សេចក្តីប្រកាស

រាជធានីភ្នំពេញ ថ្ងៃទី២៤ ខែវិច្ឆិកា ឆ្នាំ២០២៣

យើងខ្ញុំជាក្រុមអង្គការ​សង្គម​ស៊ីវិលចំនួន​២១ស្ថាប័ន​​ មានដូចជា សមាគម សហជីព និង​អង្គការមិនមែនរដ្ឋា  ភិបាលដែលកំពុងធ្វើ​ការងារដើម្បី លើកកម្ពស់សិទ្ធិការងារ សិទ្ធិស្ត្រី និងសមភាពយេនឌ័រនៅប្រទេសកម្ពុជា​សូមជម្រាបជូនដំណឹងអំពីការរៀបចំយុទ្ធនាការ ១៦ថ្ងៃ នៃភាពសកម្ម និយមប្រឆាំងអំពើហិង្សាផ្អែកលើយេនឌ័រ (ហៅកាត់ថា «យុទ្ធនាការ១៦ថ្ងៃ») ក្រោមប្រធានបទ «គ្មានអំពើហិង្សាលើស្ដ្រី និងក្មេងស្រី ដើម្បីសេដ្ឋកិច្ច និងយុត្តិធម៌សង្គម»។

​យុទ្ធ​នាការ​នេះ មានគោលបំណងដើម្បីលើកកម្ពស់ការយល់ដឹងអំពីយុទ្ធនាការ១៦ថ្ងៃ ផ្ដល់ឱកាសដល់  សកម្មជន ឬអ្នកការពារសិទ្ធិមនុស្សជាស្ដ្រី លើកឡើងនូវ​បញ្ហាប្រឈមដែលពួកគេបានជួបប្រទះខណៈដែលខ្លួនអនុវត្តសិទ្ធិស្របច្បាប់ ព្រមទាំងធ្វើការជួបជុំដើម្បីថ្លែង​សាររបស់​ពួកគេ​ និងធ្វើការ ពិនិត្យនិង​ឆ្លុះបញ្ចាំងពីការទាមទាររបស់អ្នកការពារសិទ្ធិមនុស្សជាស្ដ្រីមក​ពី​វិស័យផ្សេងៗ និងលើកឡើងអំពីបញ្ហាប្រឈមដែលបាននឹងកំពុងកើតមាន លើស្ដ្រីនិងក្មេងស្រី និងជាពិសេសជំរុញឱ្យរដ្ឋាភិបាលការពារ​សិទ្ធិមនុស្ស​​ឱ្យបានម៉ឺង​ម៉ាត់ ចំពោះអ្នកការពារសិទ្ធិមនុស្សជាស្ដ្រី និងដោះស្រាយបញ្ហា ប្រឈមរបស់ស្ដ្រី និងក្មេងស្រីឱ្យមានប្រសិទ្ធភាព។

អាស្រ័យ​ហេតុ​នេះ សូម​​ជ្រាប​ជាព័ត៌មាន​ និង​អញ្ជើញ​ចូលរួមជាមួយយើងខ្ញុំក្នុង​ការ​ប្រារព្ធ​ព្រឹត្តិការណ៍នេះ តាមសកម្មភាពនានាតាមរយៈ​ប្រព័ន្ធអនឡាញ និងដោយ​ផ្ទាល់​ ដូចខាងក្រោម៖

• នៅថ្ងៃទី២៥ ទី២៩ និងទី៣០ ខែវិច្ឆិកា ឆ្នាំ២០២៣ និងថ្ងៃទី០៨ ខែធ្នូ ឆ្នាំ២០២៣ យើងខ្ញុំនឹងរៀបចំកម្មវិធី​វិទ្យុ និង/ឬការផ្សាយបន្ត​ផ្ទាល់នៅ លើទំព័រហ្វេសប៊ុក​លើ​ប្រធាន​បទចំនួន៤ផ្សេង​ៗគ្នា។
• ចាប់ពីថ្ងៃទី២៥​ ខែវិច្ឆិកា ឆ្នាំ២០២៣ ដល់ថ្ងៃទី០២ ខែធ្នូ ឆ្នាំ២០២៣ យើងខ្ញុំនឹងរៀបចំកម្មវិធីសំណួរ ចម្លើយនៅលើប្រព័ន្ធអនឡាញដោយ ផ្ដោតសំខាន់លើប្រធានបទទាក់ទងនឹង​យុទ្ធនាការ១៦ថ្ងៃរបស់យើង។
• នៅថ្ងៃទី២៥ ខែវិច្ឆិកា​ ឆ្នាំ២០២៣ យើងខ្ញុំនឹងបង្ហោះស៊ុមរូបថតយុទ្ធនាការ​នៅលើទំព័រហេ្វសប៊ុក ដើម្បីឱ្យសាធារណជន​ ឬអ្នកប្រើប្រាស់អាច ប្រើប្រាស់នៅលើគណនីហ្វេសប៊ុករបស់ពួកគេ។
• ចាប់ពីថ្ងៃទី២៦ ខែវិច្ឆិកា ឆ្នាំ២០២៣ ដល់ថ្ងៃទី០២ ខែធ្នូ ឆ្នាំ២០២៣ យើងខ្ញុំនឹងចេញផ្សាយកម្រង ​វីដេអូខ្លីចំនួន៧ជាបន្តបន្ទាប់ ដែលមានថ្ងៃ រាប់ថយក្រោយ ដើម្បីផ្តល់​ដំណឹង​អំពីកាលបរិច្ឆេទនៃការប្រារព្ធយុទ្ធនាការ ១៦ថ្ងៃ កាន់តែរំកិលជិតមកដល់ ​​ និងមានបង្ហាញអំពីតម្រូវការរបស់ស្ដ្រី និងក្មេងស្រីផងដែរ។
• នៅថ្ងៃទី២៧ ខែវិច្ឆិកា ឆ្នាំ២០២៣ យើងខ្ញុំនឹងចេញផ្សាយសេចក្ដីថ្លែងការណ៍រួម ដែលគូស​បញ្ជាក់​អំពី​តម្រូវការ និងសំណូម​ពរ​ជាក់លាក់មួយ​ចំនួន​សម្រាប់ជូនរាជរដ្ឋាភិបាលកម្ពុជា ដើម្បីដោះស្រាយបញ្ហាប្រឈម និងបញ្ហាផ្សេងទៀតដែលស្ដ្រី និងក្មេងស្រីបានជួបប្រទះ។
• នៅថ្ងៃទី០៣ ខែធ្នូ ឆ្នាំ២០២៣ យើងខ្ញុំនឹងចេញ​ផ្សាយ​វីដេអូមួយ​ស្ដីពី «សិទ្ធិស្ដ្រីក្នុងការចូលរួមការងារសង្គម និងការតស៊ូមតិ»។
• នៅព្រឹកថ្ងៃទី០៣ ខែធ្នូ ឆ្នាំ២០២៣ យើងខ្ញុំនឹងរៀបចំកម្ម​វិធី​ជួបជុំផ្ទាល់ដែលមានអ្នកចូលរួមប្រមាណ៥០០នាក់ ក្រោមប្រធានបទ «គ្មានអំពើហិង្សាលើស្ដ្រី និងក្មេងស្រី ដើម្បី សេដ្ឋកិច្ច និងយុត្តិធម៌សង្គម»។
• ចាប់ពីថ្ងៃទី០៣ ខែធ្នូ ឆ្នាំ២០២៣ ដល់ថ្ងៃទី១០ ខែធ្នូ ឆ្នាំ២០២៣ យើងខ្ញុំនឹងបន្តចេញផ្សាយវីដេអូខ្លីជាបន្តបន្ទាប់ ដែល​មាន​លើក​ឡើង​អំពីតម្រូវការផ្សេងៗទៀតរបស់ស្ដ្រី និងក្មេងស្រី៕

