ភ្នំពេញ៖ ថ្ងៃទី២៧ ខែកុម្ភៈ ឆ្នាំ២០២៤ សូមអបអរសាទរ ដល់ក្រុម “សតិពុទ្ធិ” ជាក្រុមបដិសេធដែលបានទទួលជ័យលាភី លេខ១ នៃកម្មវិធីប្រកួត ប្រជែងការជជែកដេញដោលក្រោមប្រធានបទ ” តើបឹងត្រូវអភិវឌ្ឍឬ រក្សាទុក?” ដែល រៀបចំដោយ អង្គការសមាគមធាងត្នោត និងមានអ្នកចូលរួមចំនួន ៣៩នាក់ រួមមានយុវជនសហគមន៍ក្នុងទីក្រុង និងយុវជនតាមបណ្ដាសកលវិទ្យាល័យ នានា។ កម្មវិធីនេះ ក៏មានគោលបំណងសំខាន់ៗ ដូចជា៖
១. ផ្ដល់ឱកាសឱ្យយុវជន ដើម្បីចូលរួមដោយផ្ទាល់ជាមួយប្រធានបទទាក់ទងនឹងសិទ្ធិមនុស្ស ការអភិវឌ្ឍទីក្រុង និងបញ្ហាបរិស្ថាននៅកម្ពុជា។
២. លើកទឹកចិត្តភាគីពាក់ព័ន្ធឱ្យចូលរួមក្នុងកិច្ចសន្ទនា លើកយកនូវបញ្ហា និងស្នើដំណោះស្រាយ ដើម្បីជំរុញឱ្យដំណើរការអភិវឌ្ឍប្រកបដោយតម្លាភាព សន្ដិភាព និងយុត្តិធម៌។
