ព្រឹត្តិការណ៍

ប្រទេសកម្ពុជាបានធ្វើនគរូបនីយកម្មយ៉ាងឆាប់រហ័សក្នុងរយៈពេល ២០ ឆ្នាំចុងក្រោយនេះ​ ជាមួយនឹងកំណើនភាគច្រើនផ្តោតតែនៅក្នុងរាជធានីភ្នំពេញ។ ទោះបីជាមានសំណង់អាគារខ្ពស់ ៗ អគារខុនដូ បុរី និងទីក្រុងរណបនានា​ នាពេលថ្មីៗយ៉ាងណាក៏ដោយ ក៏រាជធានីភ្នំពេញនៅតែមានសហគមន៍ក្រីក្រងាយរងគ្រោះជាង ២៧៧ ទីតាំង ដែលមិនបានទទួលផលប្រយោជន៍ពីការអភិវឌ្ឍនេះទេ។ សហគមន៍ទាំងនេះមិនទាន់មានលំនៅឋានសមរម្យ និងហេដ្ឋារចនាសម្ព័ន្ធគ្រប់គ្រាន់ ទឹកស្អាតសម្រាប់ប្រើប្រាស់ អនាម័យ និងសុវត្ថិភាពដីធ្លីនៅឡើយ។

លំនៅឋានសមរម្យគឺជាសិទ្ធិមូលដ្ឋានរបស់មនុស្សគ្រប់រូបទាំង បុរស ស្ត្រី យុវជន និងកុមារ ដើម្បីទទួលបាន និងមាននិរន្តរភាពផ្នែកលំនៅឋាន និងសហគមន៍ដែលមានសុវត្ថិភាពក្នុងការរស់នៅប្រកបដោយសន្តិភាព និងសេចក្តីថ្លៃថ្នូរ ហើយដូច្នេះ វាពិតជាមានសារៈសំខាន់ណាស់ដែលគ្មាននរណាម្នាក់ជួបបញ្ហាច្រើន ខណៈមានការអភិវឌ្ឍទីក្រុងនោះទេ ។ មនុស្សគ្រប់រូបគួរតែទទួលបានលំនៅឋានសមរម្យ សាលារៀន ការថែទាំសុខភាព ការងារ ប្រព័ន្ធអនាម័យ និងសហគមន៍ដែលមានសុវត្ថិភាព។

ថ្ងៃទី៣១ ខែតុលានេះ គឺជាទិវាទីក្រុងពិភពលោកដែលជាថ្ងៃទទួលស្គាល់ពីសារៈសំខាន់នៃការបង្កើនកិច្ចសហប្រតិបត្តិការរវាងប្រទេស និងទីក្រុងនានាលើសកលលោកក្នុងការជួបប្រជុំគ្នា និងដោះស្រាយបញ្ហាប្រឈមនៃនគរូបនីយកម្ម និងរួមចំណែកដល់ការអភិវឌ្ឍទីក្រុងប្រកបដោយចីរភាព។ វាជាថ្ងៃសម្រាប់លើកកម្ពស់ការយល់ដឹងអំពីសហគមន៍ក្រីក្រក្នុងទីក្រុង និងបញ្ហាប្រឈមដែលពួកគេកំពុងជួបប្រទះ ខណៈពេលដែលទីក្រុងនៅជុំវិញបន្តរីកចម្រើនឥតឈប់ឈរ។

ថ្ងៃទី០៨ ខែតុលា ឆ្នាំ២០១៩

នៅចន្លោះពីថ្ងៃទី ៤ ដល់ថ្ងៃទី ៧ ខែតុលា មនុស្សប្រមាណជាងចំនួន ១០៩៨នាក់ មកពីសហគមន៍ចំនួន១៣ បានប្រារព្ធទិវាសិទ្ធិលំនៅឋានពិភពលោក ឆ្នាំ២០១៩ តាមរយៈព្រឹត្តិការណ៍ផ្សេងៗគ្នា។

ការរៀបចំព្រឹត្តិការណ៍មានភាពខុសគ្នាពីសហគមន៍មួយ ទៅសហគមន៍មួយ ប៉ុន្តែមានសារជារួម គឺបានបង្ហាញអំពីសិទ្ធិមានលំនៅឋានសមរម្យ និង សារៈសំខាន់នៃសហគមន៍ស្អាត ដែលមានប្រធានបទដូចជា “ បរិស្ថានស្អាត សហគមន៍ស្អាត និងទីក្រុងស្អាត នាំឱ្យមានសុខភាពល្អប្រសើរ”  “ផ្ទះស្អាត សហគមន៍ស្អាត”  និង “ ផ្ទះខ្ញុំត្រូវបានគេឈូសឆាយ ”​​ ជាដើម។ សកម្មភាពរាប់ចាប់ពី ការបោសសំអាតសំរាមនៅក្នុងសហគមន៍ ការចែកចាយសៀវភៅដល់កុមារ សុន្ទរកថាដោយសហគមន៍នីមួយៗ  ទទួលទានអាហាសាមគ្គីភាព។ ការប្រារព្ធពិធីនេះមានការចូលរួមពីសមាជិកសហគមន៍ សិស្ស គ្រូបង្រៀន អ្នកតំណាងភូមិ និង អាជ្ញាធរមូលដ្ឋាន​​ ជាដើម។