ព័ត៌មានបន្ថែម សូម​ទាក់ទង​៖

១. អ្នកស្រី អ៊ូ ទេពផល្លីន       ទូរស័ព្ទ៖ ០១១ ៩៨៤ ៨៨៣

២. កញ្ញា កែវ ចាន់រ៉ា            ទូរស័ព្ទ៖ ០៩៨ ៨៥២ ២៦០

៣. លោក លឹម បូរិន            ទូរស័ព្ទ៖ ០១២ ៩០៤ ២៦៦

*បញ្ជីឈ្មោះអង្គការសង្គមស៊ីវិលសហការរៀបចំ៖

១. សហព័ន្ធសហជីពកម្មករនិយោជិតវិស័យទេសចរណ៍កម្ពុជា

២. សហជីពទ្រទ្រង់សិទ្ធិការងារបុគ្គលិកកម្មករខ្មែរ

៣. សហជីពកម្មករចំណីអាហារ និងសេវាកម្មកម្ពុជា

៤. សហព័ន្ធសហជីពកម្ពុជា

៥. សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ

៦. សហព័ន្ធសហជីពកម្មករសំណង់ និងព្រៃឈើកម្ពុជា

៧. សមាគមកម្ពុជាសេដ្ឋកិច្ចក្រៅប្រព័ន្ធ

៨. សហព័ន្ធសហជីពសេរីឯករាជ្យ

៩. សហព័ន្ធសហជីពឯករាជ្យ

១០. មជ្ឈមណ្ឌលសម្ព័ន្ធភាពការងារ​ និងសិទ្ធិមនុស្ស

១១. បណ្តាញយុវជនកម្ពុជា

១២. អង្គការសមធម៌កម្ពុជា

១៣. សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា

១៤. អង្គការសមាគមធាងត្នោត ​

១៥. មជ្ឈមណ្ឌលសិទ្ធិមនុស្សកម្ពុជា

១៦. សម្ព័ន្ធខ្មែរជំរឿន​ និងការពារសិទ្ធិមនុស្សលីកាដូ

១៧. អង្គការក្លាហាន

១៨. គណៈកម្មាធិការនៃអង្គការមិនមែនរដ្ឋាភិបាលដើម្បីអនុសញ្ញាលុបបំបាត់រាល់ទំរង់នៃការរើសអើងលើស្ដ្រីភេទ

១៩. អង្គការយេនឌ័រ និងអភិវឌ្ឍន៍ដើម្បីកម្ពុជា

២០. អង្គការអាក់សិនអេតកម្ពុជា

២១. សហព័ន្ធសហជីពសេរីកម្មករនៃព្រះរាជាណាចក្រកម្ពុជា។ 

PDF format: ទាញយកឯកសារជាភាសាខ្មែរ

អង្គការសមាគមធាងត្នោត គឺជាអង្គការឯករាជ្យ មិនស្វែងរកប្រាក់ចំណេញ បានបង្កើតឡើងតាំងពីឆ្នាំ២០០៥ និងបានចុះបញ្ជីជាផ្លូវការនៅក្រសួង មហាផ្ទៃថ្ងៃទី១៩ ខែធ្នូ ឆ្នាំ២០០៦។

អង្គការសមាគមធាងត្នោង មានគម្រោងសាងសង់ផ្លូវដីក្រាលថ្មម៉ិចមួយខ្សែ ជួនសហគមន៍គោលដៅ នៅរាជធានីភ្នំពេញ និងកំពុងស្វែងរកក្រុមហ៊ុន នានាដើម្បីចូលរួមដេញថ្លៃ ។ សម្រាប់ព័ត៌មានពាក់ព័ន្ធនឹងការដាក់ដេញថ្លៃ សូមទាញយក ទម្រង់លម្អិតអំពីលក្ខណៈបច្ចេកទេស និង​លក្ខខណ្ឌតម្រូវ នានាដើម្បី ​ផ្តល់សម្រង់តម្លៃ ។

សម្រាប់ព័ត៌មានពាក់ព័ន្ធនឹងការដាក់ដេញថ្លៃ សូមទាញយក បញ្ជីរាយនាមសម្ភារៈសម្រាប់ផ្តល់សម្រង់តម្លៃ ។

ល័ក្ខខ័ណ្ឌដែលក្រុមហ៊ុនត្រូវមាន៖

• មានបទពិសោធន៍ក្នុងការដេញគម្រោងផ្គត់ផ្គង់ ដី ថ្មម៉ិច និងសាងសង់ផ្លូវ យ៉ាងតិច ០២ឆ្នាំ ដោយភ្ជាប់ជាមួយនូវប្រវត្ដិសង្ខេបរបស់ក្រុមហ៊ុន។
• លិខិតប្រកបអាជីវកម្ម ឬ វិញ្ញាបនប័ត្រចុះបញ្ជី​ពាណិជ្ជកម្ម ឬ ប័ណ្ណប៉ាតង់ ដែលមានសុពលភាព
• វិញ្ញាបនបត្រចុះបញ្ជីពន្ធដារ (ក្នុងករណីដែលពុំបានចុះបញ្ជីពន្ធដារ ត្រូវផ្ដល់សម្រង់តម្លៃដោយមិនគិតបញ្ចូលពន្ធ)
• លិខិតបញ្ជាក់ទីតាំងក្រុមហ៊ុន ឬសហគ្រាស និង អត្តសញ្ញាណប័ណ្ណម្ចាស់ក្រុមហ៊ុន ឬសហគ្រាស
• ផ្ដល់លិខិតសម្រង់តម្លៃ (សូមទាញយក ទម្រង់លម្អិតអំពីលក្ខណៈបច្ចេកទេស និង​លក្ខខណ្ឌតម្រូវនានាដើម្បី​ផ្តល់សម្រង់តម្លៃ)។

