Saturday, March 2, 2024
Latest:

របាយការណ៍ស្ដីពី ការពិត និងតួលេខ #៤៨ បឹងតាមោក៖ បច្ចុប្បន្នភាពនៃការកាត់ផ្ទៃបឹង

គិតមកដល់កក្កដា ឆ្នាំ២០២៣នេះ បឹងតាមោក ឬបឹងកប់ស្រូវដែលកំណត់ដោយអនុក្រឹត្យលេខ២០ អនក្រ.បក ចុះនៅថ្ងៃទី០៣ ខែកុម្ភៈ ឆ្នាំ២០១៦ និងមានទំហំសរុបចំនួន ៣២៣៩,៧ហិកតាត្រូវបាន កែសម្រួលពីទ្រព្យសម្បត្តិសាធារណៈរបស់រដ្ឋ មកជាទ្រព្យសម្បត្តិឯកជនរបស់រដ្ឋ និងប្រគល់ឱ្យបុគ្គល ឯកជននិងស្ថាប័ននានាជាបន្តបន្ទាប់សរុបចំនួន៧០លើកដែលមានផ្ទៃសរុបចំនួន ២ ៣៦៩,៨៩១៣​ ហិកតា។​ ចំនួនដ៏ច្រើននេះ គឺខុសពីប្លង់គោលដែលត្រូវរក្សាទុក និងបានធ្វើឱ្យផ្ទៃបឹងតាមោកស្ទើរនឹង បាត់បង់។

ច្បាប់ភូមិបាល និងច្បាប់ស្តីពី ការគ្រប់គ្រង ការប្រើប្រើប្រាស់ និងចាត់ចែងលើទ្រព្យសម្បត្តិរដ្ឋ ចែងថា ទ្រព្យសម្បត្តិសាធារណៈរបស់រដ្ឋពុំអាចជាកម្មវត្ថុនៃការលក់ដូរ ប្រទានកម្ម ឬសម្បទានបានឡើយ។ ការប្រើប្រាស់ប្រាស់អនុក្រឹត្យ ដើម្បីបំប្លែងដីសាធារណៈរបស់រដ្ឋទៅដីឯកជនរបស់រដ្ឋ និងប្រគល់ឱ្យ ឯកជននិងស្ថាប័ន នានា ហាក់ដូចជា​ស្ថិតក្នុងភាពមិនច្បាស់លាស់នៅឡើយ កង្វះតម្លាភាព និងមិន បានផ្តល់ហេតុផលឱ្យសាធារណៈជនបានដឹងឡើយ ។

ផ្អែកតាមប្លង់គោលប្រើប្រាស់ដីរាជធានីភ្នំពេញ  ឆ្នាំ២០៣៥  ផ្ទៃបឹងតាមោកដែលត្រូវរក្សាទុក​ មាន ប្រមាណតែ២ ១៤០ហិកតា ក៏ប៉ុន្តែបច្ចុប្បន្នផ្ទៃបឹងត្រូវបានកាត់លើសពីទំហំដែលត្រូវរក្សានេះហើយ។

ដើម្បីឈ្វេងយល់លម្អិតពីរបាយការណ៍សិក្សាស្រាវជ្រាវនេះ

សូមចូលទៅកាន់គេហទំព័រ៖ លោកអ្នកអាចទាញយករបាយការណ៍នៅទីនេះ! ភាសាខ្មែរអង់គ្លេស

សម្រាប់ព័ត៌មានបន្ថែម សូមទំនាក់ទំនង៖
លោក សឿង សារ៉ន នាយកប្រតិបត្តិនៃអង្គការសមាគមធាងត្នោត។
ស៊ីកណល (Signal)៖ ០៨៩ ៦៦៦ ០១៣
អ៊ីម៉ែល៖ director@teangtnaut.org
លោកស្រី ប្រាក់ សុធារី ទីប្រឹក្សាតស៊ូមតិ និងស្រាវជ្រាវនៃអង្គការសមាគមធាងត្នោត។
ស៊ីកណល (Signal)៖ ០១២ ៤៦៤ ៥០០
អ៊ីម៉ែល៖ advisor1@teangtnaut.org 

Comments