ផែនទីបឹងនៅរាជធានីភ្នំពេញ
បឹងទាំងអស់៖
  • layer is not activated បឹងទំពុន
  • layer is not activated បឹងតាមោក ឬបឹងកប់ស្រូវ
  • ...បង្ហាញទាំងអស់ ...បង្ហាញតិច
  • {{item.label_en}} {{item.label_km}}
Download ទាញយក
{{filter.sumUpTotalLakes.selected_lakes_name}}
{{filter.sumUpTotalLakes.label}} {{filter.sumUpTotalLakes.totalSize | currency : '' : 4}} {{filter.sumUpTotalLakes.totalSizeByPost | currency : '' : 4}} {{filter.sumUpTotalLakes.unit_measure}}
{{filter.sumUpTotalCutLakes.label}} ({{filter.sumUpTotalCutLakes.selected_area}}) : {{filter.sumUpTotalCutLakes.totalSize | currency : '' : 4}} {{filter.sumUpTotalCutLakes.unit_measure}}

      ផែនទីបឹង នៅរាជធានីភ្នំពេញ ត្រូវបានរៀបចំធ្វើឡើងជាលក្ខណៈអនឡាញ ដោយអង្គការសមាគមធាងត្នោត ដើម្បីឱ្យសាធារណជនងាយស្រួលស្វែងយល់ និងទាញយកទិន្នន័យទាំងអស់នេះយកទៅប្រើប្រាស់។ ចំពោះការបង្ហាញទិន្នន័យទាំងនេះ អង្គការសមាគមធាងត្នោតមិនមានចេតនាអ្វីក្រៅពីចង់បង្ហាញដល់សាធារណជន នូវទិន្នន័យសាធារណៈដែលមានប្រយោជន៍ដល់កិច្ចការអភិវឌ្ឍ និងមានការចូលរួមនោះទេ។
      យោងតាមរបាយការណ៍ស្រាវជ្រាវរបស់អង្គការសមាគមធាងត្នោត ដែលបានចេញផ្សាយកាល ខែធ្នូ ឆ្នាំ២០១៩ បានបង្ហាញថា ចាប់តាំងពីឆ្នាំ២០០៣មក ម្ចាស់គម្រោងអភិវឌ្ឍន៍ទីក្រុងរណប បានចាប់ផ្ដើមចាក់ដីខ្សាច់លុបបឹងក្នុងគោលបំណង ដើម្បីធ្វើការអភិវឌ្ឍ រួមមានការសាងសង់អាគារ ខុនដូ បុរី ផ្សារ ហេដ្ឋារចនាសម្ព័ន្ធផ្សេងៗជាដើម។ បឹងប្រមាណ ៦០ភាគរយ និងតំបន់ដីសើម ៤០ភាគរយ ត្រូវបានចាក់លុប។ ហើយវាបានផ្តល់នូវផល់ប៉ះពាល់ជាអវិជ្ជមានជាច្រើន ដល់ជីវភាពប្រជាពលរដ្ឋជាច្រើនដែលពឹងផ្អែកលើបឹង និងដីសើមទាំងនោះកំពុងទទួលរងផលប៉ះពាល់ ដោយប្រជាពលរដ្ឋជាច្រើនពាន់គ្រួសារត្រូវបានគេបណ្ដេញចេញពីលំនៅឋាន ឬប្រឈមនឹងការគំរាមកំហែង ពីការបណ្ដេញចេញនៅថ្ងៃខាងមុខ ខណៈដែលគម្រោងអភិវឌ្ឍន៍នៅបន្ដគំរាមកំហែងលំនៅឋាន និងការងាររបស់ប្រជាពលរដ្ឋទាំងនោះ។ ផលប៉ះពាល់ផ្នែកបរិស្ថានអាចបង្ហាញនូវផលអាក្រក់ធ្ងន់ធ្ងរ ដែលនឹងកើតមានឡើងដូចជា ទឹកជំនន់ ការបំពុលបរិស្ថានជាដើម។ ដូច្នេះហើយ អង្គការសមាគមធាងត្នោត ចាប់ផ្តើមធ្វើការងារទាក់ទងនឹងបឹងទាំងនេះ ដោយចាប់ផ្តើមពីការបង្ហាញព័ត៌មានបឹងចំនួនពីរ គឺបឹងទំពុនដែលជាបឹងសំខាន់ជាងគេ និងបឹងតាមោកដែលជាបឹងធំជាងគេ នៅក្នុងរាជធានីភ្នំពេញ។
      ទិន្នន័យទាំងអស់ ដែលបានដាក់បញ្ចូលក្នុងផែនទីនេះ គឺជាទិន្នន័យដែលបានផ្សព្វផ្សាយជាសាធារណៈ ដោយស្ថាប័នរបស់រដ្ឋ ហើយអង្គការសមាគមធាងត្នោតគ្រាន់តែជួយចងក្រង និងសម្របសម្រួលទិន្នន័យទាំងនេះ ជាផែនទីដែលអាចមើលឃើញ ស្របទៅតាមចំណេះ និងជំនាញរបស់អង្គការសមាគមធាងត្នោតប៉ុណ្ណោះ។