បែបបទនៃការដាក់ពាក្យ៖ ប្រសិនបើ លោក-​លោកស្រី ដែលជាម្ចាស់ក្រុមហ៊ុន ឬសហគ្រាស​ ​មានចំណាប់អារម្មណ៍ក្នុងការដេញថ្លៃ សូមផ្ដល់នូវ លិខិតសម្រង់តម្លៃ ដោយភ្ជាប់ជាមួយនឹងឯកសារច្បាប់នានាដែល​តម្រូវដូចក្នុងល័ក្ខខ័ណ្ឌខាងលើ ដាក់ក្នុងស្រោមសំបុត្របិទជិត ផ្ញើ​មកកាន់    អង្គការសមាគមធាងត្នោត ដែលមានអាសយដ្ឋាន ផ្ទះលេខ៧ ផ្លូវលេខ៤៩៤​ សង្កាត់ផ្សារដើមថ្កូវ ​​ ខណ្ឌ​ចំការមន រាជធានីភ្នំពេញ ។

សម្រាប់ព័ត៌មានបន្ថែម​ សូមទាក់ទងមកកាន់លេខទូរស័ព្ទ៖ ០២៣​ ៤៣១ ៥៥៥

កាលបរិច្ឆេទឈប់ទទួលពាក្យ៖ ថ្ងៃទី ១៥ ខែកញ្ញា ឆ្នាំ ២០២៣ វេលាម៉ោង ០៤ រសៀល ។​

សូមទាញយក​ឯកសារពាក់ព័ន្ធ៖ សេចក្ដីប្រកាស – បញ្ជីរាយនាមសម្ភារៈ

ថ្ងៃទី​១៩ ខែកុម្ភៈ ឆ្នាំ២០២១ – យើងខ្ញុំ​ជាក្រុមសង្គមស៊ីវិល​ដូចមាន​រាយ​ឈ្មោះ​នៅ​ខាងក្រោម​ មានការ​ព្រួយ​បារម្ភយ៉ាង​ខ្លាំង​ចំពោះអនុក្រឹត្យ​ស្តីពីការបង្កើត​ច្រកទ្វារអ៊ីន​ធឺណិត​ជាតិ ដែលត្រូវបាន​ប្រកាស​ឱ្យ​ប្រើ កាលពី​ថ្ងៃចន្ទ ទី១៦ ខែកុម្ភៈ​នេះ និងស្នើសុំ​ឱ្យរាជរដ្ឋាភិបាល​និរាកណ៍​អនុក្រឹត្យនេះ​ឱ្យបានឆាប់រហ័ស ។​ នៅពេល​ដែល​ត្រូវបាន​អាជ្ញាធរដ្ឋ​អនុវត្ត​ អនុក្រឹត្យនេះ នឹង​​រឹត​ត្បិតទៅលើ​សិទិ្ធសេរីភាព​ជាមូល​ដ្ឋាន​របស់​ប្រជាពលរដ្ឋ​ ជាពិសេស​សិទិ្ធសេរីភាព​ក្នុងការ​បញ្ចេញមតិ​ សិទិ្ធ​ក្នុងការ​ទទួលបាន​ព័ត៌មាន​ សិទិ្ធ​លើឯកជនភាព​ ភាពប្រកួតប្រជែង​នៃក្រុមហ៊ុន​ ផ្តល់​សេវាអ៊ីនធឺណិត​នៅកម្ពុជា​ ដែលនេះ​អាចនឹង​ប៉ះពាល់​យ៉ាងខ្លាំង​ដល់ការ​រីក​ចម្រើន​នៃ​សេដ្ឋកិច្ច​ជាតិ ។​

មាត្រា​មួយចំនួន​នៃអនុក្រឹត្យ​ខាងលើ ​ជាពិសេស​មាត្រា៦ ​មាត្រា១២​ មាត្រា១៣​ និងមាត្រា១៤​ មានខ្លឹមសារ​ទូលំទូលាយ​ និង​មិនសូវ​ច្បាស់លាស់ ​និងមាន​លក្ខណៈ​រឹតត្បិត​យ៉ាងខ្លាំង​ដល់​សិទិ្ធសេរីភាព​ជាមូលដ្ឋាន​របស់​ពលរដ្ឋ​ដែល​ប្រើប្រាស់​អ៊ីនធឺណិត​ និង​ភាពប្រកួតប្រជែង​នៃប្រតិបត្តិករ​ទូរគមនាគមន៍​នៅកម្ពុជា ។​

ជាក់ស្តែងមាត្រា​៦ និងមាត្រា ១២ ​នៃអនុក្រឹត្យ​នេះ​បាន​ដាក់​កំហិត​តួនាទីដល់​ប្រតិបត្តិករ​នៃ​ច្រក​ទ្វារ​អ៊ីនធឺណិត​ជាតិ ឱ្យ​សហការជាមួយក្រសួង​ប្រៃសណីយ៍​និង​ទូរគមនាគមន៍ និង​និយ័តករ​ទូរគមនាគមន៍កម្ពុជា និង​ក្រសួង​ស្ថាប័ន​មាន​សមត្ថកិច្ច​ពាក់ព័ន្ធ​ដទៃទៀត ក្នុងការ​ចាត់វិធានការ​ទប់ស្កាត់ និងកាត់​ផ្តាច់ចោលរាល់ការ​តភ្ជាប់បណ្តាញ​ទាំងឡាយ​ដែល​ប៉ះពាល់ដល់​ចំណូលជាតិ សុវត្ថិភាព​ របៀបរៀបរយ​សណ្តាប់​ធ្នាប់​សង្គម សីលធម៌​ វប្បធម៌​ ប្រពៃណី ​និង​ទំនៀម​ទម្លាប់សង្គម។ អត្ថន័យ​នៃមាត្រានេះ ​មានលក្ខណៈ​ទូលាយ​ និងស្រពិចស្រពិល​ ដែលអាច​ត្រូវបាន​អាជ្ញាធររដ្ឋ​បកស្រាយ​ និងអនុវត្ត​ទៅលើ​ សកម្មជន​សិទិ្ធមនុស្ស ​ពលរដ្ឋសហគមន៍​មូលដ្ឋាន ​ឬ ពលរដ្ឋ ​ឬក្រុមមនុស្ស​ទាំងឡាយណា​ដែល​បញ្ចេញមតិ​រិះគន់​រាជរដ្ឋាភិបាល​តាមបណ្តាញ​អ៊ីនធឺណិត​ និង​បណ្តាញ​ទំនាក់ទំនង​សង្គម​ ដោយចាត់ទុកថា​សកម្មភាព​រិះគន់​ទាំងនោះ​ “ប៉ះពាល់​ដល់របៀបរៀប​រយសណ្តាប់ធ្នាប់​សង្គម​ សីលធម៌​ វប្បធម៌​ ប្រពៃណី ​និងទំនៀមទំលាប់​សង្គម” ។​