ការឆ្លើយតបរបស់អាជ្ញាធរចំពោះព្រឹត្តិការណ៍នេះមានការផ្លាស់ប្តូរ។ ឧទាហរណ៍៖ ព្រឹត្តិការណ៍នៅ​​សហគមន៍សាមគ្គីរុងរឿងមានការចូលរួមពីលោកចៅសង្កាត់ដែលថែមទាំងបានថ្លែងសុន្ទរកថា និងស្វាគមន៍ការពិភាក្សាទាក់ទងនឹងបញ្ហាដែលសហគមន៍កំពុងប្រឈមដូចជាហេដ្ឋារចនាសម្ព័ន្ធមិនល្អ​ សំរាម​​​ ការផ្លាស់ទីលំនៅជាបណ្តោះអាសន្ន និងកង្វះឯកសារផ្លូវច្បាប់មួយចំនួន។ ហើយលោកចៅសង្កាត់​​បានធានាដល់សមាជិកសហគមន៍នូវជំនួយក្នុងការទទួលបានឯកសារស្របច្បាប់ និងថែមទាំងបានធានាដល់សហគមន៍ទាក់ទងនឹងគម្រោងសាងសង់មួយដែលនឹងប៉ះពាល់ដល់ពួកគេផងដែរ។ ទោះយ៉ាងណា នៅសហគមន៍ដទៃផ្សេងទៀត អាជ្ញាធរមូលដ្ឋានមិនបានចូលរួមក្នុងពិធីអបអរសាទរនោះទេ ប៉ុន្តែគ្រាន់តែឃ្លាំមើលស្ថានភាពយ៉ាងសកម្មជាមួយ និងការកត់ត្រារាល់ចំនួនអ្នកចូលរួមដែលបានមានវត្តមាននៅទីនោះ។

ផ្ទុយពីឆ្នាំមុនៗ នៅពេលដែលធ្វើការប្រារព្ធពិធីទិវាសិទ្ទិលំនៅឋានពិភពលោក​ ត្រូវបានបង្កឡើងដោយអំពើហិង្សា ការបំភិតបំភ័យ និងការយាយីដល់សមាជិកសហគមន៍​ ចំណែកឆ្នាំនេះគឺជាការផ្លាស់ប្តូរ។  នៅតាមសហគមន៍មួយចំនួនអាជ្ញាធរមូលដ្ឋានក៏បានចូលរួមអបអរសាទរក្នុងពិធីនេះនិងមានការពិភាក្សា​អំពីបញ្ហាទាក់ទងនឹងសិទ្ធិដីធ្លីនិងលំនៅឋានផងដែរ។ អង្គការសមាគមធាងត្នោត​សាទរចំពោះការខិតខំប្រឹងប្រែងរបស់សមាជិកសហគមន៍ក្នុងការអញ្ជើញអាជ្ញាធរមូលដ្ឋានឱ្យចូលរួម​  បើទោះបីជាមានអ្វីកើតឡើងក្នុងប៉ុន្មានឆ្នាំកន្លងមកនេះ ក៏ដូចជាអាជ្ញាធរមូលដ្ឋានដែលបានចូលរួម និងព្យាយាមបង្កើតទំនាក់ទំនងកាន់តែរឹងមាំជាមួយសមាជិកសហគមន៍។ ទោះយ៉ាងណាក៏ដោយ វាជាការសំខាន់ដែលត្រូវចងចាំថា សហគមន៍កំពុងអនុវត្តសិទ្ធិរបស់ពួកគេដូច​ដែល​បានចែងនៅក្នុងច្បាប់ស្តីពីការធ្វើបាតុកម្មដោយសន្តិវិធី (ឆ្នាំ២០០៩) ហើយមិនគួរមានការភ័យខ្លាចក្នុងការរៀបចំព្រឹត្តិការណ៍ទិវាសិទ្ធិលំនៅឋានពិភពលោកឡើយ។

អង្គការសហប្រជាជាតិបានកំណត់​យកថ្ងៃច័ន្ទជាថ្ងៃដំបូង​នៃខែតុ​លាជារៀងរាល់ឆ្នាំ ជាទិវាសិទ្ធិ​លំនៅ​ឋានពិភពលោក​ ដើម្បី​​ឆ្លុះ​បញ្ចាំង​ពីសិទ្ធិមូលដ្ឋានរបស់មនុស្សគ្រប់រូបក្នុងការទទួលបាន​សិទ្ធិមាន​​លំនៅឋានសមរម្យ។​​ ច្បាប់សិទ្ធិមនុស្ស​អន្តរជាតិបានទទួលស្គាល់ថា មនុស្សគ្រប់គ្នាមានសិទ្ធិទទួលបាន​​លំនៅឋានសមរម្យ។ មនុស្សច្រើនជាងមួយពាន់លាននាក់នៅជុំវិញ​ពិ​ភពលោកនៅមិនទាន់មាន​លំនៅ​ឋានសមរម្យនៅឡើយ រួមបញ្ចូលទាំង​មនុស្សរាប់ពាន់នាក់ទៀតកំពុងរស់នៅក្នុង​ស្ថានភាពគំរាមកំហែង​ដល់បញ្ហា​សុខភាព​នៃសហគមន៍ក្រីក្រស្ថិតនៅ​រាជធានី​ភ្នំពេញ។