បឹងទំពុន

      តំបន់បឹងទំពុនជាបឹងធម្មជាតិមានសារៈសំខាន់​សម្រាប់មនុស្ស​ និងបរិស្ថាននៅរាជធានីភ្នំពេញ។ បឹងនេះមានទីតាំងនៅភាគខាងត្បូងនៃរាជធានីភ្នំពេញ ដែលមានទីតាំងស្ថិតក្នុងខណ្ឌមានជ័យ (សង្កាត់ចាក់អង្រែលើ និងសង្កាត់ចាក់អង្រែក្រោម) និងខណ្ឌដង្កោ (សង្កាត់ដង្កោ និងសង្កាត់ជើងឯក) នៃរាជធានីភ្នំពេញ និងក្រុងតាខ្មៅ ខេត្តកណ្ដាល។ ផ្ទៃទឹកធម្មជាតិសរុបនៃបឹងនេះមានប្រមាណ ២៦០០ហិកតា ប៉ុន្តែនៅឆ្នាំ២០០៨ រដ្ឋាភិបាលកម្ពុជា បានកំណត់យកត្រឹម ៥២០ហិកតាប៉ុណ្ណោះជាផ្ទៃបឹងរក្សាទុក និងកំណត់ជាទ្រព្យសម្បត្តិសាធារណៈរបស់រដ្ឋ។ បឹងនេះមានមុខងារប្រើប្រាស់ច្រើនយ៉ាងដូចជា អាងស្ដុកទឹក និងរំដោះទឹកភ្លៀងដ៏សំខាន់ប្រមាណ ៧០% ពីរាជធានីភ្នំពេញ ជាអាងបន្សុទ្ធទឹកកខ្វក់ក្នុងក្រុងបែបធម្មជាតិ ជាតំបន់ផ្តល់នូវបរិយាកាសត្រជាក់ដល់ទីក្រុង ជាតំបន់កសិកម្ម ជម្រកពពួកត្រី និងបក្សាបក្សីជាច្រើនប្រភេទកំពុងរស់នៅ ហើយដែលលាតសន្ធឹងលើផ្ទៃដីទំហំ ២៦០០ហិកតា។

(more…)

បឹងតាមោក ឬបឹងកប់ស្រូវ

បឹងតាមោក ឬបឹងកប់ស្រូវ គឺជាបឹងធម្មជាតិធំជាងគេនៅរាជធានីភ្នំពេញ ដែលមានទីតាំងនៅភាគខាងលិចឈៀងខាងជើងតាមបណ្តោយមហាវិថីឈ្នះ-ឈ្នះ និងមានទំហំសរុបចំនួន ៣២៣៩,៧ហិកតា លាតសន្ធឹងលើខណ្ឌចំនួន ២ សង្កាត់ចំនួន ៦ និងភូមិចំនួន ២៥។ នៅជុំវិញបឹងមានប្រជាពលរដ្ឋប្រហែល ៣០០គ្រួសារ និងចំនួនមនុស្សប្រមាណ ១០០០នាក់កំពុងរស់នៅដែលភាគច្រើនពួកគាត់ប្រកបមុខរបរដូចជា នេសាទ ចិញ្ចឹមត្រី ដាំឈូក ធ្វើស្រែចំការ និងលក់ដូរតាមផ្ទះតិចតួច។ ចំណែកសំណង់ដែលគាត់កំពុងរស់នៅជាប្រភេទសំណង់មិនសូវរឹងមាំ ក្នុងនោះមានលក្ខណៈជារោងតូចៗមានប្រមាណស្មើ៣០%។ ក្រៅពីការអាស្រ័យនៅរបស់មនុស្ស បឹងតាមោកក៏ជាទីអាស្រ័យសម្រាប់សត្វស្លាបជាច្រើនប្រភេទផងដែរ។
នៅឆ្នាំ១៩៨០ បឹងតាមោកជាប្រភេទដីវាលទំនាប ដែលប្រជាពលរដ្ឋនៅទីនោះអាចធ្វើស្រែប្រាំងបាន។ ក្រោយមកបន្ទាប់ពីមានការស្ថាបនាផ្លូវទំនប់កប់ស្រូវ មានការបង្ហូរទឹកស្អុយពីភ្នំពេញ និងមានការជីកផ្នែកខ្លះយកអាចម៍ដីបន្ថែមទៀត បានធ្វើឱ្យផ្ទៃបឹងមានសភាពកាន់តែជ្រៅ និងមានក្លិនស្អុយ។