ក្រៅពីនេះ​ ខ្លឹមសារ​​ដ៏ទូលំទូលាយ​​នៅក្នុង​មាត្រា​នេះ ក៏​នឹង​​ផ្តល់អំណាចឱ្យ​​អាជ្ញាធរ​មានសមត្ថកិច្ច​ងាយស្រួល​ក្នុងការ​ចាត់វិធានការ​រឹតត្បិត​លើការ​ទទួលបាន​ព័ត៌មាន​នៅលើ​បណ្តាញអ៊ីនធឺណិត​ ឬបិទគេហទំព័រ​ ឬបណ្តាញ​សង្គមណា ​ដែលអាជ្ញាធររដ្ឋ​យល់ថា​មានគំនិតផ្ទុយ​ ឬរិះគន់​រាជរដ្ឋាភិបាល​ ទោះជាគេហទំព័រ​ ឬបណ្តាញ​សង្គម​ទាំងនោះ ​បានផ្តល់​ព័ត៌មាន​ដែល​សាធារណៈមតិ​យល់ថា​ជាព័ត៌មាន​ឯករាជ្យក៏ដោយ ។​ វិធានការ​តាមរយៈ​អនុក្រឹត្យនេះ​ អាចនឹង​រំលោភទៅលើសិទិ្ធ​ក្នុងការ​ទទួលបាន​ព័ត៌មាន​ ដែល​រាជរដ្ឋាភិបាល​ធ្លាប់បាន​បង្ហាញឆន្ទៈថា​ នឹងគោរព​តាមរយៈ​សេចក្តីព្រោងច្បាប់​ស្តីពី​ការទទួលបាន​ព័ត៌មាន​ និង​វេទិកា​ពិគ្រោះយោបល់​ជាច្រើន​លើកច្រើនសារ​ទៅលើ​សេចក្តីព្រាងច្បាប់​នោះកន្លង​មកហើយ ។​

លើសពីនេះ ​មាត្រា១៤​ បានតម្រូវ​ឱ្យ​ប្រតិបត្តិករ​នៃ​ច្រកទ្វារ​អ៊ីនធឺណិត​ជាតិ​រក្សាទុក​កំណត់ត្រា​បច្ចេកទេស ​និង​តារាង​បែងចែក​ការផ្ដល់​អាសយដ្ឋាន​អាយភី​ និង​ការកំណត់​ផ្លូ​វ​នៃត្រាហ្វ៊ិក​ឆ្លងកាត់​នៅ ​ច្រកទ្វារ​អ៊ីនធឺណិត​ជាតិ​សម្រាប់រយៈពេល​១២ខែ ។  នេះមានន័យថា ប្រតិបត្តិករ​នៃ​ច្រកទ្វារ​អ៊ីនធឺណិតជាតិ​អាចដឹង​អំពី​សកម្មភាព​របស់​មនុស្សគ្រប់គ្នា ​ដែលប្រើប្រាស់​អ៊ីនធឺណិត​នៅ​ក្នុង​ប្រទេស​កម្ពុជា  រួមទាំង​ប្រវត្តិព័ត៌មាន​ដែល​ពួកគេ​ស្វែងរក ហើយ​និង​គេហទំព័រ​ដែលមិនមាន​កូដនីយកម្ម ​(unencrypted​ search history) ​ដែល​ពួក​គេ​ចូលមើល​ រហូត​ដល់​មួយឆ្នាំពេញ ។​ ការរក្សាទុក​រយៈពេល​យូរហួសហេតុនេះ ​នឹងរំលោភ​ទៅលើ​សិទិ្ធលើ​ឯកជនភាព​របស់​ប្រជាពលរដ្ឋ​ដែលជា​អ្នកប្រើប្រាស់​អ៊ីនធឺណិត ​និងបណ្តាញ​សង្គមនៅកម្ពុជា ។​

ជាមួយគ្នានេះ​ដែរ យើង​បាន​ពិនិត្យ​ឃើញ​ថាការបង្កើត​អនុក្រឹត្យ​ស្តីពី​ច្រកទ្វារអ៊ីន​ធឺណិត​ជាតិនឹងជះឥទ្ធិពល​អាក្រក់​ដល់សេដ្ឋកិច្ច​ ជាពិសេស​លើភាព​ប្រកួតប្រជែង​តាមប្រព័ន្ធ​អេឡិច​ត្រូនិក​ដែលកំពុង​រីកចម្រើន​នៅកម្ពុជា ។​ ការឆ្លងកាត់​ច្រកទ្វារ​អ៊ីនធឺណិត​ជាតិតែមួយ​ពីគ្រប់​ប្រតិបត្តិការ​របស់​ក្រុមហ៊ុន​ផ្តល់សេវាអ៊ីនធឺណិត​ទាំងអស់ ​អាចនឹង​ធ្វើឱ្យ​ប៉ះពាល់ដល់​ការប្រកួត​ប្រជែង​ក្នុងការ​ផ្តល់សេវា​អ៊ីនធឺណិត​ល្បឿនលឿន​ពីគ្រប់ក្រុមហ៊ុន​ផ្តល់សេវាអ៊ីនធឺណិត​ ដល់​ប្រជាពលរដ្ឋ​កម្ពុជា ។

