Author: NENG Pov

នៅព្រឹកថ្ងៃទី៧ ខែកុម្ភៈ ឆ្នាំ២០១៩ ប្រជាសហគមន៍ឡពាងមកពីខេត្តកំពង់ឆ្នាំងប្រមាណជា ៤០នាក់ តំណាងឱ្យ៤៥គ្រួសារ បានមកសាលាដំបូងរាជធានីភ្នំពេញ  ដើម្បីដាក់ឯកសារជាភស្តុតាងបន្ថែម ដែលខាងតុលាការតម្រូវឱ្យស្វែងរកកាលពីថ្ងៃទី១៨ ខែមករា ឆ្នាំ២០១៩។ បន្ទាប់ពីបានដាក់ឯកសារជាភស្តុតាងជូនសាលាដំបូងរាជធានីភ្នំពេញ ប្រជាសហគមន៍ទាំងនោះបានបន្តដំណើរទៅកាន់ក្រសួងយុត្តិធម៌ ដើម្បីដាក់ញត្តិសុំកិច្ចអន្តរាគមន៍រកយុត្តិធម៌ពីបញ្ហាជម្លោះដីធ្លីរបស់ពួកគាត់ជាមួយក្រុមហ៊ុន ខេឌីស៊ី (KDC)។ តំណាងក្រសួងយុត្តិធម៌ បានចេញមកទទួលញត្តិពីប្រជាហគមន៍ និងបានសន្យាថានឹងជូនដំណឹងនៅពេលក្រោយ។

បញ្ហាជម្លោះដីធ្លីដ៏រ៊ាំរៃនៃសហគមន៍ឡពាង ដែលស្ថិតនៅភូមិ ឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង បានអូសបន្លាយអស់រយៈពេល ១៣ឆ្នាំហើយ គឺតាំងពីឆ្នាំ២០០៦ មកម្ល៉េះ​ តែនៅមិនទាន់បានដំណោះស្រាយសមស្របណាមួយ ដែលប្រជាសហគមន៍អាចទទួលយកបាននៅឡើយទេ។

លោកស្រី អ៊ុម សុភី ប្រធានសហគមន៍ឡពាងបានឱ្យដឹងថា “ ពួកគាត់មិនត្រូវការអ្វីច្រើននោះទេ គ្រាន់តែចង់ឱ្យតុលាការរាជធានីភ្នំពេញ បើកសវនាការរឿងជម្លោះដីធ្លីដ៏រ៊ាំរ៉ៃ ជាមួយក្រុមហ៊ុនខេ.ឌី.ស៊ី (KDC)  ព្រោះកន្លងមកតុលារការមិនទាន់មានចំណាត់ការណាមួយនៅឡើយ” ។

លោកស្រីបានបន្តទៀតថា “កាលពីថ្ងៃទី១៨ ខែមករា ឆ្នាំ២០១៩ ពួកគាត់បានមកតុលាការម្តងហើយ តែតុលាការតម្រូវឱ្យ ពួកគាត់រកភស្តុតាងបន្ថែមទាក់ទងសុំណុំរឿងសុំមោឃៈភាពកិច្ចសន្យាដែលបានធ្វើឡើងរវាងភាគីក្រុមហ៊ុន និងប្រជាសហគមន៍ កាលពីថ្ងៃទី០៤ ខែមេសា ឆ្នាំ២០១៤។ តែពេលដែលពួកគាត់ទៅសួរខាងសាលាស្រុក សាលាស្រុកថាអត់មានទេ ព្រោះកិច្ចសន្យាគឺស្ថិតនៅក្នុងដៃលោក ផាត់ ពៅសៀង ជាមេធាវីរបស់លោកជំទាវ ជា ខេង។  មានន័យថា កិច្ចសន្យាមានតែភាគីខាងក្រុមហ៊ុនតែម្ខាង សូម្បីតែសាលាស្រុកក៏អត់មានផង។”  

គួរបញ្ជាក់ផងដែរថា បញ្ហាជីវភាពរបស់ប្រជាសហគមន៍ឡពាងកាន់តែលំបាកពីមួយឆ្នាំទៅមួយឆ្នាំចាប់តាំងពីដីរបស់ពួកគាត់ត្រូវបានក្រុមហ៊ុនព័ទ្ធរបង និងមានជម្លោះរហូតមកដល់ពេលនេះ។