តាមរយៈតំណាងសហគមន៍ម្នាក់បាននិយាយថា “ការប្រារព្ធទិវាសិទ្ធិលំ​នៅ​ឋាន​​ពិភពលោក គឺជាការរួមគ្នារបស់សមាជិកសហគមន៍ដើម្បីសំអាតបរិស្ថាននៅក្នុងសហគមន៍របស់ពួកគេ។” តំណាងសហគមន៍រូបនេះបានបន្តថា ”សហគមន៍ចង់ឃើញទីក្រុងដែលរួមបញ្ចូលសហគមន៍ និងមានសុវត្ថិភាពដីធ្លីសំរាប់មនុស្សគ្រប់គ្នា។

សហគមន៍ជាច្រើនបានបា្ររព្ធទិវាសិទ្ធិ​នៅ​ឋាន ដើម្បីបង្ហាញពីសារៈសំខាន់នៃសិទ្ធិលំ​នៅ​ឋានជាសិទ្ធិមួយរបស់មនុស្ស។ ជាព្រឹត្តិការណ៍មួយរំលឹកដល់ខួបលើកទី៣៤ នៃទិវាសិទ្ធិ​លំនៅ​ឋានពិភពលោក ដែលបានប្រារព្ធជាលើកដំបូងនៅក្នុងឆ្នាំ១៩៨៥។ ទិវានេះគឺជាមធ្យោបាយសំរាប់សហគមន៍ធ្វើការសាមគ្គីគ្នាជាមួយមនុស្សជុំវិញពិភពលោកដែលកំពុងប្រឈមនឹងបញ្ហាដូចគ្នា និងការអនុវត្តសិទ្ធិរបស់ពួកគេ​ដើម្បីជាការសម្ដែងមតិដោយសន្តិវិធី។ សាមគ្គីគ្នា​​ជាមួយ​មនុស្សជុំវិញពិភពលោក​ដែ​លកំពុង​​ប្រឈម​នឹងបញ្ហាដូចគ្នា និង​ការអនុវត្តសិទ្ធិរបស់ពួកគេ ដើម្បីជាការសម្ដែងមតិដោ​យសន្តិវិធី។

យើងខ្ញុំទាំងអស់គ្នាជាប្រជាពលរដ្ឋមកពីសហគមន៍នានានៅក្នុងរាជធានីភ្នំពេញដែល​​កំពុងប្រឈមនឹងអសុវត្ថភាពដីធ្លី និងលំនៅឋានដោយសារការអភិវឌ្ឍទីក្រុងដោយកង្វះនូវតម្លាភាព​។

យោងតាមរបាយការណ៍របស់អង្គការសមាគមធាងត្នោតស្តីពី ការស្ទង់មតិក្នុងរាជធានីភ្នំពេញ ដែលសិក្សាពីទីតាំងលំនៅឋានក្រីក្រ បានរកឃើញថា យ៉ាងហោចណាស់ មានសហគមន៍ក្រីក្រប្រមាណ២៧៧ ទីតាំងក្នុងខណ្ឌទាំង១២ នៃរាជធានីភ្នំពេញ។ របាយការណ៍ដដែលរកឃើញថា ៨៣% នៃទីតាំងទាំងនេះ មិនមានឯកសារផ្លូវការជាលាយលក្ខណ៍អក្សរដើម្បីកំណត់ពីស្ថានភាពដីធ្លីរបស់ពួកគេទេ ខណៈ៧៥% នៃទីតាំង មិនទាន់មានប្លង់កម្មសិទ្ធិកាន់កាប់ស្របច្បាប់ផងដែរ។ លើសពីនេះ មានសហគមន៍ចំនួន៤១ ទីតាំងកំពុងប្រឈមនឹងការបណ្តេញចេញ ឬរងសម្ពាធក្នុងការឱ្យផ្លាស់ប្តូរលំនៅឋាន។ ស្ថានភាពនេះបានបង្ហាញថា សហគមន៍ក្រីក្រក្នុងទីក្រុងមិនទាន់មានសុវត្ថភាពដីធ្លី និងលំនៅឋាន ដោយសារមិនទាន់មានសិទ្ធិកាន់កាប់ស្របច្បាប់ ឬទទួលស្គាល់ពីអាជ្ញាធរពាក់ព័ន្ធនៅឡើយ។

