Press Release

ទីក្រុងសម្រាប់កុមារ–អបអរទិវាកុមារអន្តរជាតិនៅក្នុងតំបន់ដែលមាន ប្រជាពលរដ្ឋក្រីក្រក្នុងរាជធានីភ្នំពេញ

អង្គការសមាគមធាងត្នោតជាអង្គការក្រៅរដ្ឋាភិបាលក្នុងស្រុក រួមសហការជាមួយទីភ្នាក់ងារអភិវឌ្ឍន៍ នៃសាធារណៈ រដ្ឋឆែកដែលមានអង្គការភីពភលអ៊ីននីត (ភីន) នឹងប្រារព្ធទិវា ទីក្រុងសម្រាប់កុមារ សម្រាប់កុមារ និងមាតាបិតារបស់ ពួក គេនៅក្នុងភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

ព្រឹត្តិការណ៍នេះនឹងត្រូវប្រារព្ធនៅថ្ងៃពុធ ទី០១ ខែមិថុនា ឆ្នាំ២០១៦ ចាប់ពីម៉ោង ០៨:០០ ដល់ម៉ោង ១១:០០ ព្រឹក ខាងមុខវិហារធំឥស្លាមគីឡូលេខ០៩ ដែលស្ថិតនៅក្នុងភូមិ៣ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។

អង្គការសមាគមធាងត្នោត និងអង្គការភីពផលអ៊ីននីត (ភីន)នឹងរៀបចំព្រឹត្តិការណ៍ដែលមានរយៈ ពេលកន្លះថ្ងៃ សម្រាប់កុមារដែលមានចំនួនជាងមួយរយនាក់ រួមជាមួយនិងមាតាបិតារបស់ពួកគេដែលរស់នៅក្នុងភូមិក ដែលជា សហគមន៍ក្រីក្រមួយនៅក្នុងសង្កាត់ច្រាំងចំរេះទី២ រាជធានីភ្នំពេញ។ យោងតាមរបាយការណ៍របស់អង្គការសមាគមធាងត្នោត ចេញផ្សាយនៅក្នុងឆ្នាំ២០១៤ (ការអង្កេតអំពីរាជធានីភ្នំពេញ) កុមារ នៅក្នុងសហគមន៍ ៣៤០ទីតាំងដែលស្ថិត នៅក្នុងសហគមន៍ក្រីក្រក្នុងរាជធានីភ្នំពេញ  គឺពួកគេរស់នៅក្នុងស្ថានភាពលំបាក ដូចជាការ ទទួលបានគុណភាពទឹក មិនល្អក្នុងការប្រើប្រាស់ ឬសហគមន៍ខ្លះគ្នានទឹកស្អាតសម្រាប់ប្រើប្រាស់, ការប្រឈមអនាម័យមិនស្អាត កាកសំណល់ និងភ្លើងអគ្គិសនីមិនគ្រប់គ្រាន់ជាដើម។ យោងតាមការស្រាវជ្រាវដែលបោះពុម្ពដោយអង្គការភីន កាលពីឆ្នាំកន្លងទៅបាន ឱ្យដឹងថារាល់កុមារទីបីដែលរស់នៅក្នុងសហគមន៍ក្រីក្រក្នុងរាជធានីភ្នំពេញគឺគ្មាន អាហារហូបចុកគ្រប់គ្រាន់ មានភាព ស្លេក ស្លាំង ខ្សោយកម្លាំង និងរៀនមិនសូវពូកែ។ ព្រឹត្តិការណ៍នេះលើកទឹកចិត្តដល់កុមារទាំងអស់ដើម្បីឱ្យ ពួកគេបានគិតគូអំពី បរិស្ថានរស់នៅក្នុងទីក្រុងតាមរយៈការពិភាក្សាអំពី “ទីក្រុងដ៍ស្រស់សោភា”របស់ពួកគេដែលពួកគេនឹងបង្កើតបានតាមរយៈ ការគូរគំនូរនេះ។

លោក អ៊ី សារ៉ុម នាយកប្រតិបត្តិអង្គការសមាគមធាងត្នោតបានមានប្រសាសន៍ថា ព្រឹត្តិការណ៍នេះគឺជាឱកាសមួយសម្រាប់កុមារក្នុងការ នាំមកនូវបំណងប្រាថ្នារបស់ពួគគេសម្រាប់លំនៅដ្ឋាន របស់ពួកគេអស់មួយជីវិតតាមរយៈ សកម្មភាពសប្បាយៗ។ វាក៏មានន័យថា កុមារទាំងនេះនឹង បានដឹងតាំងពីខ្លួននៅក្នេងថា ពួកគេអាចមានសម្លេង ក្នុងការអភិវឌ្ឍទីក្រុង។