នៅព្រឹកថ្ងៃទី១៨ ខែមករា ឆ្នាំ២០១៩ ប្រជាសហគមន៍ឡពាងមកពីខេត្តកំពង់ឆ្នាំងប្រមាណជា ៥០នាក់ បានមកសាលាដំបូងរាជធានីភ្នំពេញដើម្បីគាំទ្រសមាជិកសហគមន៍ចំនួន ២៩នាក់តំណាងឱ្យ ២៩គ្រួសារដែលតុលាការក្រុងភ្នំពេញបានកោះហៅឱ្យចូលខ្លួនដើម្បីសាកសួរសុំណុំរឿងមោឃៈភាពកិច្ចសន្យាដែលបានធ្វើឡើងរវាងក្រុមហ៊ុនខេ.ឌី.ស៊ី (KDC) របស់ភរិយាលោក ស៊ុយ សែម និងសមាជិកសហគមន៍។
ការសាកសួរនេះត្រូវចាប់ផ្តើមពីម៉ោង ១០:៣០នាទីព្រឹក រហូតដល់ម៉ោង ១ រសៀល។ ជាលទ្ធផល សាលាដំបូងរាជធានីភ្នំពេញបានទុកពេលចំនួន ៣សប្តាហ៍ឱ្យសមាជិកសហគមន៍ទាំង ២៩គ្រួសាររកភស្តុតាងបន្ថែមទាក់ទងសុំណុំរឿងសុំមោឃៈភាពកិច្ចសន្យាដែលបានធ្វើឡើងរវាងភាគីទាំងពីរ កាលពីថ្ងៃទី០៤ ខែមេសា ឆ្នាំ២០១៤។
ប្រធានសហគមន៍អ្នកស្រី អ៊ុំ សុភី ដែលជាជនរងគ្រោះដីធ្លីមកពីសហគមន៍ឡពាងឲ្យដឹងថា “ប្រជាពលរដ្ឋត្រូវបានគេចោទថា ពួកគាត់យកលុយរបស់ក្រុមហ៊ុន តែភាគច្រើនប្រជាពលរដ្ឋដែលទៅជួបក្នុងការដោះស្រាយគឺអត់ចេះអក្សរទេ ហើយក្នុងការដោះស្រាយនោះគណៈកម្មការអត់មានឱ្យតំណាងពួកគាត់ចូលរួមទេ អញ្ចឹងគឺហៅពួកគាត់ម្នាក់ម្តងៗ ដើម្បីគៀបនៅក្នុងបន្ទប់។ ”

អ្នកស្រីបានបន្តទៀតថា “ពួកខ្ញុំសុំឱ្យក្រុមហ៊ុនទទួលស្គាល់ដីរបស់ពួកខ្ញុំ ព្រោះត្រូវបានក្រុមហ៊ុនឈួសឆាយផ្ទះដីតាំងពីឆ្នាំ២០០៨ មកទល់សព្វថ្ងៃ ហើយក្រុមហ៊ុនអត់មានសងលុយមួយរៀលមកពួកខ្ញុំទេ ហើយក្រុមហ៊ុនពាត់របងទុកដីពួកខ្ញុំចោល អត់ឱ្យពួកខ្ញុំធ្វើស្រែ។ សួរថាតើវាយុត្តិធម៌អត់សំរាប់ពួកខ្ញុំ?”

គួរបញ្ជាក់ផងដែរថា សហគមន៍ឡពាងជាសហគមន៍មួយដែលមានជំលោះដីធ្លីដ៏រ៉ាំរៃជាមួយក្រុមហ៊ុន ខេឌីស៊ី ដែលជាក្រុមហ៊ុនរបស់លោកជំទាវ ជា ខេង ភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល តាំងពីឆ្នាំ២០០៨មកម្ល៉េះ៕

កាលពេលពីថ្មីៗនេះ មានការបែកធ្លាយលិខិតមួយដែលចេញពី ទីស្តីការគណៈរដ្ឋមន្ត្រី នៅថ្ងៃទី០២ ខែសីហា ឆ្នាំ២០១៨ ជម្រាបជូនទៅកាន់រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ទេសរដ្ឋមន្ត្រី រដ្ឋមន្ត្រីសេដ្ឋកិច្ច និងហិរញ្ញវត្ថុ និងគណៈអភិបាលរាជធានីភ្នំពេញ អំពីសំណើរសុំដីចំនួន ២០ហិកតា នៅបឹងតាមោក ស្ថិតក្នុងសង្កាត់ព្រែកព្នៅ ខណ្ឌសែនសុខ ដើម្បីធ្វើជាផ្សារផ្គត់ផ្គង់បន្លែ និងចំណតរថយន្ត។ ក្នុងលិខិតនោះក៏បានបញ្ជាក់ផងដែរថា រាជរដ្ឋាភិបាលបានយល់ព្រមជាគោលការណ៍យកដីចំនួន ២០ហិកតា នៅបឹងតាមោក ដើម្បីសាងសង់ផ្សារផ្គត់ផ្គង់បន្លែ ផ្លែឈើ និងជាចំណតរថយន្ត និងអនុញ្ញាតរើផ្សារបន្លែពីផ្សារដើមគរ ទៅផ្សារថ្មីនៅបឹងតាមោកវិញ។ ចំពោះសេចក្តីសម្រេចរបស់រាជរដ្ឋាភិបាលក្នុងការលុបបឹងតាមោកនេះ ត្រូវបានចំណារពីនាយករដ្ឋមន្ត្រី តាំងពីថ្ងៃទី០៨ ខែមិថុនា ឆ្នាំ២០១៨មកម្ល៉េះ តែដំណឹងពីការសាងសង់ទើបនឹងបែកធ្លាយ និងមានការចែករំលែកជាច្រើននៅលើបណ្តាញសង្គមហ្វេសប៊ុក នៅពេលថ្មីៗនេះ។