គួរគាត់សម្គាល់ថា ក្នុងរយៈពេលពីរទសវត្សរ៍ចុងក្រោយនេះ ប្រជាពលរដ្ឋរស់នៅក្នុងរាជធានីភ្នំពេញច្រើនជាង ១០ភាគរយ ត្រូវបាន​ជម្លៀសចេញ​ពី​លំនៅឋាន​របស់ខ្លួន។ ប្រជាពលរដ្ឋទាំងនោះត្រូវ​បានជម្លៀសចេញ​ពីលំនៅ​ឋាន​​​របស់ខ្លួន​ក្រោម​ហេតុ​​ផលដើម្បីធ្វើការអភិវឌ្ឍកែលម្អសោភ័ណ្ឌភាពទីក្រុង ការរៀបចំ​សណ្តាប់​ធ្នាប់ សន្តិសុខ និងសុវត្ថិ​ភាពសង្គម។ ប្រជាពលរដ្ឋក្រីក្រក្នុងទីក្រុងបានក្លាយជាជនរងគ្រោះខ្លាំងជាងគេនៅពេល​ដែលមាន​ការអភិវឌ្ឍក្រោមហេតុផលទាំងនេះ។ ជាក់ស្តែង កន្លងមកក្នុងរាជធានីភ្នំពេញ ក៏ដូចជានៅតំបន់​ជន​បទ​មួយចំនួនក្នុងប្រទេសកម្ពុជា គឺពួកយើងដែល​ជាម្ចាស់ផ្ទះ ជា​ម្ចាស់ដី​មិនទទួលបានផល​អ្វីពីការ​អភិវឌ្ឍនោះទេ។ ផ្ទុយទៅវិញ យើងត្រូវបានគេបង្ខំឱ្យចាកចេញ​ពីលំនៅឋានរបស់​ខ្លួនទៅ​រស់នៅ​ក្នុង​តំបន់ឆ្ងាយពីទីក្រុង ឬនៅ​តំបន់ជាយក្រុងដែលមិនទាន់មានសេវាសាធារណៈ និងហេដ្ឋា​រចនា​សម្ព័ន្ធ​គ្រប់គ្រាន់នៅ ឡើយ។ ជារឿយៗ តំបន់ដែលពួកយើងត្រូវបានជម្លៀសទៅនោះ នៅឆ្ងាយ​ពីកន្លែង​ប្រ​កប​របរចិញ្ចឹមជីវិតប្រចាំថ្ងៃរបស់ពួកយើង ហើយវាបានក្លាយជាប្ញសគល់​ដ៏ធំមួយ​នៃភាពក្រីក្រ​តោក​យ៉ា​ក​។

ដោយមានបទពិសោធន៍​នៃការរំលោភបំពានយ៉ាងអយុត្តិធម៌បែបនេះ ពួកយើងជា​ប្រជា​ពលរដ្ឋ​នៅក្នុងទីក្រុងបានធ្វើការទាមទារឱ្យ​​មាន​ការ​​អភិវឌ្ឍ​ទី​​ក្រុង និងប្រទេស​ជាតិ​ប្រ​ក​បដោយតម្លាភាព ការចូលរួម សមភាព និងយុត្តិធម៌។ ប៉ុន្តែជាអកុសល ការខិត​ខំ​ប្រឹងប្រែង​ធ្វើការ​ទាមទារនេះ តែងតែត្រូវបានអាជ្ញាធរ និងមន្ត្រីរាជរដ្ឋាភិបាល​ដែល​ពាក់​ព័ន្ធ​មួយចំនួន​បានព្យា​យា​ម​​ទប់ស្កាត់ គំរាមកំហែង និងពេលខ្លះបានឈានទៅ​ដល់ការបង្ក​ហិង្សា​មាន​របួស​ស្នាម និងចាប់ដាក់ពន្ធនាគារផងដែរ។ កន្លងមក អ្នកតស៊ូមតិ ម្ចាស់ផ្ទះ ឬដីធ្លីមួយចំនួន​ត្រូវ​បាន​ទទួលរងការប្រើ​ប្រាស់​អំពើហិង្សាពីអាជ្ញាធរមានសមត្ថកិច្ច ការ​ចាប់​ខ្លួន ឃាត់ខ្លួន និងឃុំខ្លួនក្នុង​ពន្ធនាគារដោយ អ​យុត្តិធម៌បំផុត។ ម៉្យាងវិញទៀត កន្លង​មក រាជរដ្ឋាភិបាល ជាពិសេស សាលារាជធា​នីភ្នំ​ពេ​ញ បានរៀបចំគម្រោងអភិវឌ្ឍន៍ ដោយ​មិន​បាន​ប្រឹក្សាយោបល់ពេញលេញ​ជាមួយយើង​ខ្ញុំជាប្រជាពលរដ្ឋក្រីក្រ និងជាជនរង​ផលប៉ះ​ពាល់​​ទេ ផ្ទុយទៅវិញ ពួកយើងខ្ញុំត្រូវបានគំរាមកំហែង និងបង្ខំឱ្យចាកចេញ​ដោយ​មិនផ្តល់សំណងសមរម្យឡើយ។ ​ដោយមើលឃើញ​រូបភាពមិន​ប្រ​ក្រ​តីទាំងនេះ យើងខ្ញុំជាប្រជាពលរដ្ឋរស់នៅក្នុងទីក្រុងទទូចស្នើសុំប្រមុខរាជរដ្ឋាភិបាល និងស្ថាប័នពាក់ព័ន្ធ មេត្តា​ជ្រាប និងជួយដោះស្រាយសេចក្តីត្រូវ​ការ​ពិត​ប្រាកដ​របស់​យើងខ្ញុំ។