នៅក្នុងឆ្នាំ២០១៦ អង្គការភីន, អង្គការអភិវឌ្ឍន៍ស្ត្រីក្រីក្រក្នុងទីក្រុង, និងវិទ្យាស្ថានបើកទូលាយបានចាប់ផ្តើមជំហានទី២នៃកិច្ចសហប្រតិបត្តិការ “ទីក្រុងសម្រាប់យើងទាំងអស់គ្នា របស់គម្រោងរៀបចំដីធ្លី និងសិទ្ធិមនុស្ស ដែល ផ្តល់ មូលនិធិដោយគណៈប្រតិភូសហគមន៍អឺរ៉ុបនៅក្នុងប្រទេសកម្ពុជា និងទីភ្នាក់ងារអភិវឌ្ឍន៍នៃសាធារណៈរដ្ឋឆែក។ គម្រោង ដែលមានរយៈពេលបីឆ្នាំនេះផ្សព្វផ្សាយអំពីវិធីសាស្ត្រទាក់ទងនឹងសិទ្ធិក្នុងការចូលរួមអភិវឌ្ឍន៍ទីក្រុង។ បច្ចុប្បន្ន គម្រោង នេះកំពុងអនុវត្តនៅក្នុងភូមិក ក្នុងសង្កាត់ច្រាំងចំរេះទី២ ដែលជាសហគមន៍កំពុងប្រឈមមុខនឹងការបណ្តេញចេញ។ នៅឆ្នាំខាងមុខនេះ គម្រោងនេះនឹងត្រូវធ្វើនៅក្នុងតំបន់បឹងទំពុនផងដែរ។ គម្រោងនេះធ្វើការជាមួយសហគមន៍ និង អាជ្ញាធរមូលដ្ឋានដើម្បីផ្តល់ដល់ឱ្យប្រជាពលរដ្ឋនូវការវាយតម្លៃទាក់ទងនឹង ការកាន់កាប់ដីធ្លីស្របច្បាប់ និងរៀបចំ ផែនការទីក្រុងថ្មីៗដើម្បីកែលម្អសហគមន៍នៅនឹងកន្លែងក្នុងគោលបំណងធ្វើឱ្យការប្រើប្រាស់ដីធ្លីកាន់តែមាន ប្រសិទ្ធភាព ជៀសវាងការតាំងលំនៅថ្មីដោយមិនមានការព្រមព្រៀងគ្នា។

លោក អ៊ី សារ៉ុម នាយកប្រតិបត្តិអង្គការសមាគមធាងត្នោតបានមានប្រសាសន៍បន្ថែមថាទិវាកុមារអន្តរជាតិគឺជាឱកាសមួយដើម្បីឆ្លុះបញ្ចាំងអំពីសិទ្ធិ និងសុខុមាលាភាពរបស់កុមារ ជាពិសេសអ្នកដែលកំពុងរស់នៅក្នុងសហគមន៍ក្រីក្រក្នុង រាជធានីភ្នំពេញ។ ស្ថានភាពរស់នៅក្នុងលក្ខណៈលំបាក និងការប្រឈមក្នុងការបណ្តេញចេញបានធ្វើឱ្យមានការគម្រាម កំហែងដល់សិទ្ធិទាំងអស់នោះ។ គម្រោងរៀបចំដីធ្លី និងសិទ្ធិមនុស្សគឺជាជំហានដ៏មានសារៈសំខាន់មួយដើម្បីឈានទៅ ទទួលបានសិទ្ធិសម្រាប់ប្រជាពលរដ្ឋនៅក្នុងរាជធានីភ្នំពេញដោយផ្តោតលើការអភិវឌ្ឍនៅក្នុងទីក្រុង។