គួរបញ្ជាក់ដែរថា បឹងតាមោក ឬបឹងទំនប់កប់ស្រូវ គឺជាបឹងធម្មជាតិដ៏ធំមួយក្នុងចំណោមបឹងស្តុកទឹកធំៗក្នុងរាជធានីភ្នំពេញ ដែលមានផ្ទៃ ៣២៣៩,៧ ហិកតា ដែលមានទីតាំងឋិតនៅក្នុងខ័ណ្ឌព្រែកព្នៅ។ នៅថ្ងៃទី០៣ ខែកុម្ភៈ ឆ្នាំ ២០១៦ រដ្ឋាភិបាល ចេញអនុក្រឹត្យស្តីពីការកំណត់ផ្ទៃបឹង ចំនួន ៣២៣៩ ហិចតា ដែលគ្របដណ្តប់បឹងតាមោក (បឹងកប់ស្រូវ) និងដី​ជុំវិញ ​ទុកជាទ្រព្យសម្បត្តិសាធារណៈរបស់រដ្ឋ។

សព្វថ្ងៃនេះត្រូវបានគេយកជាទីតាំងសម្រាប់បង្ហូរទឹកសម្អុយ និងជាទីរំដោះទឹកជំនន់ដែលតែងតែកើតមានឡើងនៅក្នុងទីក្រុងភ្នំពេញ បន្ទាប់ពីបឹងធម្មជាតិធំៗ មួយចំនួននៅក្នុងរាជធានីភ្នំពេញត្រូវបានគេចាក់ដីលុប ដើម្បីអភិវឌ្ឍន៍។

បើយោងតាមរបាយការណ៍ក្រុមស្រាវជ្រាវរបស់អង្គការសមាគមធាងត្នោត (របាយការណ៍ពិតនិងតួលេខ #២៨) ដែលបានចេញផ្សាយកាលពីឆ្នាំ២០១៥ បានរកឃើញថា នៅរាជធានីភ្នំពេញមានបឹងចំនួន២៥ ហើយបឹងចំនួន១៥ ត្រូវបានលុបដែលមានការខាតបង់ ៦០% នៃប្រព័ន្ធបឹងក្នុងរាជធានីភ្នំពេញ ។

សរុបមក ការអភិវឌ្ឍទីក្រុងនៅរាជធានីភ្នំពេញកំពុងមានឥទ្ធិពលយ៉ាងខ្លាំងទៅលើប្រព័ន្ធបង្ហូរទឹកមួយផ្នែកធំនៅក្នុងទីក្រុង។

Admin Officer

Unit : Admin Officer
Reporting to : Senior Admin and Human Resources Officer
Hire : 1 Position
Schedule : Full Time (Monday-Friday)
Gross Salary : TBC

Main Responsibilities, Tasks and Activities

 Check and ensure that office and meeting room are cleaned and tidy
 Track staff attendance every 8am
 Control vehicle record and check their irregularity
 Check and organize meeting room
 Manage and purchase office supplies and equipment
 Filling Administrative and human resource document
 Update staff files regularly
 Ensure all personnel file are kept in safety and all staff have provided all relevant personal document
 Control and update stationery regularly
 Control and update Inventory and record properly all material lent to staff
 Prepare payment for monthly taxes, utilities, internet, office rental and other expenses
 Assist in procurement by seeking for quotation and make quote analysis
 Record all staff leaves
 Follow up any materials lent by staff but not yet returned, and report to Manager
 Ensure that all books in the library are properly kept after used
 Regularly check post office
 Keep confidential information relating to staff and the whole organization
 Other tasks will be assigned by Senior and Human Resources Officer

Skills and Qualification:

The post holder is expected to have:
• At least bachelor degree in Human Resource Management or other related fields.
• 2-3 years experiences in admin field,
• Experiences in working for NGO
• Good communication skill in Khmer and English
• Good knowledge of Ms. Office application, word, advance excel, powerpoint, internet and email
• Excellent in planning, organizing and team work
• Good Understanding of Cambodian Labor Law, Taxes…etc.
• Proven analytical skills and good at problem solving
• Enthusiasm for community works

តើអ្នកចាប់អារម្មណ៍អំពីការច្នៃប្រឌិតបៃតង និងការរចនាប្រកបដោយនិរន្ដរភាពដែរ ឫទេ? ចង់ដឹងតើធ្វើយ៉ាងណាដើម្បីអភិវឌ្ឍន៏ទីក្រុងនៅក្នុងប្រទេសកម្ពុជាអោយមានភាពធន់ និងមានការចូលរួម? តើសកម្មភាពអ្វីខ្លះគួរតែយកមកអនុវត្ដដើម្បីកសាងលំនៅដ្ឋានប្រកបដោយភាពសមរម្យនៅក្នុងប្រទេសកម្ពុជាយើងដែរឫទេ?