ក្នុងឱកាសវេទិកាសហគមន៍ក្រីក្រក្នុងទីក្រុងលើកទី៦​​ ឆ្នាំ២០១៩ នេះ យើងខ្ញុំទាំងអស់គ្នាទទូចស្នើសុំ​​​​​​​​​រាជរដ្ឋាភិបាល និងស្ថាប័នពាក់ព័ន្ធគោរព និងការពារសិទ្ធិរបស់យើងខ្ញុំជាប្រ​ជា​​​ពល​រដ្ឋ​​​ក្រីក្រ ថាជាអ្នកមានសិទ្ធិរស់នៅដោយសមរម្យ និងមានសេចក្តីថ្លៃថ្នូរ ដូចប្រជាពលរដ្ឋក្នុងទីក្រុងដ៏ទៃទៀតដែរ។ យើងខ្ញុំទាំងអស់គ្នាមិនជំទាស់​ចំ​ពោះ​​ការ​អភិវឌ្ឍទេ ប៉ុន្តែពួកយើងត្រូវតែទទួលបានផលប្រយោជន៍ពីគម្រោងអភិវឌ្ឍន៍ទាំងនោះ​។   

ដូច្នេះហើយ នាឱកាសវេទិកាសហគមន៍ក្រីក្រក្នុងទីក្រុងឆ្នាំ២០១៩នេះ យើងខ្ញុំទាំងអស់គ្នា​សូមអំពាវ​​នាវឱ្យ៖

• រាជរដ្ឋាភិបាល អាជ្ញាធរគ្រប់ជាន់ថ្នាក់ និងស្ថាប័នពាក់ព័ន្ធ​នានា​នៃរាជរដ្ឋា​ភិបាល​កម្ពុជាមេត្តាទទួលស្គាល់ និងអនុវត្តន៍ឱ្យបាននូវសិទ្ធិមាន​លំនៅឋាន​សមរម្យ​ ដើម្បីឱ្យមានការអភិវឌ្ឍ​សម្រាប់ទាំង​អស់​គ្នា។
• រាជរដ្ឋាភិបាលអនុវត្តន៍ច្បាប់ឱ្យមានប្រសិទ្ធិភាព និងបញ្ឈប់ការ​បណ្តេ​ញចេញ​ដោយ​បង្ខំ ការប្រើអំពើហិង្សា និងបញ្ឈប់ការ​ប្រើប្រាស់​ប្រ​ព័ន្ធ​តុ​លាការគាប​សង្កត់​លើប្រជា​ពល​រដ្ឋ ជាពិសេសគឺសកម្មជនដីធ្លី និងលំនៅឋាន​។
• សាលារាជធានីភ្នំពេញផ្តល់ និងគាំទ្រក្នុងការកសាងហេដ្ឋារចនាសម្ព័ន្ធ និងផ្តល់សេវាកម្មកាន់តែប្រសើរឡើងក្នុងទីតាំងលំនៅឋានក្រីក្រ ដូចជាប្រព័ន្ធលូបង្ហូរទឹក ការប្រមូលសំរាម និងការតភ្ជាប់បណ្តាញទឹកនិងអគ្គិសនីរបស់រដ្ឋ។
• អាជ្ញាធរពាក់ព័ន្ធ ជាពិសេសក្រសួងរៀបចំដែនដី នគរូបនីយកម្ម និងសំណង់ និងសាលារាជធានីភ្នំពេញ អនុវត្តន៍គោលនយោបាយផ្សេងៗពាក់ព័ន្ធនឹងលំនៅឋានឱ្យមានប្រសិទ្ធិភាព ដោយផ្តោតលើការខិតខំប្រឹងប្រឹង កែលម្អទីតាំលំនៅឋានសហគមន៍ក្រីក្រនៅនឹងកន្លែងជាជម្រើសចម្បង និងជម្រើសផែនការសុវត្ថភាពដីធ្លីផ្សេងៗទៀតដែលអាចធ្វើបាន ហើយចៀសវាងឱ្យបាននូវការបណ្តេញចេញពីលំនៅឋានទាំងបង្ខំ។

ឈ្មោះសហគមន៍ខាងក្រោម៖

1. សហគមន៍ទួលសង្កែប៊ី
2. សហគមន៍ផ្លូវរថភ្លើង
3. សហគមនរលួសជើងឯង
4. សហគមន៍ជើងឯកក្រុម ៣
5. សហគមន៍ជើងឯកក្រុម ៤
6. សហគមន៍ស្ទឹងមានជ័យ
7. សហគមន៍ព្រែកតាគង់
8. សហគមន៍បូរីកីឡា​
9. សហគមន៍ថ្មគោល
10. សហគមន៍បឹងឈូកអេ
11. សហគមន៍មិត្តភាព
12. សហគមន៍ជ្រោយចង្វារ
13. សហគមន៍សំរោងត្បួង
14. សហគមន៍បឹង​ឈូក
15. សហគមន៍វត្តប្រយូវង្ស
16. សហគមន៍បឹងត្របែក
17. សហគមន៍បឹងកក់
18. សហគមន៍ភូមិ២៣
19. សហគមន៍ទួលសង្កែអេ
20. សហគមន៍ត្រពាំងរាំងថ្មី
21. សហគមន៍សែនរីករាយ
22. សហគមន៍សំរោងមានជ័យ
23. សហគមន៍ផ្សារតូចអា
24. សហគមន៍និរោធបឹងឈូក
25. សហគមន៍ក្រោលគោ
26. សហគមន៍៩២
27. សហគមន៍បុរីមិត្តភាព
28. សហគមន៍ឬស្សីស្រស់
29. សហគមន៍ទំនប់២
30. សហគមន៍សាមគ្គីរុងរឿង
31. សហគមន៍ព្រែកតាគង់ផ្លូវ៦០ម៉ែត្រ
32. សហគមន៍ព្រែកតាគង់៣
33. សហគមន៍ស្មាសាន
34. សហគមន៍បុរីដើមស្រល់
35. សហគមន៍ស្ត្រីឃ្លាំងសាំង

