បឹងតាមោក ឬបឹងកប់ស្រូវ

បឹងតាមោក ឬបឹងកប់ស្រូវ គឺជាបឹងធម្មជាតិដ៏ធំជាងគេក្នុងរាជធានីភ្នំពេញ ដែលស្ថិតនៅភាគពាយព្យនៃរាជធានីតាមបណ្តោយមហាវិថីឈ្នះ-ឈ្នះ។ បឹងនេះមានទំហំ ៣ ២៣៩,៧ ហិកតា លាតសន្ធឹងលើខណ្ឌចំនួន ២ សង្កាត់ចំនួន ៦ និង  ភូមិចំនួន ២៥។ ព្រំប្រទល់បឹងមិនមានការកំណត់ជាផ្លូវការទេ រហូតដល់ឆ្នាំ ២០១៦ ទើបរាជរដ្ឋាភិបាលបានសម្រេចកំណត់ ផ្ទៃបឹងតាមោកមានទំហំសរុប ៣ ២៣៩,៧ ហិកតាដាក់ជាទ្រព្យសម្បត្តិសាធារណៈរបស់រដ្ឋ ប៉ុន្តែក្រោយមកផ្ទៃបឹងនេះត្រូវបានកែសម្រួលយ៉ាងតិច ១៧ដង។ នៅជុំវិញបឹងមានប្រជាជនរស់នៅប្រមាណ ៣០០គ្រួសារ និងមានមនុស្សប្រហែល ១០០០នាក់ ដែលភាគច្រើនប្រកបរបរចិញ្ចឹមជីវិតដោយការនេសាទត្រី ដាំដំណាំ ចិញ្ចឹមត្រី និងរកស៊ីលក់ដូរនៅផ្ទះ។ គ្រួសារទាំងនោះភាគច្រើនរស់ក្នុងលំនៅឋានដែលជាសំណង់មិនរឹងមាំ  និងមានសភាពទ្រុឌទ្រោម។ ក្នុងចំណោមនោះគ្រួសារប្រមាណ៣០ភាគរយស្នាក់នៅក្នុងជម្រកបណ្តោះអាសន្ន។ ក្រៅពីជាទីជម្រកសម្រាប់មនុស្ស បឹងតាមោកក៏ជាកន្លែងដែលមានប្រព័ន្ធអេកូដ៏សម្បូរបែប និងចម្រុះរបស់សត្វស្លាប និងសត្វត្រីផងដែរ។

 

 

 

 

 

លោកអ្នកអាចទាញយករបាយការណ៍នៅទីនេះ! ភាសាខ្មែរ – អង់គ្លេស

សម្រាប់ព័ត៌មានបន្ថែមសូមទំនាក់ទំនង៖
លោក សឿង សារ៉ន នាយកប្រតិបត្តិនៃអង្គការសមាគមធាងត្នោត
អ៊ីមែល៖ director@teangtnaut.org

លោកស្រី Athina Wilson ទីប្រឹក្សាកម្មវិធីនៃអង្គការសមាគមធាងត្នោត
អ៊ីម៉ែល៖ advisor@teangtnaut.org

One thought on “បឹងតាមោក ឬបឹងកប់ស្រូវ

Comments