បើទោះបីមានសភាពជាផ្ទៃទឹកដែលគេហៅថាបឹងក៏ដោយ ប៉ុន្តែគេមិនអាចស្គាល់ថាទីតាំងត្រឹមណាជាព្រំប្រទល់របស់បឹងនោះទេ ទើបក្រោយមកក្នុងឆ្នាំ២០១៦ រាជរដ្ឋាភិបាលបានចេញអនុក្រឹត្យមួយលេខ ២០ អនក្រ.បក កំណត់ផ្ទៃបឹងតាមោក ឬបឹងកប់ស្រូវ ដោយនិយាមការចំនួន ៦១ចំណុច និងទំហំសរុបចំនួន ៣២៣៩,៧ ហិកតា ជាទ្រព្យសម្បត្តិសាធារណៈរបស់រដ្ឋ។ គិតត្រឹមខែតុលា ឆ្នាំ២០២១នេះ ផ្ទៃបឹងត្រូវបានកែសម្រួលយ៉ាងហោចណាស់ ៣០ដង។

ការកែសម្រួលផ្ទៃបឹងលើកទី១៖

តាមរយៈអនុក្រឹត្យលេខ ១៣២ អនក្រ.បក ចុះថ្ងៃទី២៥ ខែតុលា ឆ្នាំ២០១៨ ផ្ទៃបឹងចំនួន ៤៥៦ ៥៥៣ម៉ែត្រក្រឡា ត្រូវធ្វើអនុបយោគជាដីឯកជនរបស់រដ្ឋ និងសម្រេចប្រគល់ឱ្យឈ្មោះ ស៊ី ជិនម៉ូវ។

ការកែសម្រួលផ្ទៃបឹងលើកទី២៖

តាមរយៈអនុក្រឹត្យលេខ ១៤៧ អនក្រ.បក ចុះថ្ងៃទី០១ ខែវិច្ឆិកា ឆ្នំា២០១៨ ផ្ទៃបឹងចំនួន​​ ២០ហិកតាត្រូវបានកាត់ទៅឱ្យសាលារាជធានីភ្នំពេញដើម្បីអភិវឌ្ឍន៍ធ្វើផ្សារបន្លែ និងចំណតរថយន្ត។

ការកែសម្រួលផ្ទៃបឹងលើកទី៣៖

តាមរយៈអនុក្រឹត្យលេខ ៦២ អនក្រ.បក ចុះថ្ងៃទី២៣ ខែមេសា ឆ្នាំ២០១៩ ផ្ទៃបឹងចំនួន ៥៣៥ ០៣១ម៉ែត្រក្រឡា ត្រូវធ្វើអនុបយោគជាដីឯកជនរបស់រដ្ឋ និងសម្រេចប្រគល់ជូនឈ្មោះ ស៊ុយ សុផាន ដីទំហំ ៤៥៧ ៨៩៣ម៉ែត្រក្រឡា និង ឈ្មោះ ម៉ែន សុខ ដីទំហំ ៧៧ ១៣៨ម៉ែត្រក្រឡា។ ក្នុងការកាត់ផ្ទៃបឹងលើកទីពីរនេះ រាជរដ្ឋាភិបាលបានចេញនូវនិយាមការកំណត់ព្រំប្រទល់បឹងនេះសារជាថ្មី ប៉ុន្តែរដ្ឋាភិបាលបានកសាងនូវកំហុសបច្ចេកទេសពីរសំខាន់ៗ
– ទី១ មិនបានកាត់ឆ្វៀលដីបឹងដែលរដ្ឋាភិបាលកាត់ឱ្យលោក ស៊ី ជិនម៉ូវ កាលពី ២០១៨
– និងទី២ ការបង្កើតនិយាមការថ្មីនាំឱ្យមានភាពលំអៀងរវាងព្រំប្រទល់ចាស់ដែលមិនមានការកែសម្រួលហើយដែលមានមួយចំណុចនោះខុសដល់ទៅជាង២០ហិកតា។
ក្រៅពីកំហុសបច្ចេកទេស មាន២ចំណុចបន្ថែមទៀត ដែលជាបញ្ហាក្នុងការកំណត់ផ្ទៃបឹងទី១៖ ការកំណត់នោះមានការចូលរួមពីភាគីពាក់ព័ន្ធឬអត់ និងទី២ ភាពមិនច្បាស់លាស់នៃប្រភេទដីដែលនៅចន្លោះព្រំប្រទល់បឹង និងផ្លូវកប់ស្រូវ ខណៈពេលដែលប្រជាជនត្រូវបានហាមឃាត់ក្នុងការរស់នៅ និងសង់សំណង់រឹងមាំថ្មី។

ការកែសម្រួលផ្ទៃបឹងលើកទី៤៖

តាមរយៈសជណ លេខ ៣៦៨ របស់ទីស្តីការគណៈរដ្ឋមន្ត្រី ចុះថ្ងៃ១៣ ខែមីនា ឆ្នាំ២០២០ ផ្ទៃបឹងចំនួន ៧៥ហិកតាត្រូវបានកាត់ និងប្រគល់ឱ្យសាលារាជធានីភ្នំពេញធ្វើសួនច្បារ និងតាមរយៈ សជណ លេខ ៣៦៩ ចុះកាលបរិច្ឆេទដូចខាងលើ ផ្ទៃបឹងចំនួន ០៨ហិកតាត្រូវបានកាត់ និងប្រគល់ឱ្យទៅនាយកដ្ឋានកណ្តាលសន្តិសុខ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ។