លោកអ្នកអាចទាញយករបាយការណ៍នៅទីនេះ! ភាសាខ្មែរ

ថ្ងៃទី០៦ ខែមីនា ឆ្នាំ២០១៩

យើងខ្ញុំជាក្រុមសហជីព និងអង្គការសង្គមស៊ីវិលដែលបាននឹងកំពុងបំពេញការងារដើម្បីចូលរួមលើកកម្ពស់ សិទ្ធិស្រ្តីនិងសមភាពយេនឌ័រនៅក្នុងប្រទេសកម្ពុជារួមមាន សហពន្ធ័សហជីពកម្មករចំណីអាហារនិងសេវាកម្មកម្ពុជា (CFSWF) សហពន្ធ័សហជីពកម្ពុជា​(CATU) សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ(IDEA) បណ្តាញ យុវជនកម្ពុជា(CYN) សម្ពន្ធ័សហគមន៍កសិករកម្ពុជា(CCFC) សមាគមគ្រូបង្រៀនឯករាជ្យកម្ពុជា(CICA)    អង្គការ អភិវឌ្ឍន៍ធនធានយុវជន​(YRDP) អង្គការមជ្ឈមណ្ឌលសម្ពន្ធ័ភាពការងារ​និងសិទ្ធិមនុស្ស(CENTRAL)​ សមាគម ធាងត្នោត(STT) សម្ពន្ធ័ខ្មែរជំរឿននិងការពារសិទ្ធិមនុស្សលីកាដូ(LICADHO) អង្គការក្លាហាន(KLAHAAN) អង្គការ អាក់សិនអេតកម្ពុជា(AAC) និងអង្គការសមធម៌កម្ពុជា(EC) រួមគ្នាប្រារព្ធទិវានារីអន្តរជាតិខួបលើកទី១០៨ក្រោម ប្រធាន បទ “រួមគ្នា​បញ្ឈប់​អំពើ​ហិង្សាគ្រប់​រូប​ភាពមក​លើ​ស្ត្រី” ដើម្បីរំលឹកដល់គុណបំណាច់និងកិច្ចខឹតខំប្រឹងប្រែងរបស់ស្រ្តី រៀមច្បងជំនាន់មុននិងសកម្មជនស្ត្រីនៅគ្រប់វិស័យក្នុងពេលបច្ចុប្បន្នដើម្បីជម្រុញឲ្យមានសមភាពរវាងស្ត្រីនិងបុរស នៅ ក្នុងសង្គមកម្ពុជា ។

នៅក្នុងឪកាសនេះយើងខ្ញុំនឹងជួបជុំគ្នានៅខាងមុខ ពហុកីឡាដ្ឋានជាតិអូឡាំពិក រួចហើយនឹងដើរក្បួនដោយ អហិង្សាទៅកាន់ទីស្តីការគណៈរដ្ឋមន្រ្តីដើម្បីប្រគល់ ញត្តិស្តីពីតម្រូវការចាំបាច់របស់ស្ត្រី ជូនដល់តំណាងរាជរដ្ឋាភិបាល ជាពិសេស ក្រសួងកិច្ចការនារី ក្រសួងការងារ គណៈកម្មការទប់ស្កាត់ការជួញដូរមនុស្ស និង ទីស្តីការគណៈរដ្ឋមន្រ្តី ជា ព័ត៌មាននឹងផ្តល់ដំណោះស្រាយដល់ស្រ្តី​ជាករណីបន្ទាន់និងអទិភាព។ អាស្រ័យដូចបានជម្រាបជូនខាងលើយើងខ្ញុំសូម គោរពអញ្ជើញ ឯកឧត្តម និង លោកជំទាវ តំណាងក្រសួងខាងលើអញ្ចើញមកទទួលញតិ្តរបស់ក្រុមស្រ្តីនៅខាងមុខទីស្តីការគណៈរដ្ឋមន្រ្តីនៅព្រឹកថ្ងៃនោះ។ ទន្ទឹមនឹងនេះយើងខ្ញុំក៏សូមអញ្ចើញដល់បណ្តារសារព័តមាន​ជាតិ និង អន្តរជាតិ​ តំណាងស្ថានទូត អង្គការជាតិនិងអន្តរជាតិចូលរូមជាមួយយើងខ្ញុំដើម្បីអបអរសាទរទិវានារីអន្តរជាតិនៅទីនោះផងដែរ។