បន្ថែមទៅនឹងការងារទូទៅដែលបានអនុវត្ត នៅក្នុងសហគមន៍ក្រីក្រក្នុងទីក្រុង គម្រោង“ទីក្រុងសម្រាប់យើង ទាំងអស់គ្នាដែលជាគម្រោងរៀបចំដីធ្លី និងសិទ្ធិមនុស្ស ក៏រៀបចំឱ្យមានការចូលរួមពីនិស្សិតនៅក្នុងរាជធានី ភ្នំពេញ តាម រយៈ វគ្គបណ្តុះបណ្តាលស្តីពី “គម្រោងរៀបចំផែនការទីក្រុង”។ វគ្គបណ្តុះបណ្តាលនេះរួមបញ្ចូលនូវសិក្ខាសាលា និងបទបង្ហាញ នានា អំពីការធ្វើផែនការដីធ្លី បញ្ហាប្រឈមនឹងហានិភ័យ, គម្រោងរៀបចំដីធ្លី និងសិទ្ធិមនុស្ស, យែនឌ័រ និងការធ្វើផែនការ លម្អទីក្រុង។ល។ ដើម្បីជួយដល់អ្នកដែលរៀបចំផែនការទីក្រុងនាពេលអនាគត ពិចារណាអំពីសារៈសំខាន់,អំពីវិធីសាស្ត្រ ដែលផ្តោតលើសិទ្ធិក្នុងការអភិវឌ្ឍទីក្រុងក្នុងរាជធានីភ្នំពេញ។ អង្គការភីន និងអង្គការអភិវឌ្ឍន៍ស្ត្រីក្រីក្រ ក្នុងទីក្រុង នឹងរៀប ចំវាយតម្លៃផងដែរដើម្បីកំណត់អត្តសញ្ញាណ តំបន់ដែលងាយរងគ្រោះបំផុត និងពង្រឹងសមត្ថភាពសមាជិកនៅក្នុង សហគមន៍ក្នុងការទប់ទល់និង គ្រោះមហន្តរាយទាំងនោះ និងដាក់រចេញវិធានការកាត់បន្ថយសមស្របនានា ។

សម្រាប់ព័ត៌មានបន្ថែមសូមមេត្តាទាក់ទង៖

លោក សៅ កុសល  ប្រធានកម្មវិធីបច្ចេកទេស របស់អង្គការសមាគមធាងត្នោត  ០១៧ ៥៥៥ ៨៨៧ (ផ្នែកភាសាខ្មែរ និងអង់គ្លេស)

លោក SASIN Piotr, នាយកប្រចាំប្រទេស របស់អង្គការភីពភលអ៊ីននីត (ភីន) ០១១ ៦៧៦ ៣៣១ (ផ្នែកភាសាអង់គ្លេស)

20160530_International Children's Day_Advisory-Khmer_Page_1 20160530_International Children's Day_Advisory-Khmer_Page_2

ទាញយកឯកសារ នៅត្រង់នេះ

សង្គមស៊ីវិលថ្កោលទោស​ការចោទ​ប្រកាន់​នានា​លើ​អ្នក​ការពារ​សិទិ្ធ​មនុស្ស

ថ្ងៃទី២ ខែឧសភា ឆ្នាំ២០១៦ – យើងខ្ញុំ ជាក្រុមអង្គការសង្គមស៊ីវិលដែលមានរាយនាមដូចខាងក្រោម មានការសោកស្តាយយ៉ាងខ្លាំងចំពោះការចោទប្រកាន់ និងឃាត់ខ្លួនអ្នកការពារសិទិ្ធមនុស្សមកពីក្រុមការពារសិទិ្ធមនុស្ស និងគណៈកម្មាធិការជាតិរៀបចំការបោះឆ្នោត ហើយនិងបុគ្កលិកការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា ចំនួន ប្រាំមួយនាក់ ដោយហេតុផលមិនសមរម្យ។ ការដាក់គោលដៅលើបុគ្គលទាំងប្រាំមួយនាក់ (ក្នុងនោះ ប្រាំនាក់ត្រូវបានបញ្ជូនទៅឃុំខ្លួនបណ្តោះអាសន្នរង់ចាំសវនាការនាថ្ងៃនេះ) គឺជាភាពតានតឹងចុងក្រោយពាក់ព័ន្ធនឹងការគាបសង្កត់របស់អាជ្ញាធររដ្ឋទៅលើសង្គមស៊ីវិល ហើយជាការតបតរបស់អាជ្ញាធររដ្ឋទៅលើការគាំទ្រនៅក្នុងសំណុំរឿងរសើបរបស់អ្នកធ្វើការងារក្នុងវិស័យសិទិ្ធមនុស្ស ។