ការកែសម្រួលផ្ទៃបឹងលើកទី៥៖

តាមរយៈអនុក្រឹត្យលេខ ៨៩ អនក្រ.បក ចុះថ្ងៃទី១៧ ខែមិថុនា ឆ្នាំ២០២០ ផ្ទៃបឹងចំនួន ១០៤ ៧៥៤ម៉ែត្រក្រឡាបន្ថែមទៀតត្រូវបានកាត់លោកទៅលោកស្រី ជា សុផាម៉ាដែន ជាកូនស្រីរដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។

ការកែសម្រួលផ្ទៃបឹងលើកទី៦៖

តាមរយៈអនុក្រឹត្យលេខ ៩០ អនក្រ.បក ចុះថ្ងៃទី២២ ខែមិថុនា ឆ្នាំ២០២០ ផ្ទៃបឹងចំនួន ២ ៩៨៥ ៤៧២ម៉ែត្រក្រឡា ត្រូវបានកាត់និងប្រគល់ទៅឱ្យក្រសួងការពារជាតិ។

ការកែសម្រួលផ្ទៃបឹងលើកទី៧៖

តាមរយៈអនុក្រឹត្យលេខ ៩៤ អនក្រ.បក ចុះថ្ងៃទី០២ ខែកក្កដា ឆ្នាំ២០២០ ផ្ទៃបឹងចំនួន ៣០ហិកតាត្រូវបានកាត់និងប្រគល់ឱ្យលោកស្រី គីម ហ៊ា ជាភរិយាលោកឧកញ៉ា លី យ៉ុងផាត់។

ការកែសម្រួលផ្ទៃបឹងលើកទី៨៖
តាមរយៈអនុក្រឹត្យលេខ ១២៥ អនក្រ.បក ចុះថ្ងៃទី១១ ខែសីហា ឆ្នាំ២០២០ ផ្ទៃបឹងចំនួន ៧៤ ៨៥៥ម៉ែត្រក្រឡា ត្រូវបានកាត់ និងប្រគល់ទៅឱ្យប្រជាជន២៣គ្រួសារ។

ការកែសម្រួលផ្ទៃបឹងលើកទី៩៖
តាមរយៈអនុក្រឹត្យលេខ ១៣៨ អនក្រ.បក ចុះថ្ងៃទី០១ ខែកញ្ញា ឆ្នាំ២០២០ ផ្ទៃបឹងចំនួន ១៥០ ៣៣០ម៉ែត្រក្រឡា ត្រូវបានកាត់ និងប្រគល់ឱ្យក្រសួងអភិវឌ្ឍន៍ជនបទ និង៨០ ២៣៦ ម៉ែត្រក្រឡា ប្រគល់ឱ្យឈ្មោះ សេង វុទ្ធី។
*ចំណាំ៖ នៅថ្ងៃទី៤ ខែមករា ឆ្នាំ២០២១ តាមរយៈ សេចក្តីជូនដំណឹង លេខ០៤ រាជរដ្ឋាភិបាលបានធ្វើនិរាករណ៍ដី ១៥០ ៣៣០ ម៉ែត្រក្រឡា ដែលបានធ្លាប់បានប្រគល់ឱ្យក្រសួងអភិវឌ្ឍន៍ជនបទរួចហើយ។

ការកែសម្រួលផ្ទៃបឹងលើកទី១០៖
តាមរយៈអនុក្រឹត្យលេខ ១៣៩ អនក្រ.បក ចុះថ្ងៃទី០២ ខែកញ្ញា ឆ្នាំ២០២០ ផ្ទៃបឹងចំនួន ១៥០០០០ម៉ែត្រក្រឡា ត្រូវបានកាត់ និងប្រគល់ឱ្យគណៈកម្មាធិការជាតិគ្រប់គ្រងគ្រោះមហន្តរាយ គណៈកម្មាធិការសិទ្ធិមនុស្សកម្ពុជា និងអាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីន។
* ចំណាំ៖ នៅថ្ងៃទី៤ ខែមករា ឆ្នាំ២០២១ តាមរយៈ សេចក្តីជូនដំណឹងលេខ០៤ រាជរដ្ឋាភិបាលបានធ្វើនិរាករណ៍ដី ១៥០ ០០០ ម៉ែត្រក្រឡា ដែលបានធ្លាប់បានប្រគល់ឱ្យគណៈកម្មាធិការជាតិគ្រប់គ្រងគ្រោះមហន្តរាយ គណៈកម្មាធិការសិទ្ធិមនុស្សកម្ពុជា និងអាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីនរួចហើយ។ ប៉ុន្តែ ៨ ខែបន្ទាប់ គឺតាមរយៈអនុក្រឹត្យលេខ ១៣៨ ចុះថ្ងៃទី ១២ សីហា ឆ្នាំ២០២១ ទីតាំងដដែលនេះ ត្រូវបានប្រគល់ឱ្យអគ្គស្នង​ការ​ដ្ឋាន​នគរ​បាល​ជាតិជំនួសវិញ(ការកែសម្រួលផ្ទៃបឹងលើកទី២៤)។