សន្និបាតស្ដីអំពី ទីក្រុងរបស់យើងទាំងអស់គ្នា! បានត្រលប់មកវិញហើយ ដែលនឹងប្រារព្ធឡើង នៅថ្ងៃព្រហស្បតិ៍ ទី២៩ និងថ្ងៃសុក្រ ទី៣០ ខែវិច្ឆិកា ឆ្នាំ២០១៨ ស្ថិតនៅមជ្ឈមណ្ឌលកិច្ចសហប្រតិបត្ដិការកម្ពុជា-កូរ៉េ (CKCC) ក្នុងបរិវេណសកលវិទ្យាល័យភូមិន្ទភ្នំពេញ។

នៅក្នុងឆ្នាំនេះ សន្និបាតទីក្រុងយើងទាំងអស់គ្នា! និងផ្ដោតសំខាន់លើប្រធានបទចំនួន៣ ដូចជា៖ ទីក្រុងដែលមានពណ៌បៃតង និងមានភាពធន់ ការអភិវឌ្ឍន៍ទីក្រុងដែលមានការចូលរួម និង លំនៅដ្ឋានសម្រាប់ទាំងអស់គ្នា។ 

សូមធ្វើការចុះឈ្មោះដោយសេរីឥឡូវនេះតាមរយៈ www.cityforall.net

ភ្នំពេញថ្ងៃទី២៦ ខែកញ្ញា ឆ្នាំ២០១៨

យើងខ្ញុំដែលជាសហគមន៍ និងក្រុមអង្គការសង្គមស៊ីវិលដែលមានឈ្មោះដូចខាងក្រោម សូមធ្វើការថ្កោលទោស ចំពោះការផ្តន្ទាទោសថ្ងៃនេះទៅលើអ្នកការពារសិទ្ធិមនុស្សទាំងបួនរូប នៃសមាគមការពារសិទ្ធិមនុស្សអាដហុក​ និងមន្រ្តី​គណៈ​កម្មាធិការ​ជាតិរៀប​ចំការ​បោះឆ្នោត (គ.ជ.ប) មួយរូបចំពោះករណី​ចោទប្រកាន់ពីបទសូកប៉ាន់សាក្សី និងសមគំនិតសូកប៉ាន់សាក្សី។

នៅថ្ងៃទី២៦ ខែកញ្ញា ឆ្នាំ២០១៨ បុគ្គលិកជាន់ខ្ពស់របស់សមាគមអាដហុក មានលោកនី សុខា លោកណៃ វ៉ង់ដា អ្នកស្រី លឹម មុនី និងលោក​យីសុខសាន្តត្រូវបានសាលាដំបូងរាជធានីភ្នំពេញផ្តន្ទា​ទោស​ពីបទ​“សូកប៉ាន់សាក្សី” តាមមាត្រា៥៤៨ នៃក្រមព្រហ្មទណ្ឌ។ មន្រ្តីគ.ជ.ប និងជាអតីតបុគ្គលិកសមាគមអាដហុកលោក នី ចរិយា ត្រូវបានសម្រេច​ថា​មាន​ទោស ពីបទសមគំនិតតាមមាត្រា២៩ និងមាត្រា៥៤៨នៃក្រមព្រហ្មទណ្ឌ។ ពួកគាត់ត្រូវបានផ្តន្ទាទោស ដោយសាលាដំបូងរាជធានីភ្នំពេញដាក់ទោស៥ឆ្នាំ ដោយអនុវត្តន៍ទោសក្នុងពន្ធនាគារ​ពីថ្ងៃទី០២ ​ខែឧសភា​ ឆ្នាំ២០១៦ ដល់ថ្ងៃទី២៩ មិថុនា ឆ្នាំ២០១៧ ហើយទោសដែលនៅត្រូវព្យួរ។