កម្មវិធីនេៈនិងប្រព្រឹត្តទៅ៖
ពេលវេលា៖ថ្ងៃទី៨ ខែមីនា​ ឆ្នាំ២០១៩ វេលាម៉ោង​ ៨:០០ព្រឹក ដល់ម៉ោង ១២:០០ នាទីថ្ងៃត្រង់
ទីកន្លែង៖​ស្រ្តីចំនួន៥៨០នាក់មកជួប​ជុំគ្នា​នៅខាង​មុ​ខពហុកីឡាដ្ឋានជាតិអូឡាំពិកនៅម៉ោង ៨៖៣០កន្លះព្រឹកហើយនឹងដើរក្បួនដោយអហិង្សាសកម្មទៅកាន់ទីស្តីការគណៈរដ្ឋមន្រ្តី

សម្រាប់ពត័មានបន្ថែមសូមទំនាក់ទំនង៖

– អ្នកស្រី អ៊ូ ទេពផល្លីន​ ០១១ ៩៨៤ ៨៨៣ ប្រធានសហពន្ធ័សហជីពកម្មករចំណីអាហារ និងសេវាកម្ម កម្ពុជា
– អ្នកស្រី ឆន សុខា ០៩៣ ៥៥ ៦៦ ៣៤ ប្រធានកម្មវិធីចងក្រង នៃមជ្ឈមណ្ឌលសម្ពន្ធ័ភាពការងារ និងសិទ្ធមនុស្ស
– កញ្ញា បុណ្យ​ រចនា ០៨៩ ៤៧៦ ១៤៦ សហស្ថាបនិកនិងនាយិកា នៃអង្គការក្លាហាន
– អ្នកស្រី យ៉ាង សុភ័ណ្ឌ ០១២ ៨៨០ ០៣៩ ប្រធានសហព័ន្ធសហជីពកម្ពុជា
– អ្នកស្រី វុន សម្ផស្ស ០១៦ ៤៥៨ ៧២១ ប្រធានបណ្តាញអ្នកធ្វើការងារតាមផ្ទះ
– កញ្ញា​ កែ ចាន់រ៉ា ០៧៧ ៥៥៣ ២១១ អគ្គលេខាធិការនៃសម្ពន្ធ័សហគមន៍កសិករកម្ពុជា

ពលរដ្ឋប្រមាណ២០០នាក់ ដែលមកពីសហគមន៍រងគ្រោះដីធ្លីក្នុងរាជធានីភ្នំពេញគ្រោងប្រារព្ធទិវាសិទ្ធិលំនៅឋានពិភពលោកនៅសហគមន៍ជ្រោយចង្វា ប៉ុន្តែមិនអាចប្រារព្ធ​បានក្រោយអាជ្ញាធររាជធានីភ្នំពេញមិនអនុញ្ញាត។

Read More

នៅល្ងាចថ្ងៃទី ១៥ ខែសីហា ឆ្នាំ២០១៧ ប្រជាពលរដ្ឋសហគមន៍បឹងកក់ បានរៀបចំពិធីខួបមួយឆ្នាំនៃការ​ឃុំខ្លួន​យ៉ាងអយុត្តិធម៌​លើ​អ្នកស្រី​ ទេព វន្នី​។ ក្នុងពីធីនោះក៏ មានការចូលរួមពីលោកស្រី រ៉ូណា ស្មីត អ្នករាយការណ៍​ពិសេស​របស់​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​នៅកម្ពុជា​ និងមន្ដ្រីអង្កការសង្គមស៊ិវិល ជាតិ និងអន្តរជាតិជាច្រើននាក់ផងដែរ។  ពិធីនេះរៀបចំបែបសាសនា ដោយ​មានព្រះសង្ឃសូត្រធម៌  និងមានការបង្ហោះប៉ោងប៉ោងជាមួយរូបអ្នកស្រី អ្នកស្រី ទេព វន្នី និងពាក្យស្លោកទាមទារឲ្យដោះលែងអ្នកស្រី ទេព វន្នី៕

នៅ​ព្រឹក​ថ្ងៃ​ទី​០៨​ ខែ​សីហា​ ឆ្នាំ ២០១៧ នេះ​ សាលាឧទ្ធរណ៍​សម្រេច​តម្កល់​សាលក្រម​សាលា​ដំបូង​រាជធានី​ភ្នំពេញ​ទុកជាបានការ ​ដោយបន្ត​ឃុំ​ខ្លួន​តំណាង​សហគមន៍​បឹងកក់ អ្នកស្រី ទេព វន្នី ក្នុងពន្ធនាគារ​រយៈពេល​២ឆ្នាំ​៦ខែ​។

Read More

នៅថ្ងៃទី២៦ ខែមិនា ២០១៧នេះ ប្រជាសហគមន៍ចំនួន ៩នាក់ មកពីសហគមន៍ព្រែកតាគង់មួយ និងខ្វាដែលជាសហគមន៍នៅជុំវិញបឹងទំពុន ក្នុងរាជធានីភ្នំពេញបានចូលរួមវគ្គបណ្តុះបណ្តាលស្តីពីការគូរផែនទី ការប្រមូលព័ត៌មានស្តីពីសុវត្ថិភាពដីធ្លី និងផែនការប្រើប្រាស់ដីដោយសុវត្តិភាព ដែលរៀបចំដោយអង្គការសមាគមធាងត្នោត។