ការកែសម្រួលផ្ទៃបឹងលើកទី១១៖
តាមរយៈអនុក្រឹត្យលេខ ១៥៨ អនក្រ.បក ចុះថ្ងៃទី២៥ ខែកញ្ញា ឆ្នាំ២០២០ ផ្ទៃបឹងចំនួន ០៨ហិកតា ត្រូវបានកាត់ និងប្រគល់ឱ្យក្រសួងយុត្តិធម៌។

ការកែសម្រួលផ្ទៃបឹងលើកទី១២៖
តាមរយៈអនុក្រឹត្យលេខ ១៧៥ អនក្រ.បក ចុះថ្ងៃទី១៩ ខែតុលា ឆ្នាំ២០២០ ផ្ទៃបឹងចំនួន ៧៨ ៣១៤ ម៉ែត្រក្រឡា ត្រូវបានកាត់ និងប្រគល់ជូនឈ្មោះ សាយ សោភា។

ការកែសម្រួលផ្ទៃបឹងលើកទី១៣៖
តាមរយៈសេចក្តីជូនដំណឹងលេខ១០៩៩ សជណ.មយ ចុះថ្ងៃទី២៣ ខែធ្នូ ឆ្នាំ២០២០ ផ្ទៃបឹងចំនួន ២០ហិកតា ត្រូវបានកាត់ និងប្រគល់ឱ្យលោក លន់ ហាក់ និងអ្នកស្រី ឈុន ចាន់ធី ដែលជាថ្នូរនឹងដីចំនួន ១ ៥៧១,១៨៩(មួយពាន់ប្រាំរយចិតសិបមួយក្បៀសមួយរយប៉ែតសិបប្រាំបួន) ម៉ែត្រក្រឡា ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
*ចំណាំ៖ នៅថ្ងៃទី១៣ ខែមករា ឆ្នាំ២០២១ តាមរយៈ អនុក្រឹត្យលេខ ០៨ រាជរដ្ឋាភិបាលបានធ្វើនិរាករណ៍ដី ២០ហិកតា ដែលបានធ្លាប់បានប្រគល់ឱ្យលោក លន់ ហាក់ និងអ្នកស្រី ឈុន ចាន់ធី រួចហើយ។

ការកែសម្រួលផ្ទៃបឹងលើកទី១៤៖
តាមរយៈសេចក្តីជូនដំណឹង ១១០០ សជណ.មយ ចុះថ្ងៃទី២៣ ខែធ្នូ ឆ្នាំ២០២០ ផ្ទៃបឹងចំនួន ២០ហិកតា ត្រូវបានកាត់ និងប្រគល់ឱ្យក្រសួងសុខាភិបាល ដើម្បីសាងសង់មន្ទីពេទ្យកាល់ម៉ែត្រ។

ការកែសម្រួលផ្ទៃបឹងលើកទី១៥៖
តាមរយៈសេចក្តីជូនដំណឹង ១១០២ សជណ.មយ ចុះថ្ងៃទី២៤ ខែធ្នូ ឆ្នាំ២០២០ ផ្ទៃបឹងចំនួន ១៩៦,៥៦៥៩ហិកតា ត្រូវបានកាត់កាត់ឆ្វៀលទៅឱ្យលោកស្រី អ៊ុយ បូវី និងលោកស្រី គង់ ចាន់ធី។

ការកែសម្រួលផ្ទៃបឹងលើកទី១៦៖
តាមរយៈសេចក្តីជូនដំណឹង ១១០៦ សជណ.មយ ចុះថ្ងៃទី២៤ ខែធ្នូ ឆ្នាំ២០២០ ផ្ទៃបឹងចំនួន ២៧ ៦៥៩ម៉ែត្រក្រឡា ត្រូវបានកាត់ និងប្រគល់ទៅឱ្យគ្រួសារកងរាជអាវុធហត្ថលើផ្ទៃប្រទេសចំនួន ១៦គ្រួសារ។

ការកែសម្រួលផ្ទៃបឹងលើកទី១៧៖
តាមរយៈសេចក្តីជូនដំណឹង ៦៣ សជណ ចុះថ្ងៃទី២៨ ខែមករា ឆ្នាំ២០២១ ផ្ទៃបឹងចំនួន ៤ ហិកតា ត្រូវបានកាត់ និងផ្ដល់សម្រាប់រៀបចំសាងសង់អគារទីស្ដីការក្រសួងមុខងារសាធារណៈ។

ការកែសម្រួលផ្ទៃបឹងលើកទី១៨៖
តាមរយៈអនុក្រឹត្យលេខ ២០ អនក្រ.បក ចុះថ្ងៃទី១៥ ខែកុម្ភៈ ឆ្នាំ២០២១ ផ្ទៃបឹងចំនួន ១០(ដប់)ហិកតា ត្រូវបានកាត់ និងប្រគល់ជូនក្រសួងសុខាភិបាលជាកម្មសិទ្ធិ។