លើសពីនេះ​ទៅទៀត ​ការបង្កើត​ច្រកទ្វារ​តែមួយ​បែបនេះ​ ក៏អាច​បង្កើត​ឱ្យមាន​ការប្រកួតប្រជែង​មិនស្មោះត្រង់​រវាង​ក្រុមហ៊ុន​ផ្តល់សេវា​អ៊ីនធឺណិត​ផងដែរ ។​ ការបង្កើត​ច្រកទ្វារ​អ៊ីនធឺណិត​ជាតិនេះ ​ត្រូវបានគេ​ជឿជាក់ថា​ អាចផ្តល់​សិទិ្ធអំណាច​ដល់អាជ្ញាធររដ្ឋ​ក្នុងការ​អន្តរាគមន៍​ទៅលើ​ប្រតិបត្តិការ​នៃការផ្តល់សេវា​អ៊ីនធឺណិត​របស់​ក្រុមហ៊ុន​អ៊ីនធឺណិតឯកជន​ ដោយ​អាចបង្កភាព​ងាយស្រួល ​ឬអនុញ្ញាត​ឱ្យក្រុមហ៊ុន​ផ្តល់សេវាអ៊ីនធឺណិត​ណាមួយ​ដែលមាន​ទំនាក់ទំនងល្អ​ជាមួយ​អាជ្ញាធររដ្ឋ ​និងអ្នកមាន​អំណាច​ ផ្តល់​នូវសេវាអ៊ីនធឺណិត​ល្បឿនលឿន​ជាង​ក្រុមហ៊ុន​សេវាអ៊ីនធឺណិត​ដទៃទៀត ។​

​យើង​បារម្ភថា​អនុក្រឹត្យនេះ​នឹង​ក្លាយជា​ឧបសគ្គ​ដល់ក្រុមហ៊ុន​បច្ចេកវិទ្យា​និង​បង្កើតភាព​មិនប្រាកដ​ប្រជា​ដែលអាច​បណ្តាល​ឱ្យអ្នក​វិនិយោគ​ទុនចាកចេញ​ពីទីផ្សារ​បច្ចេកវិទ្យា​នៅកម្ពុជា ។​ បន្ថែមលើនេះ​ ប្រសិន​បើក្រុមហ៊ុន​ឯកជន​ត្រូវបាន​បង្ខំឱ្យ​ចាកចេញ​មែន នោះ​បន្ទុក​នៃការ​បង់​ថ្លៃលើសេវា​នៃការ​ប្រើ​ប្រាស់​អ៊ីនធឺណិត​នឹងកើនឡើង​ នឹង​ធ្លាក់មក​លើ​ប្រជាពលរដ្ឋដែលជាអ្នក​ប្រើ​ប្រាស់ ហើយ​គុណភាព​នៃសេវា​អ៊ីនធឺណិតនឹង​ធ្លាក់ចុះ ។​ យើង​ខ្ញុំទទូច​ឱ្យ​រាជរដ្ឋា​ភិបាល​និរាកណ៍អនុក្រឹត្យ​នេះឱ្យបានឆាប់រហ័ស ​ដើម្បី​ធានាថា ​សេរីភាពមូលដ្ឋាន​ និង​ធានា​ប្រសិទ្ធភាព​នៃការ​ប្រើ​ប្រាស់​អ៊ីនធឺណិត​ប្រកបដោយ​សុវត្ថិភាព​​សម្រាប់​ប្រជាពលរដ្ឋ​ខ្មែរ និង​បានជា​ប្រយោជន៍​ដល់​សេដ្ឋកិច្ច​ជាតិ នឹងត្រូវបាន​គោរព​ដោយ​ស្របតាម​រដ្ឋធម្មនុញ្ញ​នៃព្រះរាជាណាចក្រ​កម្ពុជា ​​៕​

ស្ថាប័ន​ដែល​បាន​ចូលរួម​មាន៖
1. សហគមន៍ដីធ្លី ១៩៧ (កោះកុង(
2. សកម្មភាពដើម្បីបរិស្ថាន និងសហគមន៍ (AEC)
3. សហគមន៍ជនជាតិដើមភាគតិចអារ៉ែង (កោះកុង)
4. សហគមន៍ដីធ្លីអណ្តូងត្របែក (ស្វាយរៀង)
5. សហគមន៍បឹងប្រាំ (បាត់ដំបង)​
6. អង្គការអភិវឌ្ឍន៍សំលេងសហគមន៍ (BCV)
7. អង្គការព្រះពុទ្ធសាសនាសម្រាប់សន្តិភាព (BPO)
8. សហព័ន្ធសហជីព កម្មករចំណីអាហារ និងសេវាកម្មកម្ពុជា (CFSWF)
9. សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា អាដហុក (ADHOC)
10. មជ្ឈមណ្ឌលសិទ្ធិមនុស្សកម្ពុជា (CCHR)
11. មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM)
12. សមាគមសម្ព័ន្ធអ្នកសារព័ត៌មានកម្ពុជា (CamboJA)
13. សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO)
14. វិទ្យាស្ថាន​ប្រជាធិបតេយ្យកម្ពុជា (CID)
15. បណ្តាញយុវជនកម្ពុជា (CYN)
16. បណ្តាញព្រះសង្ឃយុវជនកម្ពុជា (CYMN)
17. មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)
18. សហគមន៍សាមគ្គីចេកមាស (ស្វាយរៀង)
19. សហគមន៍ដីធ្លីជីខក្រោម (កោះកុង)
20. សហគមន៍ដីធ្លីជីខលើ (កោះកុង)
21. សហគមន៍ជនជាតិដើមភាគតិច ចារ៉ាយ (រតនគីរី)
22. បណ្តាញកសាងសន្តិភាពសហគមន៍ (CPN)
23. អង្គការសមធម៌កម្ពុជា (EC)
24. សហគមន៍ហោងសំណំ (កំពង់ស្ពឺ)
25. សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
26. បណ្តាញព្រះសង្ឃ ឯករាជ្យដើម្បីយុត្តិធម៌សង្គម (IMNSJ)
27. សហគមន៍ឃ្លាំងទឹក៧៨ (សៀមរាប)
28. សហគមន៍ជនជាតិភាគតិចគួយ (ព្រះ​វិហារ)
29. សហគមន៍ដីធ្លីខេត្តប៉ៃលិន
30. សហគមន៍ឡពាង (កំពង់ឆ្នាំង)
31. សហគមន៍មានជ័យ (ស្វាយរៀង)
32. សហគមន៍អូរវល្លិ៍ព្រេង (បាត់ដំបង)
33. អង្គការស្ពានសន្តិភាព (PBO)
34. សហគមន៍ដីធ្លីភូមិផ្សារកណ្តាល (បន្ទាយ​មានជ័យ)
35. សហគមន៍ដីធ្លីភូមិសិលាខ្មែរ (បន្ទាយ​មានជ័យ)
36. អង្គការពន្លកខ្មែរ​ (PKH)
37. បណ្តាញសហគមន៍ព្រៃឡង់ (PLCN)​
38. អង្គការគាំទ្របច្ចេកវិទ្យានៅជនបទក្នុងប្រទេសកម្ពុជា (RCTSO)
39. សមាគមធាងត្នោត (STT)
40. សហគមន៍ធនធានព្រៃឈើស្ទឹងខ្សាច់ស (កំពង់ឆ្នាំង)
41. សហគមន៍ដីធ្លីតានូន (កោះកុង)
42. គណៈកម្មាធិការនៃអង្គការមិនមែនរដ្ឋាភិបាលកម្ពុជា ដើម្បីអនុសញ្ញលុបបំបាត់រាល់ទំរង់នៃការរើសអើងលើស្រ្តីភេទ (NGO-CEDAW)
43. អង្គការកម្មវិធីអភិវឌ្ឍន៍ធនធានយុវជន (YRDP)
44. អង្គការ​តម្លាភាព​កម្ពុជា(TIC)
45. អង្គការអាក់សិនអេតកម្ពុជា (ActionAid Cambodia)
46. សមាគមសម្ព័ន្ធ​សហគមន៍កសិករកម្ពុជា (CCFC)
47. គណៈកម្មាធិការដើម្បីការបោះឆ្នោតដោយសេរី​ និងយុត្តិធម៍នៅកម្ពុជា (COMFREL)
48. សម្ព័ន្ធសហជីពកម្ពុជា (CATU)
49. សហព័ន្ធសហជីពកម្មករនិយោជិតវិស័យទេសចរណ៍កម្ពុជា (CTWUF)
50. សហព័ន្ធសហជីពឯករាជ្យ (INTUFE)
51. សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (LRSU)
52. សហព័ន្ធសហជីពសេរីឯករាជ្យ (FUFI)
53. សហពន្ធ័សហជីពកម្មករសំណង់ និងព្រៃឈើកម្ពុជា (BWTUC)
54. សហជីពឯករាជ្យកំលាំងសាមគ្គីកម្មករ (WSSIU)
55. សម្ព័ន្ធសហជីពប្រជាធិបតេយ្យកម្មករកាត់ដែរកម្ពុជា (C.CAWDU)
56. គណៈកម្មាធិការ​សហ​ប្រតិបត្តិការ​ដើម្បីកម្ពុជា (CCC)
57. ក្លាហាន (Klahaan)
58. វិទ្យាស្ថានតស៊ូមតិនិងគោលនយោបាយ (API)
59. មជ្ឈមណ្ឌលប្រជាពលរដ្ឋ​ដើម្បី​អភិវឌ្ឍន៍និង​សន្តិភាព (PDP Center)
60. សហព័ន្ធអ្នកសារព័ត៌អន្តរជាតិ (IFJ)
61. ក្លឹបអ្នកសារព័ត៌មានបរទេសនៃកម្ពុជា (OPCC)
62. មជ្ឈមណ្ឌលអប់រំច្បាប់សម្រាប់សហគមន៍ (CLEC)