ការផ្តន្ទាទោសនេះ គឺពាក់ព័ន្ធ​ទៅនឹងការផ្តល់ជំនួយស្របច្បាប់ របស់សមាគមអាដហុកដល់ឈ្មោះ ខុម ចាន់តារាទី ហៅស្រីមុំ ក្នុងឆ្នាំ២០១៦ ដែល​នាងត្រូវបានរងបណ្តឹងចោទប្រកាន់ពីឈ្មោះ ធី សុវណ្ណថា​ពីបទបរិហារកេរ្ត៍ តាមរយៈការលេចធ្លាយព័ត៌មានអំពីទំនាក់ទំនងស្នេហារវាងឈ្មោះ ខុម ចាន់តារាទី និងលោក កឹម សុខាជាមេដឹកនាំអតីតគណបក្សសង្គ្រោះជាតិ។ ក្នុងចន្លោះពីថ្ងៃទី៩ ខែមីនា រហូតដល់ថ្ងៃទី២២ ខែមេសា ឆ្នាំ២០១ បុគ្គលិកសមាគមអាដហុកបានផ្តល់នូវជំនួយ ផ្នែកច្បាប់ និងជំនួយមនុស្សធម៌មួយចំនួន​ដល់ឈ្មោះ​ ខុម ចាន់តារាទី ​តាម​ការស្នើសុំរបស់នាង​ ដែលជំនួយទាំងនេះ​ជា​ការអនុវត្តន៍តួនាទីរបស់​ពួក​គេជាអ្នកការពារសិទ្ធិមនុស្ស​ក្នុងការជួយដល់ជនរងគ្រោះបន្ទាប់​ពី​នាង​​ត្រូវបាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែននៃក្រសួង​មហាផ្ទៃ ហៅ​ឲ្យចូលបំភ្លឺក្នុងនាមជាជនសង្ស័យ​តាមបណ្តឹងរបស់ឈ្មោះ ធី សុវណ្ណថា។

ក្នុងរយៈពេលមួយថ្ងៃនៃសវនាការ នៅថ្ងៃទី១៨​ ខែកញ្ញា ឆ្នាំ២១០៨សាក្សីប្រាំនាក់​បានអវត្តមានក្នុងនោះ​ក៏មានឈ្មោះ ខុម ចាន់តារាទី និងឈ្មោះ ទ្រី ឈួន ដែលជាសាក្សីដ៏សំខាន់បំផុតផងដែរ។​មានតែ សេចក្តីថ្លែងការណ៍របស់សាក្សីពីរនាក់នេះប៉ុណ្ណោះ ដែលត្រូវបានអានខ្លាំងៗហើយដែល​ការអាន​នេះ​ពុំមាន​ការ​​​ចោទ​សួរឆ្លើយពីមេធាវីការពារ​ក្តីនោះទេ។ពុំមាន​ភស្តុតាងដែលគួរឲ្យ​ជឿទុកចិត្តណាមួយត្រូវបានដាក់បង្ហាញ​ដោយ​​តំណាងអយ្យការទេ ដែល​នេះ​ពុំ​ស្រប​ទៅ​តាមបទដ្ឋាន​នៃ​ការ​បង្ហាញ​ភស្តុតាងដែល​ចាំបាច់​ ដើម្បី​នាំ​ទៅ​ដល់​ការផ្តន្ទាទោស ឡើយ។ តំណាងអយ្យការក៏ខកខាន​ក្នុងការអះអាង​ថា​ តើខុម ចាន់តារាទី គឺជាជនសង្ស័យ ឬជា​សាក្សី ឲ្យបានពិតប្រាកដ នៅក្នុងអំឡុងពេល​នៃការចោទប្រកាន់អំពីបទសូកប៉ាន់សាក្សីនោះដែរ។ ការផ្តន្ទាទោស​ថ្ងៃនេះ វាហាក់ដូចជាបង្ហាញយ៉ាងច្បាស់ថា ជាការដាក់សំពាធយ៉ាងធ្ងន់ធ្ងរទៅលើសកម្មភាព​ការងារសិទ្ធិមនុស្ស​ស្របច្បាប់របស់ពួកគេ។