ទាញយកឯកសារជា ភាសាអង់គ្លេស និង ភាសាខ្មែរ

404k404Civil_society_condemns_charges_against_HRDs_0205_Khmer_Page_1 404k404Civil_society_condemns_charges_against_HRDs_0205_Khmer_Page_2 404k404Civil_society_condemns_charges_against_HRDs_0205_Khmer_Page_3 404k404Civil_society_condemns_charges_against_HRDs_0205_Khmer_Page_4

សង្គមស៊ីវិលអំពាវនាវឱ្យ​អាជ្ញាធរ​បញ្ឈប់ជា​បន្ទាន់​នូវការ​យាយី​ដល់​អ្នក​ការពារ​សិទ្ធិមនុស្ស

ថ្ងៃទី២៩ ខែមេសា ឆ្នាំ២០១៦ – យើងខ្ញុំ ជាអង្គការសង្គមស៊ីវិលដែលមានរាយនាមខាងក្រោម សូមថ្កោលទោសចំពោះការកោះហៅ និងសាកសួរទៅលើមន្ត្រីអង្គការសង្គមស៊ីវិលដែលបានធ្វើសកម្មភាពសមស្រប និងត្រឹមត្រូវតាមច្បាប់ក្នុងការការពារសិទ្ធិមនុស្ស។ នេះជាការអនុវត្តដោយបំពានរបស់អង្គភាពប្រឆាំងអំពើពុករលួយ (“អ.ប.ព”) ដែលត្រូវបានប្រើប្រាស់ដើម្បីគំរាមកំហែងទៅលើសង្គមស៊ីវិល។

ទាញយកឯកសារជា ភាសាអង់គ្លេស និង ភាសាខ្មែរ

402k402Joint Press Release - CSOs call upon the authorities to immediately cease harrassment of human rights defenders_(KHM)_Page_1 402k402Joint Press Release - CSOs call upon the authorities to immediately cease harrassment of human rights defenders_(KHM)_Page_2 402k402Joint Press Release - CSOs call upon the authorities to immediately cease harrassment of human rights defenders_(KHM)_Page_3 402k402Joint Press Release - CSOs call upon the authorities to immediately cease harrassment of human rights defenders_(KHM)_Page_4 402k402Joint Press Release - CSOs call upon the authorities to immediately cease harrassment of human rights defenders_(KHM)_Page_5

សេចក្តីថ្លែងការណ៍រួម: អង្គការសង្គមស៊ីវិល សូមប្រកាសគាំទ្រ អង្គការមាតាធម្មជាតិ និងថ្កោលទោសចំពោះការបង្រ្កាប ទៅលើអង្គការនេះ

ភ្នំពេញ ថ្ងៃទី១៤ ខែកុម្ភៈ ឆ្នាំ២០១៦

ជាការឆ្លើយតបទៅនឹងបទចោទយ៉ាងអយុត្តិធម៌ចុងក្រោយ បង្អស់ ប្រឆាំង ទៅលើសមាជិកបីរូបបន្ថែមទៀតរបស់អង្គការការពារបរិស្ថាន ឈ្មោះ មាតាធម្មជាតិ យើងជាអង្គការសង្គមស៊ីវិល ដូចមានរាយនាមខាងក្រោម សូមប្រកាសគាំទ្រអង្គការមាតាធម្មជាតិ និងសូមថ្កោលទោស ចំពោះចំណាត់ការរបស់រាជរដ្ឋាភិបាលកម្ពុជា (“រដ្ឋាភិបាល”)  ក្នុងការបង្រ្កាបទៅលើអង្គការនេះ និងសង្គមស៊ីវិលទូទៅនៅកម្ពុជា។

ទាញយកឯកសារជា ភាសាខ្មែរអង់គ្លេស :

 605_201jcdsfmnk_kh_Page_1 605_201jcdsfmnk_kh_Page_2 605_201jcdsfmnk_kh_Page_3 605_201jcdsfmnk_kh_Page_4

ការវាស់ស្ទង់ ការជួលលំនៅស្ថាន នៅក្នុងរាជធានីភ្នំពេញ

អង្គការទីក្រុង សមាគមធាងត្នោត (STT) បានចេញផ្សាយនៅ របាយការណ៍ចុងក្រោយរបស់ខ្លួន «ការស្រាវជ្រាវ ការជួលលំនៅស្ថាន នៅក្នុងរាជធានីភ្នំពេញ»​ ដែលបានធ្វើការស៊ើបអង្កេតលើ ស្ថានភាពនៃអ្នកជួលផ្ទះ នៅក្នុងរាជធានីភ្នំពេញ។

Read More