PDF format: ទាញយកសេចក្តីថ្លែងការណ៍ជាភាសាអង់គ្លេស – ទាញយកសេចក្តីថ្លែងការណ៍ជាភាសាខ្មែរ

ថ្ងៃទី​១៦ ខែមករា ឆ្នាំ២០២០ – យើងខ្ញុំ​ ជាអង្គការ​សង្គមស៊ីវិល​មានរាយនាម​ដូចខាងក្រោម​ សូមស្នើសុំ​ឱ្យសាលា​ដំបូងរាជធានី​ភ្នំពេញ​ ធានាថា ​សវនាការ​របស់​ឯកឧត្តម​ កឹម សុខា​អតីត​ប្រធាន​គណបក្ស​ជំទាស់​ដែលត្រូវបាន​រង់ចាំអស់​រយៈពេល​ជាយូរមកហើយ​ គួរតែ​បើកទូលាយ​ដល់​សាធារណជន​ ​សារព័ត៌មាន​ ​និងការចូលរួម​ពេញលេញ​ពីសំណាក់​អង្គការ​សង្គមស៊ីវិល។​ យើងខ្ញុំ​ក៏ស្នើសុំ​ដល់តុលាការ​ឱ្យផ្ដិត​យកទិដ្ឋភាព​ និងផ្សាយបន្ត​ផ្ទាល់ពី​ដំណើរការ​សវនាការនេះ ​ដូចដែលបាន​ធ្វើឡើង​កាលពីលើកមុន​។

សវនាការ​របស់ឯកឧត្តម​ កឹម សុខា​ លើការ​ចោទប្រកាន់​ពី “បទសន្ទិដ្ឋិភាព​ជាមួយ​បរទេស”​ មិនទាន់បាន​បង្ហាញ​ជាសាធារណៈ​នូវភស្ដុតាង​គួរឱ្យជឿទុកចិត្ត​ណាមួយ​នៅឡើយទេ​ ហើយករណី​នេះអាចប្រឈម​នឹងការផ្ដន្ទាទោស​ឱ្យជាប់ពន្ធនាគារ​រហូតដល់​៣០ឆ្នាំ ​ដែលមានការ​ចាប់អារម្មណ៍យ៉ាងខ្លាំង​ពីសំណាក់​សាធារណជន​ទាំងក្នុង​ និងក្រៅប្រទេស។​

ការចោទប្រកាន់នេះ​ជាប់ពាក់ព័ន្ធ​ដោយផ្ទាល់​នឹងការ​រំលាយ​អតីត​គណបក្សជំទាស់​ធំជាងគេ​នៅកម្ពុជា​កាលពី​ខែវិច្ឆិកា​ ឆ្នាំ២០១៧​គឺ គណបក្ស​សង្គ្រោះជាតិ​ ដែលដឹកនាំ​ដោយ​ឯកឧត្តម​ កឹម សុខា ​ ទោះបីជាគណបក្ស​នេះ ត្រូវបាន​បោះឆ្នោតគាំទ្រ​ដោយ ប្រជាពលរដ្ឋ​កម្ពុជា​ជាង៤០%​ កាលពី​ការបោះឆ្នោតជ្រើសរើស​ក្រុមប្រឹក្សា​ឃុំសង្កាត់​ឆ្នាំ២០១៧​ក៏ដោយ។​ ឯកឧត្តម​ កឹម សុខា​ អាយុ៦៥ឆ្នាំ​ ត្រូវបាន​ចាប់ខ្លួន​នៅពាក់​កណ្ដាល​អាធ្រាត្រ ​កាលពីខែកញ្ញា​ ឆ្នាំ២០១៧​ ហើយត្រូវបាន​ឃុំខ្លួន​ក្នុងពន្ធនាគារ​ជាង១ឆ្នាំ ​បន្ទាប់មក​ត្រូវបាន​ដោះលែងឱ្យ​នៅក្រៅឃុំ​បណ្ដោះអាសន្ន​ដោយមាន​លក្ខខណ្ឌ​តឹងរឹង​បំផុត ​(ឃុំខ្លួន​ក្នុងគេហដ្ឋាន) ​របស់​ឯកឧត្តម​ ក្នុងខែកញ្ញា ​ឆ្នាំ២០១៨។​