សិទ្ធិត្រូវ​សន្មតទុកជា​មុន​ថាគ្មានទោសរបស់ពួក​គេ​ត្រូវបានរំលោភបំពាន ចាប់ពីថ្ងៃទី២៨ ខែមេសា ឆ្នាំ២០១៦ រហូតដល់ថ្ងៃទី២៩ ខែមិថុនា ឆ្នាំ២០១៧​បុគ្គលិកសមាគមអាដហុក៤នាក់ និងមន្ត្រីគ.ជ.ប ត្រូវបានឃុំខ្លួនអស់​​រយៈពេល៤២៧ថ្ងៃ ដែលជាការឃុំខ្លួនបណ្ដោះ​អាសន្ន​តាម​អំពើ​ចិត្ត​ហើយការឃុំខ្លួនតាម​អំពើ​ចិត្ត​នេះ ក៍ត្រូវ​បាន​សម្រេច​ដោយ​ក្រុមការងារអង្គការសហប្រជាជាតិស្តីពីការឃុំខ្លួនតាម​អំពើ​ចិត្ត​នេះក្នុងខែវិច្ឆិកា ឆ្នាំ២០១៦។ ​បើ​ទោះបី​ជា​មាន​ការ​ដោះលែងបណ្តោះអាសន្នក៏​ដោយ​ក៏​បុគ្គលិកអង្គការអាដហុកទាំង៤រូប មិនអាច​បន្តធ្វើការដោយគ្មានការភ័យខ្លាច ឬ​គ្មាន​ការ​រិត​ត្បិត​នោះ​ទេ​ ដោយសារតែមាន​ការគំរាមគំហែងជាប្រចាំ​ថា ពួក​គេនឹង​អា​ច​ត្រូវ​ចាប់បញ្ជូនត្រឡប់ទៅឃុំខ្លួនវិញ ដែល​នេះ​បន្ត​នូវ​ការរើសអើងជា​រឿយៗ​ ចំពោះការងាររបស់​ពួកគេ​ប្រឈមក្នុងនាមជាអ្នកការពារសិទ្ធិមនុស្ស។

អ្នកទាំង៥មានប្រវត្តិជាអ្នកលើកស្ទួយសិទ្ធិមនុស្ស​នៅ​កម្ពុជាយូរអង្វែងណាស់​មក​ហើយ​។ ម្នាក់ៗបាន​ចំណាយ​​​ពេលជា​ច្រើន​ឆ្នាំដើម្បីធ្វើការតាមអណត្តិការងាររបស់សមាគមអាដហុក ដែលជាអង្គការសិទ្ធិមនុស្សដ៏​មានវ័យចំណាស់មួយនៅកម្ពុជា។ ពួកគេបានធ្វើការដើម្បីគាំទ្រជនរងគ្រោះនៃការរំលោភសិទ្ធិ​ពលរដ្ឋ​ និងសិទ្ធិ​​នយោបាយ ការរំលោភដីធ្លី ការបណ្តេញចេញដោយបង្ខំ ក៏ដូចជាជនរងគ្រោះនៃការរំលោភបំពានផ្លូវភេទ ដោយ​សន្តិវិធី​ និង​គ្មាន​ការ​រើស​អើង​ ក្នុងគោលដៅតែមួយគត់គឺដើម្បី​ការគាំពារ​ និងការពារ​សិទ្ធិមនុស្ស។ សារៈសំខាន់​នៃការងាររបស់ពួកគេត្រូវបានទទួលស្គាល់នៅក្នុងឆ្នាំ២០១៧ គឺនៅពេលដែលពួកគាត់ត្រូវបានជ្រើសរើសជា បេក្ខជន​​​ជ័យ​លាភីសម្រាប់ពានរង្វាន់ ម៉ាទីន អែនណល សម្រាប់​អ្នកការពារ​សិទ្ធិ​មនុស្ស។

យើងខ្ញុំសូមអំពាវនាវឲ្យ​អាជ្ញាធរ ទម្លាក់​ចោលការចោទប្រកាន់ទំាងនេះ ជាបន្ទាន់ និងដោយឥតលក្ខខណ្ឌ ហើយអនុញ្ញាតឲ្យ​បុគ្គលិកអាដហុកទាំង៤រូប និងមន្ត្រីគ.ជ.ប មួយរូប អាចធ្វើការងារស្របច្បាប់​របស់ពួក​គេដើម្បី​បម្រើប្រជាពលរដ្ឋកម្ពុជា ដោយគ្មានការគំរាមគំហែង និងដោយគ្មានការដាក់ទោសទណ្ឌ។ ពួកគេគួរតែត្រូវបានផ្តល់​នូវសំណងសមរម្យ ដោយ​យោង​តាម​បទដ្ឋាន​អន្តរជាតិសម្រាប់ការឃុំខ្លួនរយៈពេល៤២៧ថ្ងៃ ដែលជាការឃុំខ្លួន​បណ្ដោះអាសន្ន​តាម​អំពើ​ចិត្ត។ យើងខ្ញុំសូមអំពាវនាវឲ្យ​រដ្ឋាភិបាលកម្ពុជា ធានានូវ​មជ្ឈដ្ឋាន​ការងារ​ស្របច្បាប់​របស់អ្នកការពារសិទ្ធិមនុស្ស និងអង្គការសង្គមស៊ីវិល ដែលក្នុងនោះសិទ្ធិសេរីភាពជាមូលដ្ឋានត្រូវបានគោរព និង​លើកតម្កើងយ៉ាងពេញលេញ ។

ឈ្មោះអង្គការ សមាគម​ និងសហគមន៍ដែលគាំទ្រលើសេចក្តីថ្លែងការរួម

១. សហគមន៍២៤គ្រួសារ (ព្រះសីហនុ)

