សិទ្ធិសេរីភាព និងសេចក្តីថ្លៃថ្នូររបស់ប្រជាពលរដ្ឋ និងសង្គមស៊ីវិល
៤. ពង្រីកសកម្មភាពរបស់អង្គការសង្គមស៊ីវិល តាមរយៈភាពសកម្មភាពជាងមុន៖ ដូចជាការហែក្បួន និងការជួបប្រជុំជាសាធារណៈ។

#STTCambodia #Urbanpoor #Poorcommunity #Landrights #Housingrights #Eviction #Relocation
#ទិវាសិទ្ធិមនុស្សអន្តរជាតិខួបទី៧៥
#ធានាសេចក្តីថ្លៃថ្នូរ
#សេរីភាព
#យុត្តិធម៌សម្រាប់ពលរដ្ឋគ្រប់រូប
#យុត្តិធម៌ជាមូលដ្ឋាននៃសន្តិភាព
#យុត្តិធម៌កើតចេញពីសុឆន្ទៈ_សច្ចធម៌_ច្បាប់_ការអនុវត្ត
#IHRD2023 #IHRD75
#EnsuringDignity
#FreedomAndJustic
#ForEveryCitizen