Tuesday, April 16, 2024
Latest:

កម្មវិធីអត្តសញ្ញាណកម្មគ្រួសារក្រីក្រ៖ ប័ណ្ណសមធម៌តាមការស្នើសុំសម្រាប់សហគមន៍ក្រីក្រក្នុងរាជធានីភ្នំពេញ

កម្មវិធី អត្តសញ្ញាណកម្មគ្រួសារក្រីក្រ  ជាយន្តការគាំពារសង្គមមួយដំបូងបង្អស់របស់ប្រទេសកម្ពុជា ដែលបង្កើត​ឡើងជាមូលដ្ឋាន​តែមួយគត់សម្រាប់ទទួលបានសេវាកម្មនានា ដែលផ្តល់ជូនប្រជាពលរដ្ឋក្រីក្រក្នុងគោលដៅផ្តល់នូវសេវាសាធារណៈ និងជំនួយថវិការ ដើម្បីធានាថាគ្រួសារទាំងនោះរួចផុតពីភាពក្រីក្រ។ នៅក្នុងរបាយការណ៍នេះ បានរកឃើញថា ការសម្រេចរបស់អាជ្ញាធរ​ក្នុង​ការផ្តល់​ប័ណ្ណសមធម៌ទៅឱ្យគ្រួសារមួយចំនួនមានភាពមិនច្បាស់លាស់ ខណ:ដែលអ្នកមានប័ណ្ណសមធម៌មួយ​ចំនួនជួបបញ្ហានៅក្នុង​ការ​ប្រើប្រាស់ប័ណ្ណនេះដើម្បីទទួលបានសេវាដោយមិនគិតប្រាក់ពីរដ្ឋាភិបាល។​

៧៣ភាគរយ នៃចំនួន ៣៧ សហគមន៍ ដែលបានផ្តល់បទសម្ភាសធ្លាប់បានតវ៉ាជំទាស់នឹង​ដំណើរការកម្មវិធីនៃអត្តសញ្ញាណកម្ម​គ្រួសារក្រីក្រ និងរបៀបនៃ​ការអនុវត្ត​របស់​អាជ្ញាធរ។ បន្ថែមពីលើនេះ ប្រជាសហគមន៍ដែលបានផ្តល់​​បទសម្ភាសក៍បានបង្ហាញ​ពីការមិនពេញចិត្តផងដែរ ខណៈពេល​ដែល​ពួកគេបានគិតថា ខ្លួនគួរតែទទួលបានប័ណ្ណសមធម៌៖

“សមាជិក សហគមន៍ម្នាក់បានលើកឡើងថា៖ ប័ណ្ណសមធម៌ត្រូវបានចែកឱ្យតែអ្នកមាន មិត្តភក្តិ ឬសាច់ញាត្តិរបស់ពួកគេ។ ពេលខ្លះ ខ្ញុំមានអារម្មណ៍ថាខកចិត្តចំពោះដំណើរការនេះ ហើយខ្ញុំតែងតែឆ្ងល់ថាហេតុអ្វីបានជាប័ណ្ណសមធម៌នេះគេចែកឱ្យតែអ្នកមាន មិន​ចែក​ឱ្យអ្នកក្រពិតប្រាកដ” ។

ម្យ៉ាងវិញទៀត បើទោះបីជាសមាជិកសហគមន៍មួយចំនួនទទួលបានប័ណ្ណសមធម៌ ក៏ប៉ុន្តែពួកគេខ្លះនៅតែ​មានបញ្ហានៅ​ក្នុងការ​ប្រើ​ប្រាស់សេវារបស់ប័ណ្ណសមធម៌៖

មន្ត្រីរាជរដ្ឋាភិបាលដែលធ្វើការនៅពេទ្យរដ្ឋមិនបានរវីរវល់ឆ្លើយនឹងតបខ្ញុំ។ ពួកគាត់គ្រាន់តែដាក់សារ៉ូមឱ្យខ្ញុំ ហើយទុកខ្ញុំចោល​មិន​មកមើលខ្ញុំទេ។ ពួកគាត់ដូចមិនសូវខ្វល់ពីអ្នកក្រសោះ ។​សម្តីរបស់សមាជិកសហគមន៍ម្នាក់

ដើម្បីឈ្វេងយល់លម្អិតពីរបាយការណ៍ស្រាវជ្រាវនេះ សូមចូលទៅកាន់គេហទំព័រ៖ https://teangtnaut.org/report/?lang=km

លោកអ្នកអាចទាញយករបាយការណ៍នៅទីនេះ! ភាសាខ្មែរ – អង់គ្លេស

សម្រាប់ព័ត៌មានបន្ថែម សូមទំនាក់ទំនង៖
លោក សឿង សារ៉ន នាយកប្រតិបត្តិនៃអង្គការសមាគមធាងត្នោត។
ស៊ីកណល (Signal)៖ ០៨៩ ៦៦៦ ០១៣
អ៊ីម៉ែល៖ director@teangtnaut.org
អ្នកស្រី ប្រាក់ សុធារី ទីប្រឹក្សាតស៊ូមតិ និងស្រាវជ្រាវនៃអង្គការសមាគមធាងត្នោត។
ស៊ីកណល (Signal)៖ ០១២ ៤៦៤ ៥០០
អ៊ីម៉ែល៖ advisor1@teangtnaut.org

Comments