២. សហគមន៍កៅពី (ភ្នំពេញ)

៣. សហគមន៍ដីធ្លី២៩៧ (កោះកុង)

៤. សហគមន៍អណ្តូងថ្ម (ព្រះសីហនុ)

៥. សហគមន៍អណ្តូងកន្តួត (បាត់ដំបង)

៦. សហគមន៍ដីធ្លីអណ្តូងត្របែក (ស្វាយរៀង)

៧. សហគមន៍អន្លង់រុន (បាត់ដំបង)

៨. សហគមន៍បន្ទាយស្រី (ភ្នំពេញ)

៩. សហគមន៍បាតខ្ទះ (ព្រះសីហនុ)

១០. សហគមន៍បឹងប្រាំ (បាត់ដំបង)

១១. សហគមន៍បុរីកីឡា (ភ្នំពេញ)

១២. សហគមន៍បុស្សស្អំ (បាត់ដំបង)

១៣. សហគមន៍ដីធ្លីប៊ូជប៉ុន (កោះកុង)

១៤. សហព័ន្ធសហជីពកម្មករសំណង់ និងព្រៃឈើកម្ពុជា (BWTUC)

១៥. សហគមន៍ចែកមាស (ស្វាយរៀង)

១៦. សហគមន៍ដីធ្លីជីខក្រោម (កោះកុង)

១៧. សហគមន៍ដីធ្លីជីខលើ (កោះកុង)

១៨. សហគមន៍ជាំក្រវៀន (កំពង់ចាម)

១៩. សហគមន៍សេ អ៊ី ប្រាំ (ព្រះសីហនុ)

២០. សហគមន៍នេសាទ (កំពត)

២១. សហគមន៍អភិរក្សព្រៃឈើជីវៈចំរុះ (ស្វាយរៀង)

២២. សហជីពសេរីកម្មករនៃព្រះរាជាណាចក្រកម្ពុជា (FTUWKC)

២៣. សហគមន៍កំពង់សាមគ្គី (កំពត)

២៤. សហគមន៍គៀនទឹក (កោះកុង)

២៥. សហគមន៍កោះខ្សាច់ (កោះកុង)

២៦. សហគមន៍កោះស្រឡៅ (កោះកុង)

២៧. សហគមន៍ដីធ្លីឡពាង (កំពង់ឆ្នាំង)

២៨. អង្គការម្លប់ព្រហ្មវិហារធម៌ (កោះកុង)

២៩. សហគមន៍ដីធ្លីម៉ឺនជ័យ (ស្វាយរៀង)

៣០. សហគមន៍អូរឈើទាល (ព្រះសីហនុ)

៣១. សហគមន៍អូដំរី (ព្រះសីហនុ)

៣២. សហគមន៍អូរខ្សាច់ (ព្រះសីហនុ)

៣៣. សហគមន៍អូរត្រជាក់ចិត្ត (ព្រះសីហនុ)

៣៤. សហគមន៍អូរវល្លិ៍ព្រេង (បាត់ដំបង)

៣៥. សហគមន៍ភូមិ២២​ (ភ្នំពេញ)

៣៦. សហគមន៍ភូមិ២៣​ (ភ្នំពេញ)

៣៧. សហគមន៍ភូមិអូរស្វាយ (បន្ទាយមានជ័យ)

៣៨. សហគមន៍ដីធ្លីភូមិសិលាខ្មែរ (បន្ទាយមានជ័យ)

៣៩. សហគមន៍ភ្នំស្លឹក (បាត់ដំបង)

៤០. សហគមន៍ប្រាសាក់ (បាត់ដំបង)

៤១. សហគមន៍ព្រែកកុយ (កំពង់ចាម)

៤២. សហគមន៍ដីធ្លីព្រែកខ្សាច់ (កោះកុង)

៤៣. សហគមន៍ព្រែកតាគង់ (ភ្នំពេញ)

៤៤. សហគមន៍ព្រែកតានូ (ភ្នំពេញ)

៤៥. សហគមន៍ព្រែកត្រែ (ព្រះសីហនុ)

៤៦. សហគមន៍ព្រៃឈើពេជ្រសង្វារល្អឆើត (កំពង់ឆ្នាំង)

៤៧. សហគមន៍នេសាទព្រៃពាយ (កំពត)

៤៨. សហគមន៍ដីធ្លីផ្សារកណ្តាល (បន្ទាយមានជ័យ)

៤៩.​សហគមន៍រស្មីសាមគ្គី (កំពង់ស្ពឺ)

៥០. សហគមន៍ដីធ្លីរំចែក (សៀមរាប)

៥១. សហគមន៍ដីធ្លីភូមិរ៉ុន (បន្ទាយមានជ័យ)

៥២. សហគមន៍ដីធ្លីសាមគ្គីរមាសហែក (ស្វាយរៀង)