ការកែសម្រួលផ្ទៃបឹងលើកទី១៩៖
តាមរយៈអនុក្រឹត្យលេខ ២២ អនក្រ.បក ចុះថ្ងៃទី១៥ ខែកុម្ភៈ ឆ្នាំ២០២១ ផ្ទៃបឹងចំនួន ០៣ (បី) ហិកតា ត្រូវបានកាត់ និងប្រគល់ជូនស្នងការដ្ឋាននគរបាលរាជធានីភ្នំពេញជាកម្មសិទ្ធិ។

ការកែសម្រួលផ្ទៃបឹងលើកទី២០៖
តាមរយៈអនុក្រឹត្យលេខ ៧១ អនក្រ.បក ចុះថ្ងៃទី២៧ ខែមេសា ឆ្នាំ២០២១ ផ្ទៃបឹងចំនួន ១៩៩ ៣៧៥ ម៉ែត្រការ៉េ ត្រូវបានកាត់ និងប្រគល់ជូនលោកស្រី សាម ចេញ ជាកម្មសិទ្ធិ។

ការកែសម្រួលផ្ទៃបឹងលើកទី២១៖
តាមរយៈអនុក្រឹត្យលេខ ៦៤ អនក្រ.បក ចុះថ្ងៃទី០៧ ខែមេសា ឆ្នាំ២០២១ ផ្ទៃបឹងចំនួន ៤៦៤៧៧ ម៉ែត្រការ៉េ ត្រូវបានកាត់ និងប្រគល់ជូនឈ្មោះ សាយ សោភា ជាកម្មសិទ្ធិ(លើកទី២)។

ការកែសម្រួលផ្ទៃបឹងលើកទី២២៖
តាមរយៈអនុក្រឹត្យលេខ ១២៨ អនក្រ.បក ចុះថ្ងៃទី០៥ ខែសីហា ឆ្នាំ២០២១ ផ្ទៃបឹងចំនួន ១០០ ហិកតា ត្រូវបានកាត់ និងប្រគល់ជូនក្រសួងមហាផ្ទៃ។

ការកែសម្រួលផ្ទៃបឹងលើកទី២៣៖
តាមរយៈអនុក្រឹត្យលេខ ១៣១ អនក្រ.បក ចុះថ្ងៃទី០៦ ខែសីហា ឆ្នាំ២០២១ ផ្ទៃបឹងចំនួន ១៥៨ ៥៨៧ ម៉ែត្រការ៉េ ត្រូវបានកាត់ និងប្រគល់ជូនឈ្មោះ សាយ សោភា ជាកម្មសិទ្ធិ(លើកទី៣)។

ការកែសម្រួលផ្ទៃបឹងលើកទី២៤៖
តាមរយៈអនុក្រឹត្យលេខ ១៣៨ អនក្រ.បក ចុះថ្ងៃទី១២ ខែសីហា ឆ្នាំ២០២១ ផ្ទៃបឹងចំនួន ១៥០ ៦៥១ ម៉ែត្រការ៉េ(ជាទីតាំងដីដកពីគណៈកម្មាធិការជាតិគ្រប់គ្រងគ្រោះមហន្តរាយ គណៈកម្មាធិការសិទ្ធិមនុស្សកម្ពុជា និងអាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីន​កាលពីខែមករា ឆ្នាំ២០២១) ត្រូវបានកាត់ និងប្រគល់ឱ្យអគ្គស្នង​ការ​ដ្ឋាន​នគរ​បាល​ជាតិ។

ការកែសម្រួលផ្ទៃបឹងលើកទី២៥៖
តាមរយៈអនុក្រឹត្យលេខ ១៤០ អនក្រ.បក ចុះថ្ងៃទី១៣ ខែសីហា ឆ្នាំ២០២១ ផ្ទៃបឹងចំនួន ១៨២ ៣៧២ ម៉ែត្រការ៉េ ត្រូវបានកាត់ និងប្រគល់ឱ្យអគ្គស្នង​ការ​ដ្ឋាន​នគរ​បាល​ជាតិបន្ថែម។

ការកែសម្រួលផ្ទៃបឹងលើកទី២៦៖
តាមរយៈ​អនុក្រឹត្យ​លេខ​១៤២​អនក្រ​.​បក ចុះ​ថ្ងៃទី​១៨ ខែសីហា ឆ្នាំ​២០២១ ផ្ទៃបឹងចំនួន ៧៤ ៨៥៥​ម៉ែត្រក្រឡា ត្រូវបានកាត់ និងប្រគល់ឱ្យ​ប្រជាពលរដ្ឋ​ចំនួន​២៣​គ្រួសារ តំណាង​ដោយ​លោក ភី​ន ភី និង​លោក ស៊ុំ ផល ជា​កម្មសិទ្ធិ។​