មិនមាន​សារព័ត៌មាន​ ឬអង្គការ​សង្គម​ស៊ីវិល​​ ត្រូវបាន​អនុញ្ញាតឱ្យ​ចូលរួម​នៅក្នុង​សវនាការ​ ដែលត្រូវបាន​ប៉ាន់ប្រមាណថា​ នឹងត្រូវ​ចំណាយ​ពេលរហូត​ដល់៣ខែនេះទេ។​ អ្នកសារព័ត៌មាន​ឯករាជ្យ​ពីរនាក់​ ដែលបាន​រាយការណ៍​ព័ត៌មាន​ស្ដីពី​សវនាការ​នាព្រឹកនេះ​ ក្រោយមក​ត្រូវបាន​បដិសេធ​មិនឱ្យ​ចូលបន្ទប់​សវនាការ​នៅពេល​រសៀលវិញ។​ ការសម្រេចចិត្ត​បដិសេធ​ចំពោះ​អ្នកសារព័ត៌មាន​ទាំងពីរនាក់​ បង្ហាញពី​ឆន្ទះពិតប្រាកដ​របស់អាជ្ញាធរ​នៅពីក្រោយ​ដំណើរការរឹតបណ្ដឹង​ក្នុងការចុះឈ្មោះ​ចូលរួម​តាមដាន​សវនាការនេះ ​ដើម្បីរារាំង​អ្នកសារព័ត៌មាន​ និងអង្គការ​សង្គមស៊ីវិល​ ​ក៏ដូចជា​ក្រុមគ្រួសារ​របស់​ឯកឧត្តម​ ទោះបីជា​មានកៅអីទំនេរ​នៅក្នុង​បន្ទប់​សវនាការ​ក៏ដោយ។​

លោក ម៉ៃ ទិត្យថារ៉ា​ នាយកប្រតិបត្តិ​នៃសម្ព័ន្ធ​អ្នកសារព័ត៌មាន​កម្ពុជា​ ខេមបូចា បានមាន​ប្រសាសន៍ថា៖ ​“តុលាការគួរតែ​អនុញ្ញាតឱ្យ​អ្នកសារព័ត៌មាន​ចូល​ក្នុងបន្ទប់​សវនាការ​ ដើម្បីអាចឱ្យ​អ្នកទាំងនោះ​រាយការណ៍​ពិតប្រាកដ​ពីអ្វីដែល​បានកើតឡើង​ ជាជាង​រង់ចាំ​ទទួល​ព័ត៌មាន​បន្ដ​ពីអ្នកដទៃ។​”

លោកបាន​បន្ថែមថា៖ “ប្រសិនបើកៅអី​ក្នុងបន្ទប់​សវនាការ​មានចំនួនកំណត់​ តុលាការ​គួរតែផ្សាយបន្ត​ផ្ទាល់​ដំណើរការ​ជំនុំជម្រះក្ដី ​ព្រោះនេះ​ជាសម័យឌីជីថល”។ ហើយ “ដើម្បីស្ដារ​លំហរ​ប្រព័ន្ធ​ផ្សព្វផ្សាយ​ឱ្យបានល្អ​ប្រសើរ ​តុលាការ​គួរតែផ្លាស់ប្ដូរ​ផ្នត់គំនិត​របស់ពួកគាត់”។​

ការរាយការណ៍​បឋម​ពីសវនាការ​បានរកឃើញថា​ ទោះបីជា​មន្ត្រីតុលាការ​អះអាងថា ​មានចំនួន​កៅអីសម្រាប់​ត្រឹមតែ៣០នាក់​ ប៉ុន្តែជាក់ស្ដែង​បន្ទប់សវនាការ​អាចដាក់​មនុស្សបាន​ច្រើនជាង៦០នាក់​ទៅទៀត។ ​

យើងខ្ញុំ សូមស្នើសុំ​ដោយទទូច​ដល់តុលាការ​ សូមអនុញ្ញាត​ឱ្យក្រុមគ្រួសារ​ឯកឧត្តម​ កឹម សុខា ​សារព័ត៌មាន​ និងអង្គការ​សង្គមស៊ីវិល​ ​ក៏ដូចជា​ស្នើឱ្យមានការ​ផ្សាយបន្តផ្ទាល់​ពីដំណើរការ​សវនាការ​ ដើម្បី​ធ្វើឱ្យប្រាកដថា ​ការជំនុំជម្រះក្ដីនេះ​ប្រព្រឹត្តទៅ​ដោយមានការ​បើកទូលាយ ​តម្លាភាព​ និងមានការ​ចូលរួម​ដោយពេញលេញ​ពីសាធារណជន​ទូទៅ៕