៥៣. សហគមន៍នេសាទស្តីក្រោម (បាត់ដំបង)

៥៤. សហគមន៍ដីធ្លីស្គន់ (សៀមរាប)

៥៥. សហគមន៍នេសាទសម្រ់កោះស្តេច (កោះកុង)

៥៦. សហគមន៍SOSព្រលានយន្តហោះអន្តរជាតិភ្នំពេញ

៥៧. សហគមន៍សូទិព្វ (កំពង់ចាម)

៥៨. សហគមន៍ស្ពានឆេះ (ព្រះសីហនុ)

៥៩. សហគមន៍ដីធ្លីស្ទឹងបត់ (បន្ទាយមានជ័យ)

៦០. សហគមន៍ដីធ្លីភូមិស្វាយ (បន្ទាយមានជ័យ)

៦១. សហគមន៍ដីធ្លីតានី (សៀមរាប)

៦២. សហគមន៍ដីធ្លីតានូន (ស្វាយរៀង)

៦៣. សហគមន៍ដីធ្លីភូមិតាត្រៃ​ (បន្ទាយមានជ័យ)

៦៤. សហគមន៍ដីធ្លី (កំពង់ស្ពឺ)

៦៥. សហគមន៍ថ្មធំ (ព្រះសីហនុ)

៦៦. សហគមន៍ដីធ្លីភូមិថ្នល់បត់ (បន្ទាយមានជ័យ)

៦៧. សហគមន៍ដីធ្លីភូមិធ្នង់ (កោះកុង)

៦៨. សហគមន៍ទួលសំរោង (កំពង់ឆ្នាំង)

៦៩. សហជីពនិយោជិតវិស័យទេសចរណ៍ និងសេវាកម្ម (បន្ទាយមានជ័យ)

៧០. សហជីពនិយោជិតវិស័យទេសចរណ៍ (បន្ទាយមានជ័យ)

៧១.​ សហគ​មន៍ត្រពាំងអញ្ចាញថ្មី (ភ្នំពេញ)

៧២. សហគ​មន៍ត្រពាំងជោរ (កំពង់ស្ពឺ)

៧៣. សហគ​មន៍ត្រពាំងសង្កែ (កំពត)

៧៤.​សហគ​មន៍ទំនប់ពីរ (ភ្នំពេញ)

អង្គការ ដែលគាំទ្រសេចក្តីថ្លែងការណ៏

៧៥. សមាគមការពារសិទិ្ធមនុស្ស និង​អភិវឌ្ឍន៏នៅកម្ពុជា (ADHOC)

៧៦. ក្រុមអ្នកច្បាប់ការពារសិទ្ឋិកម្ពុជា (CDP)

៧៧. មជ្ឃមណ្ឌលសិទិ្ធមនុស្សកម្ពូជា (CCHR)

៧៨. គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (COMFREL)

៧៩. ពន្លកខ្មែរ (PKH)

៨០. សមាគមធាងត្នោត (STT)

៨១. អង្គការអភិវឌ្ឍន៏សំលេងសហគមន៏ (BCV)

៨២. ក្រុមប្រឹក្សាយុវជនកម្ពុជា (YCC)

៨៣.អង្គការកម្មវិធីអភិវឌ្ឍន៏ធនធានយុវជន (YRDP)

៨៤. សមាគមគ្រូបង្រៀនកម្ពុជាឯករាជ្យ (CITA)

៨៥. សម្ព័ន្ធសហគមន៏កសិករកម្ពុជា (CCFC))

៨៦. សមាគមខ្មែរកម្ពុជាក្រោម ដើម្បីសិទិ្ធមនុស្ស និង​អភិវឌ្ឍន៏ (KKKHRDA)

៨៧. វិទ្យាស្ថានតស៊ូមតិ និង​គោលនយោបាយ (API)

៨៨. អង្គការការពារសិទិ្ធជនជាតិដើមភាគតិច (MIRO)

៨៩.សមាគមយុវជនខ្មែរ (KYA)

៩០. អង្គការយេនឌ័រ និង​អភិឌ្ឍន៏ដើម្បីកម្ពុជា (GADC )

៩១. អង្គការស្ម័គ្រចិត្តដើម្បីសង្គម (CVS)

៩២. សម្ព័ន្ធគណនេយ្យភាពសង្គមកម្ពុជា (ASNA)

៩៣. អង្គការសមធម៌កម្ពុជា (EC)

៩៤. សម្ព័ន្ធខ្មែរជំរឿននិងការពារសិទិ្ធមនុស្ស លីកាដូ (LICADHO)

លោកអ្នកអាចទាញយកសេចក្តីថ្លែងការណ៍នៅទីនេះ៖ ភាសាខ្មែរ– ភាសាអង់គ្លេស