ការកែសម្រួលផ្ទៃបឹងលើកទី២៧៖
តាមរយៈ​អនុក្រឹត្យ​លេខ​១៦៩​អនក្រ​.​បក ចុះ​ថ្ងៃទី​២៦ ខែសីហា ឆ្នាំ​២០២១ ផ្ទៃបឹងចំនួន ​៣៥៩ ៧២៧,៥​ម៉ែត្រក្រឡា ត្រូវបានកាត់ និងប្រគល់ឱ្យឯកឧត្តម​នាយ​ឧ​ត្ត​ម​សេនីយ៍ សៅ សុខា​, ឯកឧត្តម​នាយ​ឧ​ត្ត​ម​សេនីយ៍ វង្ស ពិ​សេន​ ឯកឧត្តម​ឧ​ត្ត​ម​សេនីយ៍​ឯក យ៉ា គឹមអ៊ី​ លោក​ឧ​ត្ត​ម​សេនីយ៍​ទោ សៀ សម្បត្តិ និង​លោក ប៉ោ ម៉េង ជា​កម្មស​ទ្ធិ។​

ការកែសម្រួលផ្ទៃបឹងលើកទី២៩៖
តាមរយៈ​អនុក្រឹត្យ​លេខ​១៧៦​អនក្រ​.​បក ចុះ​ថ្ងៃទី​០២ ខែកញ្ញា ឆ្នាំ​២០២១  ផ្ទៃបឹងចំនួន ​៤៣ ៩៤៦​ម៉ែត្រក្រឡា ត្រូវបានកាត់ និងប្រគល់ឱ្យ​លោកស្រី លន់ ណា​រី។

ការកែសម្រួលផ្ទៃបឹងលើកទី៣០៖
តាមរយៈ អនុក្រឹត្យ​លេខ​១៧៧​អនក្រ​.​បក ចុះ​ថ្ងៃទី​០២ ខែកញ្ញា ឆ្នាំ​២០២១ ផ្ទៃបឹងចំនួន ​២៨៥ ០០០​ម៉ែត្រក្រឡា ត្រូវបានកាត់ និងប្រគល់ឱ្យលោក លន់ ហាក់ និង​អ្នកស្រី ឈុន ចាន់​ធី។

ការកែសម្រូលផ្ទៃបឹងលើកទី៣១

តាមរយះអនុក្រឹត្យលេខ១៨៨អនក្រ.បក​ ចុះថ្ងៃទី២៧ ខែកញ្ញា ឆ្នាំ២០២១ ផ្ទៃបឹងចំនួន​​ ៥៥ ហិកតា ត្រូវបានកាត់ និងប្រគល់ឱ្យរដ្ឋបាលរាជធានីភ្នំពេញ។

ការកែសម្រូលផ្ទៃបឹងលើកទី៣២

តាមរយះអនុក្រឹត្យលេខ១៨៩អនក្រ.បក​ ចុះថ្ងៃទី២៧ ខែកញ្ញា ឆ្នាំ២០២១ ផ្ទៃបឹងចំនួន​​ ១០០ ហិកតា ត្រូវបានកាត់ និងប្រគល់ឱ្យក្រសួងសុខាភិបាល។

ការកែសម្រូលផ្ទៃបឹងលើកទី៣៣

តាមរយះអនុក្រឹត្យលេខ១៩៨ អនក្រ.បក​ ចុះថ្ងៃទី១៣ ខែតុលា​ ឆ្នាំ២០២១ ផ្ទៃបឹងចំនួន ​​១៤០ ហិកតា ត្រូវបានកាត់ និងប្រគល់ឱ្យក្រសួងយុត្តិធម៍។

ការកែសម្រូលផ្ទៃបឹងលើកទី៣៤

តាមរយះអនុក្រឹត្យលេខ១៩៩ អនក្រ.បក​ ចុះថ្ងៃទី១៣ ខែតុលា​ ឆ្នាំ២០២១ ផ្ទៃបឹងចំនួន ៥៧៨ ៧០០ ម៉ែត្រក្រឡា ត្រូវបានកាត់ និងប្រគល់ឱ្យលោក សេង ឡុង។

ការកែសម្រូលផ្ទៃបឹងលើកទី៣៥

តាមរយះអនុក្រឹត្យលេខ២៣៥អនក្រ.បក​ ចុះថ្ងៃទី២៤ ខែវិច្ចិកា​ ឆ្នាំ២០២១ ផ្ទៃបឹងចំនួន ៦៣ ២២១ ម៉ែត្រក្រឡា ត្រូវបានកាត់ និងប្រគល់ឱ្យលោក ជឹម ពិសី។

ការកែសម្រូលផ្ទៃបឹងលើកទី៣៦

តាមរយះអនុក្រឹត្យលេខ២៣៦អនក្រ.បក​ ចុះថ្ងៃទី២៤ ខែវិច្ចិកា​ ឆ្នាំ២០២១ ផ្ទៃបឹងចំនួន ១៩២ ៣០៩ ម៉ែត្រក្រឡា ត្រូវបានកាត់ និងប្រគល់ឱ្យលោក ចេង ស្រ៊ុនហេង។