សេចក្ដី​ថ្លែងការណ៍នេះ​ គាំទ្រ​ដោយ៖​
១.​ សហគមន៍កៅពីរ (ភ្នំពេញ)
២. ក្រុមការងារដើម្បីដោះស្រាយទំនាស់​ (ACT)
៣. សហគមន៍អណ្តូងថ្ម (ព្រះសីហនុ)
៤. សហគមន៍អន្លង់រុន (បាត់ដំបង)
៥. សហគមន៍បាតខ្ទះ (ព្រះសីហនុ)
៦. សហគមន៍បឹងប្រាំ (បាត់ដំបង)
៧. សហគមន៍បុរីកីឡា (ភ្នំពេញ)
៨. អង្គការព្រះពុទ្ធសាសនាសម្រាប់សន្តិភាព (BPO)
៩. សហគមន៍សេ អ៊ី ប្រាំ (ព្រះសីហនុ)
១០. អនាគតយុវជនកម្ពុជាអាស៊ាន (CamASEAN)
១១. សហព័ន្ធសហជីព កម្មករចំណីអាហារ និងសេវាកម្មកម្ពុជា (CFSWF)
១២​. បណ្តាញព្រះសង្ឃយុវជនកម្ពុជា (CYMN)
១៣. សមាគមមន្ត្រីរាជការឯករាជ្យកម្ពុជា (CICA)
១៤. សម្ព័ន្ធសហជីពកម្ពុជា (CATU)
១៥. មជ្ឈមណ្ឌលសិទ្ធិមនុស្សកម្ពុជា (CCHR)
១៦. សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា អាដហុក (ADHOC)
១៧. សមាគមគ្រូបង្រៀនកម្ពុជាឯករាជ្យ (CITA)
១៨. សមាគមកម្មករកម្ពុជាសេដ្ឋកិច្ចក្រៅប្រព័ន្ធ (CIWA)
១៩. សម្ព័ន្ធអ្នកសារព័ត៌មានកម្ពុជា ខេមបូចា (CamboJA)
២០. សហភាព​ការងារ​កម្ពុជា​ (CLC)
២១. សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO)
២២. មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM)
២៣. បណ្តាញយុវជនកម្ពុជា (CYN)
២៤. មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)
២៥. សហគមន៍ដីធ្លីចេកមាស (ស្វាយរៀង)
២៦. សហគមន៍ឆេកូ (ភ្នំពេញ)
២៧. សហគមន៍ដីធ្លីជីខក្រោម (កោះកុង)
២៨. សហគមន៍ដីធ្លីជីខលើ (កោះកុង)
២៩. សហគមន៍ជាំក្រវៀន (ត្បូងឃ្មុំ)
៣០. បណ្តាញព្រះសង្ឃ ឯករាជ្យដើម្បីយុត្តិធម៌សង្គម (IMNSJ)
៣១. សម្ព័ន្ធដើម្បីសុចរិតភាព និងគណនេយ្យភាពសង្គម (CISA)
៣២. សម្ព័ន្ធសហគមន៍កសិករកម្ពុជា (CCFC)
៣៣. គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (COMFREL)
៣៤. សហគមន៍ដកពរ (កំពង់ស្ពឺ)
៣៥. សហគមន៍តំបែរ (ត្បូងឃ្មុំ)
៣៦. អង្គការសមធម៌កម្ពុជា (EC)
៣៧. សហគមន៍អភិរក្សព្រៃឈើជីវៈចំរុះ (ស្វាយរៀង)
៣៨. យុវជនជនជាតិដើមភាគតិច ឃុំប្រមេ​ស្រុកត្បែងមានជ័យ ខេត្តព្រះវិហារ
៣៩. សមាគមឥន្ទ្រទេវី (IDA)
៤០. សមាគមយុវជនខ្មែរ (KYA)
៤១. សហគមន៍ដីធ្លីកោះស្តេច (កោះកុង)
៤២. សហគមន៍នេសាទ កោះស្រឡៅ (កោះកុង)
៤៣. សហគមន៍ឃ្លាំងទឹក៧៨ (សៀមរាប)
៤៤. សហគមន៍ហោងសំណំ (កំពង់ស្ពឺ)
៤៥. សហគមន៍ដីធ្លី (កំពត)
៤៦. អង្គការជំនួយផ្នែក ច្បាប់ដល់ស្រ្តីនិងកុមារ (កោះកុង) LSCW
៤៧. សហគមន៍ដីធ្លីឡពាង (កំពង់ឆ្នាំង)
៤៨. អង្គការការពារសិទ្ធិជន ជាតិដើមភាគតិច (MIRO)
៤៩. អង្គការម្លប់ព្រហ្មវិហារធម៌ (កោះកុង)
៥០. សហគមន៍ដីធ្លីមានជ័យ (ស្វាយរៀង)
៥១. អង្គការមរតក (កោះកុង)
៥២. ចលនាមាតាធម្មជាតិ (MN)
៥៣. សហគមន៍អូរឈើទាល (ព្រះសីហនុ)
៥៤. សហគមន៍ភ្នំបាត (ភ្នំពេញ)
៥៥. សហគមន៍ភ្នំក្រោម (សៀមរាប)
៥៦. សហគមន៍ភូមិដីឆ្នាំង (កំពង់ស្ពឺ)
៥៧. សហគមន៍ភូមិអូរស្វាយ (បន្ទាយមានជ័យ)
៥៨. សហគមន៍ដីធ្លីភូមិសិលាខ្មែរ (បន្ទាយមានជ័យ)
៥៩. អង្គការពន្លកខ្មែរ (PKH)
៦០. សហគមន៍ព្រែកតាគង់ (ភ្នំពេញ)
៦១. សហគមន៍ព្រែកតានូ (ភ្នំពេញ)
៦២. សហគមន៍ព្រៃឈើពេជ្រចង្វារល្អឆើត (កំពង់ឆ្នាំង)
៦៣. សហគមន៍ព្រៃឡង់ (កំពង់ធំ)
៦៤. សហគមន៍ដីធ្លី ព្រៃពាយ (កំពត)
៦៥. សហគមន៍ផ្លូវរថភ្លើង (ភ្នំពេញ)
៦៦. សហគមន៍រស្មីសាមគ្គី (កំពង់ស្ពឺ)
៦៧. សហគមន៍ដីធ្លីរំចេក (សៀមរាប)
៦៨. អង្គការសមាគមធាងត្នោត (STT)
៦៩. អង្គការគាំទ្របច្ចេកវិទ្យានៅជនបទក្នុងប្រទេសកម្ពុជា (RCTSO)​
៧០. សហគមន៍សាមគ្គី៤ (ភ្នំពេញ)​
៧១. សហគមន៍ដីធ្លី សង្គមថ្មី (ពោធិ៍សាត់)
៧២. សហគមន៍ SOS ព្រលានយន្ត ហោះអន្តរជាតិភ្នំពេញ (ភ្នំពេញ)
៧៣. សហគមន៍ស្រែប្រាំង (កំពង់ចាម)
៧៤. សហគមន៍ស្ទឹងបត់ (បន្ទាយមានជ័យ)
៧៥. សហគមន៍ដីធ្លីតានី (សៀមរាប)
៧៦. សហគមន៍ដីធ្លីធ្នង់ (កោះកុង)
៧៧. សហគមន៍ទួលសង្កែ (ភ្នំពេញ)
៧៨. សហគមន៍ត្រពាំងជោរ (កំពង់ស្ពឺ)
៧៩. សហគមន៍ទំនប់ពីរ (ពោធិ៍សាត់)
៨០. សហគមន៍ដីធ្លី១៩៧ (កោះកុង)
៨១. ក្រុមយុវជនជនជាតិដើមភាគតិច (រតនគិរី)
៨២. សហគមន៍ជនជាតិដើមភាគតិចជង (អារ៉ែង)

លោកអ្នកអាចទាញយករបាយការណ៍នៅទីនេះ! ភាសាខ្មែរ – អង់គ្លេស