ការបណ្តុះបណ្តាលមានរយៈពេល ២ថ្ងៃ គឺចាប់ពីថ្ងៃទី២៦ ដល់២៧ ខែកក្កដា ឆ្នាំ​២០១៧ ក្នុងគោលបំណង់សំខាន់ៗចំនួន៣ គឺជួយពង្រឹងចំណេះដឹងទាក់ទង់នឹងការធ្វើផែនទី ការប្រមូលទិន្ន័យស្តីពីសុវត្ថិភាពដីធ្លី និងផែនការនៃការប្រើប្រាស់ដីធ្លី ដើម្បីជួយអោយពួកគេយកចំណេះដឹងទាំងនោះទៅចូលរួមក្នុងការអភិវឌ្ឃន៍ និងការរៀបចំផែនទីសម្រាប់សហគមន៍របស់គេ។ ម្យ៉ាងវាក៏ជាឱកាសក្នុងការបង្កើនភាពស្និតស្នាលរវវាងសហគមន៍ និងអង្គការអ្នកអនុវត្តគម្រោងតាមរយៈការចែករំលែកបទពិសោធន៍គ្នាទៅវិញទៅមក។

ការបណ្តុះបណ្តាលនេះក៏ជាផ្នែកមួយនៃគម្រោងរៀបចំដីធ្លី និងសិទ្ធិមនុស្សជំហានទី២ ដែលទទួលបានមូលនិធិពីសហភាពអឺរ៉ុប និងកិច្ចសហប្រិតបត្តិការសាធារណៈរដ្ឋឆែក ហើយដែលអនុវត្តដោយ អង្គការភីពផលអ៊ីននីត អង្គការសមាគមធាងត្នោត អង្គការអភិវឌ្ឍន៍ស្រី្តក្រីក្រក្នុងទីក្រុង និងវិទ្យាស្ថានបើកទូលាយ៕

នៅព្រឹកថ្ងៃទី២៥ ខែកក្កដា ឆ្នាំ២០១៧នេះ ប្រជាពលរដ្ឋរងគ្រោះដីធ្លីតំបន់បឹងកក់ បានប្រមូលផ្ដុំគ្នានៅមុខឧត្តមស្នងការអង្គការសហប្រជាជាតិ និងស្ថានទូតនានាប្រចាំនៅព្រះរាជាណាចក្រកម្ពុជាដើម្បីដាក់ញត្តិស្នើរសុំរកកិច្ចអន្តរាគមន៍ និងតាមដានសាវនាការ របស់អ្នកស្រី ទេព វន្នី ពីសំណាក់ស្ថាប័នទាំងនោះ។

តំណាងឧត្តមស្នងការអង្គការសហប្រជាជាតិ និងស្ថានទូតនានាបានចេញមកទទួលញត្តិរបស់ពួកគេ។ ស្ថានទូតទាំងនោះមានដូចជា៖ ស្ថានទូតនៃចក្រភពអង់គ្លេស ស្ថានទូតសាធារណៈរដ្ឋបារាំង ស្ថានទូតជប៉ុន ស្ថានទូតសហរដ្ឋអាមេរិក និងស្ថានទូតអាល្លឺម៉ង់។

ប្រជាសហគមន៍បឹងកក់ទាំងអស់សង្ឃឹមថា ស្ថាប័នទាំងនោះនឹងមានការចូលរួមស្ដាប់សាវនាការ និងជួយអន្តរាគមន៍ជំរុញដល់រដ្ឋាភិបាលក្នុងការផ្ដល់ភាពយុត្តិធម៌ដល់អ្នកស្រី ទេព វន្នី។

អ្នកស្រី ទេព វាន្នី តំណាងសហគមន៍បឹងកក់ នឹងត្រូវឡើងសាវនាការនៅសាលាឧទ្ធរណ៍នៅរសៀលម៉ោង ២ នាថ្ងៃទី ២៧​ ខែកក្កដា ឆ្នាំ២០១៧ខាងមុខ។

អ្នកស្រីទេព វន្នីត្រូវបានអាជ្ញាធរចាប់ខ្លួនកាលពីថ្ងៃទី ១៥ ខែសីហា ឆ្នាំ២០១៦ ក្នុងយុទ្ធនាការណ៍ថ្ងៃច័ន្ទពណ៍ខ្មៅ។ អ្នកស្រីកំពុងជាប់ពន្ធធនាគារ ក្រោមបណ្ដឹងរបស់អាជ្ញាធរ ដែលប្ដឹងអ្នកស្រីដឹកនាំឲ្យមានអំពើហឹង្សា ក្នុងពេលតវ៉ានៅមុខផ្ទះលោកនាយករដ្ឋមន្រ្តី ហ៊ុន សែន កាលពីថ្ងៃទី១៣ ខែមីនា ឆ្នាំ២០១៣៕

នៅព្រឹកថ្ងៃទី០៨ ខែឧសភា ឆ្នាំ២០១៧នេះ ប្រជាសហគមន៍រងគ្រោះដីធ្លីតំបន់បុរីកីឡាប្រមាណ៣០នាក់ ជួបជុំគ្នាតវ៉ានៅមុខផ្ទះ ជំទាវ ស៊ុយ សុផាន ដើម្បីទាមទាររកដំណោះស្រាយដល់ពួកគេ។

Read More