ការកែសម្រូលផ្ទៃបឹងលើកទី៣៧

តាមរយះអនុក្រឹត្យលេខ២១៣អនក្រ.បក​ ចុះថ្ងៃទី៤ ខែវិច្ចិកា​ ឆ្នាំ២០២១ ផ្ទៃបឹងចំនួន ៧០ហិកតា ៤១អា ៦៥សង់ទីអា​ ត្រូវបានកាត់ និងប្រគល់ឱ្យលោក សាយ សោភា(លើកទី៤)។

ការកែសម្រូលផ្ទៃបឹងលើកទី៣៨

តាមរយះអនុក្រឹត្យលេខ២១៨អនក្រ.បក​ ចុះថ្ងៃទី៨ ខែវិច្ចិកា​ ឆ្នាំ២០២១ ផ្ទៃបឹងចំនួន៥ទីតាំងមាន៖

  • ទីតាំងទី១ ទំហំ ៥៧០ ៤៦២ ម៉ែត្រក្រឡា
  • ទីតាំងទី២ ទំហំ ២៣០ ៤៥៧ ម៉ែត្រក្រឡា
  • ទីតាំងទី៣ ទំហំ ៣២១ ៦២៨​​ ម៉ែត្រក្រឡា
  • ទីតាំងទី៤ ទំហំ ៥៧ ២៥៧​ ម៉ែត្រក្រឡា
  • ទីតាំងទី៥ ទំហំ ៣៨ ២៣៥​​ ម៉ែត្រក្រឡា

សរុបទំហំ ១ ២១៨ ០៣៩ ម៉ែត្រក្រឡា ត្រូវបានកាត់ និងប្រគល់ឱ្យលោកស្រី សោម សុខដារ៉ាមនុអេរីកា លោកស្រី សោម សូមាលីកា និងលោក សោម សុខដារ៉ារីគីអូ។

ការកែសម្រូលផ្ទៃបឹងលើកទី៣៩

តាមរយះអនុក្រឹត្យលេខ២៣០អនក្រ.បក​ ចុះថ្ងៃទី១៧ ខែវិច្ចិកា​ ឆ្នាំ២០២១ ផ្ទៃបឹងចំនួន ១​ ០០០ ១៦៨ ម៉ែត្រក្រឡា​ ត្រូវបានកាត់ និងប្រគល់ឱ្យលោក ជីង​ ធានសេង។

ការកែសម្រូលផ្ទៃបឹងលើកទី៤0

តាមរយះអនុក្រឹត្យលេខ២៣១អនក្រ.បក​ ចុះថ្ងៃទី១៧ ខែវិច្ចិកា​ ឆ្នាំ២០២១ ផ្ទៃបឹងចំនួន ១ ៥៥៣ ៨៣២ ម៉ែត្រក្រឡា​ ត្រូវបានកាត់ និងប្រគល់ឱ្យលោក កុក អាន។

ការកែសម្រូលផ្ទៃបឹងលើកទី៤១

តាមរយះអនុក្រឹត្យលេខ២៣២អនក្រ.បក​ ចុះថ្ងៃទី១៧ ខែវិច្ចិកា​ ឆ្នាំ២០២១ ផ្ទៃបឹងចំនួន ៦៥៤ ៩៣៤ ម៉ែត្រក្រឡា​ ត្រូវបានកាត់ និងប្រគល់ឱ្យលោកស្រី ឈួ សុខយូ។

ការកែសម្រូលផ្ទៃបឹងលើកទី៤២

តាមរយះអនុក្រឹត្យលេខ២៣៣អនក្រ.បក​ ចុះថ្ងៃទី១៧ ខែវិច្ចិកា​ ឆ្នាំ២០២១ ផ្ទៃបឹងចំនួន ១ ៨០៧ ៥៩៧ ម៉ែត្រក្រឡា​ ត្រូវបានកាត់ និងប្រគល់ឱ្យលោកស្រី អ៊ុំ បុប្ផា។

ការកែសម្រូលផ្ទៃបឹងលើកទី៤៣

តាមរយះអនុក្រឹត្យលេខ២៤៧អនក្រ.បក​ ចុះថ្ងៃទី១៧ ខែវិច្ចិកា​ ឆ្នាំ២០២១ ផ្ទៃបឹងចំនួន ៣ ហិកតា ត្រូវបានកាត់ និងប្រគល់ឱ្យ គណៈកម្មាធិការជាតិរៀបចំការបោះឆ្នោត (គ.ជ.ប)។

បើផ្អែកតាមប្លង់គោលប្រើប្រាស់ដីរបស់សាលារាជធានីភ្នំពេញឆ្នាំ២០៣៥ ផ្ទៃបឹងដែលត្រូវរក្សាទុកមានប្រមាណតែ ២១៤០ហិកតា ក៏ប៉ុន្តែបច្ចុប្បន្នការកាត់ផ្ទះបឹងបានលើសពីទំហំដែលត្រូវរក្សានេះហើយ។